نفسك لا تظلمها ولا تظلم الناس

[ابو فواز]

نفسك لا تظلمها ولا تظلم الناس
واليا نطقت الناس لاتبتليها

مثل مافيك احساس للعالم احساس
والناس مثلك مثل مافيك فيها

اليا اشتريت اشتر ذهب واشتر الماس
والحاجة اللي ماش لاتشتريها

لايضيع عمرك وانت تجمع لك انحاس
حوادث الايام لاتزدريها

ولاتقول الراي لاصرت محتاس
والكلمة اللي كفيتها لاتحكيها

صمت على كلمة بلاعقل وقايس
ابرك ولانت تقولها وتعميها

حاول تجي مثل الجبل منت قرطاس
ماكل هبات الزمن تشتهيها

ناس ليا من طحت لفاظت انفاس
وناس طواري طيحت تحتريها

خلك حديد إن ثقلوا ضربة الفاس
تراك لاخشبت بتروح فيها

والبس من ثياب المعزة لك الباس
وناس مايفرح قربها لاتجيها

واليا بنيت ابني العلاقة على اساس
وارضي النفوس اللي تبيك وتبيها

يسرك اللي خوته ترفع الراس
ويبور منه خوته لك عليها

((سعد المطرفي ))

 

[الصبر]

رد: نفسك لا تظلمها ولا تظلم الناس

الله الله عليك ابـــ فواز ـــوجزل ولاهي غريبه عليك

 

[ابو فواز]

رد: نفسك لا تظلمها ولا تظلم الناس

هلا وغلا بأخي الصبر ما عليك زود
شرفني واسعدني ردك الرائع هذا من ذوقك الراقي
بارك الله فيك واسعدك بالدارين قرير العين ومن تحب
احترامي وتقديري لك

 

[الحنان كله]

رد: نفسك لا تظلمها ولا تظلم الناس

روعه

 

[ابو فواز]

رد: نفسك لا تظلمها ولا تظلم الناس

حياك الله اختنا الحنان كله
شرفني مرورك الاروع بارك الله فيك
احترامي وتقديري لك

 

[الحمدكل الحمد لله]

رد: نفسك لا تظلمها ولا تظلم الناس

من اروع القصائد يسلم قائلها وناقلها


---

 

[ابو فواز]

رد: نفسك لا تظلمها ولا تظلم الناس

حياك الله اخي العزيز
شرفني مرورك الله يسلمك
احترامي وتقديري لك