اعانة الصلب المشقوق

[ام رذاذ]

لوسمحتم ردوا على استفساري عندي طفل من ذوي الصلب المشقوق عمره خمس سنوات سببت له الاعاقه شلل نصفي, عدم التحكم,ضمور في الرجلين,استسقاء دماغي,له ثلاث سنوات يصرف له التأهيل 10 الاف في السنه يعني 833 شهري راجعنا كم مره من اجل تعديل الاعانه ولكنهم رفضوا يقول الدكتور اعاقه بسيطه ماله زياده اللى عنده نفس الاعاقه ياليت توضيح كم يستلمون ؟ واللى مر بنفس المشكله بأيش ينصحني ارجوكم مساعدتي واللى يشوف موضوع وماعنده رد يرفع الموضوع بالاستغفار رفع الله قدركم...

 

[شمس الضحى]

رد: اعانة الصلب المشقوق

هلا أختي

ان شاء الله هالرابط يفيدج

http://m3aq.net/vb/forumdisplay.php?f=119

 

[ام جنى]

رد: اعانة الصلب المشقوق

ام رذاذ لاتحاولين
اذكر اني رحت احاول ازيد الاعانة وقالوا لي مثلكـ وماضوا يزيدونها
وبنتي تستلم مثل ولدك 833

 

[عيون عسير]

رد: اعانة الصلب المشقوق

ليش والله حرام مو من جيوبهم
حسبنا الله ونعم والوكيل

 

[مُعان]

رد: اعانة الصلب المشقوق

[align=center]

[/align]

 

[ام رذاذ]

رد: اعانة الصلب المشقوق

مشكورين على الردود والله يعين مامعنا غير الصبر

 

[اللهم احفظني]

رد: اعانة الصلب المشقوق

يسلمووو على الطرح وان شاءالله اخواني واخواتي يفيدونك

 

[وسام الوسم]

رد: اعانة الصلب المشقوق

انا بنتي نفس المرض صلب مشقوق وشلل بالرجلين واستسقاء دماغي وخلع بالرجل اليمنى مع ضعف النظر وضعف بالسمع \صنفوها من شديدي الاعاقه واعطونا بطاقة الصراف قبل اسبوع اعانتها 1166 ريال اختي ام رذاذ روحي طلعي لها تقرير من نفس المستشفى اللي تراجع عنده ولاتخلي حاجه حتى لو هي بسيطه ماتذكر بالتقرير حتى المثانه العصبيه اذكروها...الله يكتب لكي الخير

 

[ام جنى]

رد: اعانة الصلب المشقوق

وسام الوسام يمكن انا حاولت وعجزت يمكن لان بنتي عقلها زين والسمع والنظر عندها كويسين مارضوا يرفعون لي الأعانة

ع العموم اختي انتي حاولي يمكن يصير حظكـ احسن من حظنا

 

[وسام الوسم]

رد: اعانة الصلب المشقوق

الحمدلله الذكاء بنتي عندها ممتاز ولله الحمد بس في ضعف نظر وضعف سمع صرفوا لها سماعه ونظاره \ثانيا اعاقة الصلب المشقوق تسمى شديدي الاعاقه وانتم صنفوكم تحت مسمى غير شديدي الاعاقه واللي يستلم 10000 لغير شديدي الاعاقه.يعني لازم ماتسكتون اذا رفضوا التعديل اشتكوا

 

[الاثير]

رد: اعانة الصلب المشقوق

اعانك الله وعافاها بس لاتسكتي اشتكي

 

[ام جنى]

رد: اعانة الصلب المشقوق

اممم تقولين يعني اروح اراجع
بشوف الوضع زوجي بعد اسبوعين إجازة بنروح نشوف
يعطيكـ العافية خيتو ع المعلومات ماكان عندي فكرة

 

[أميمة الأحمدي]

رد: اعانة الصلب المشقوق

لا المفروض اكثر
وارفعي برقيه على وزارة الخدمة الإجتماعيه
يناااااس والله يحتاجوا كثير الله يشفيهم

 

[المحترمه]

رد: اعانة الصلب المشقوق

اخواتي تكفون انا عندي بنت عمرها عشر شهور من ذوي الصلب المشقوق وتحتاج لقسطره وانا خايفه ومااعرف لها ابد
ابي ممرضه من وين احصلها تكفون وهل ممكن اي قطاع يوفر لي هالشي وبنتي يتيمه بعد

 

[عيون عسير]

رد: اعانة الصلب المشقوق

اختي المحترمة كيف عرفتي انها تحتاج للقسطرة ؟
ولدي عمره 10 شهور وعنده الصلب المشقوق ومركب شنت للإستسقاء ؟
وبعدين لازم انتي تدربين على تركيبها يعلمونك عند الطبيب ولما تكبر بنتك تعلميها تساويها
بس كيف نعرف انه يحتاج للقسطرة ؟؟
الطباء يقولون مانقدر نحكم الحين لازم يكبر

 

[المحترمه]

رد: اعانة الصلب المشقوق

عيون عسير
لا الاطباء يسوون اشعه للمثانه ويعرفو اذا المثانه عصبيه لازم قسطره
وانا شفتهم بس ماعرفت كيف البنت لازم دقه وانا خايفه على بنتي ابي اوفر لها ممرضه وخصوصا ان معها ادويه
وانا ادرس يعني مااقدر كل ثلاث ساعات لازم قسطره
انتي من وين اي مستشفى تراجعين تواصلي معي وانا ان شاء الله افيدك باللي اعرف

 

[عيون عسير]

رد: اعانة الصلب المشقوق

انا يالغالية من ابها عسير, وكنت اراجع بالعسكري
والحين بمستشفى عسير وصراحة ضروري نتواصل نتشارك اي معلومة مهمة وش رايك

 

[المحترمه]

رد: اعانة الصلب المشقوق

عيون عسير انا من القصيم وارجع مستشفى الحرس بالرياض
تو نقلت بنتي عنده وهم اللي سوو الاشعه وعرفو ان المثانه عصبيه
وطالبين اعمل لها قسطره وانا خايفه ومااقدر اسويها وابحث عن ممرضه ويمكن انومها بالمستشفى في القصيم مدة شهر كذا لين يجي موعدها
واشوف تحسنت المثانه ولالا
واي شي تبغيه قولي لي

 

[المحترمه]

رد: اعانة الصلب المشقوق

اختي ولدك كيف رجوله فيها انحناء ولالا
الله يشفيه وبنتي وجميع مرضى المسلمين

 

[ام رذاذ]

رد: اعانة الصلب المشقوق

نعم اختي المحترمه رجول ولدي فيها انحناء ورفضوا زيادة الاعانه قالوا النطق والسمع والنظر سليم