انا والليل والعبره وجرح وخاطر مكسور

[الفرحان]

انا والليل والعبرة وجرح وخاطر ٍمكسور
ونفس من هجير البعد والحرمان مقهورة
وقلب ظامي لشوفك ولايروى ظماه بحور
وعين تحتري لحظة غياب الطيف وحظوره
ونار تنطفي مره ومره تشتعل وتثور
واقول النار مقدورة وهي ما هيب مقدورة
حسبت الليل بغيابك يمرن الليال دهور
وكني شايل بقلبي ليال الوقت وشهوره
تصبرت وتقدرت وبنيت من الخيال قصور
إلين ان الجفا شد الركايب وانتهى دوره
تحريتك على درب القصيد من ثلاث دهور
وحشا ما مات لك غصن يشف الماي بجذوره
تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره
وانا ما كان لي رغبه أبين واكشف المستور
ولكن الجمال أكبر من الخفاق وشعوره
جمال وود وعيون ودلال وكبرياء شعور
وفتنة تخذل عيون النهار وينطفي نوره
ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة
عرفتك وانتهت رحلة قساوة دربي المهجور
والا يا جملة أيام الجفا والصد مشكورة
خذتني للجفا عزه واخذني للعناد غرور
واخاف اكون بعنادى حبيب ومات بغروره
وإذا كانت مسافات الخيانة للغرام قبور
وش اللي يجبر العاشق يخون ويحفر قبوره؟
وش اللي يجبر الشاعر يدور للشعر جمهور؟
مدام انتي محبينه وعشاقه وجمهوره




منقوله لكم وعسى ان تنال اعجابكم ؛؛؛؛​

 

[الحنان كله]

رد: انا والليل والعبره وجرح وخاطر مكسور

كلمات جميلة جدا وذات شجن اخوي الفرحان مشكووووووووووووووو ر

 

[الصابرة]

رد: انا والليل والعبره وجرح وخاطر مكسور

تصبرت وتقدرت وبنيت من الخيال قصور
هذا البيت يتضمن معاني تلامس الأحساس فهو يغني عن قصيدة كاملة
كل ماتنقلة لنا يالفرحان جميل... مشكورين

 

[الفرحان]

رد: انا والليل والعبره وجرح وخاطر مكسور

كلمات جميلة جدا وذات شجن اخوي الفرحان مشكووووووووووووووو ر

مشكوووووووووووووووووره أختاه على مرورك الكريم وتشريفك الجميل . مع اطيب تمنياتي لك بالتوفيق ..

 

[الفرحان]

رد: انا والليل والعبره وجرح وخاطر مكسور

تصبرت وتقدرت وبنيت من الخيال قصور
هذا البيت يتضمن معاني تلامس الأحساس فهو يغني عن قصيدة كاملة
كل ماتنقلة لنا يالفرحان جميل... مشكورين

مشكوره اختي العزيزة على مرورك الكريم وتشريفك العاطر لمتصفحي . كما لايفوتني ان اشكرك على كلماتك وأحاسيسك الرائعة التي لا تصدر إلا من شخص رائع مثلك أختاه . مع اطيب تمنياتي لك بالتوفيق ..

 

[ماجد00]

رد: انا والليل والعبره وجرح وخاطر مكسور

[align=center]
الله الله اخوي الفرحان والله ابيات في غاية الروووعه
الف شكر لك على هالذوووق وتقبل مروري
[/align]

 

[الفرحان]

رد: انا والليل والعبره وجرح وخاطر مكسور

[align=center]
الله الله اخوي الفرحان والله ابيات في غاية الروووعه
الف شكر لك على هالذوووق وتقبل مروري
[/align]

الله يعافيك أخي العزيز أشكرك اخي العزيز على التشريف العاطر والمرور الكريم . مع اطيب تمنياتي لك بالتوفيق ...

 

[شمعة]

رد: انا والليل والعبره وجرح وخاطر مكسور

ماشاء الله معاني رائعة واختيار راقي موفق
شكرا لك وصح لسان الشاعر

 

[الفرحان]

رد: انا والليل والعبره وجرح وخاطر مكسور

ماشاء الله معاني رائعة واختيار راقي موفق
شكرا لك وصح لسان الشاعر

مشكوره اختاه على مرورك الكريم وتشريفك العاطر لمتصفحي . مع اطيب تمنياتي لك بالتوفيق ...