إعانة سنويه غير الراتب لذوي الإحتياجات الخاصه

[قلبي المجروووح]

بسم الله الرحمن الرحيم

السلام عليكم ورحمة الله وبركاته

الصدق سمعت انه في مقطوعه سنويه لذوي الإحتياجات الخاصه
ياخذونها من الجمعيه الحركيه في الرياض حي الملز

وفي ناس يقولون روحي لضمان اطلبي إعانه سنويه
حتى لو ماسجلوك في الضمان بس يعطونك إعانه سنويه ,

وانا سبق ورحت عشان يسجلوني ورفضوا يعني لو بروح اللحين أطلب اعانه يقبلون؟؟؟؟؟؟

خصوصا" الجمعيه هذي للإعاقة الحركيه وانا اللي مرض القلب مزمن وأستلم الف وميه

والقهر ماادري ليش موظفين الوزارة مايخدموننا من أنفسهم
اذا جينا نسوي اوراقنا كذا تلقائي يكون لنا منح ويعطوننا بطاقة التخفيض الطيران

ويقولون لكم مقطوعه القهر اننا نجي نجدد الصراف ونمشي وننصدم انه في ناس اخذوا كذا وكذا
طيب حنا وش عرفنا اذا هم ماقالوا لنا ,

هي ما أحد له منّـه وفضل كله من حكومتنا لناااااا

* الله يغنينا بفضله عمن سوآه يارب​

 

[ناص]

رد: إعانة سنويه غير الراتب لذوي الإحتياجات الخاصه

طيب ليش ما نسجل بدون طلب..
توي اغرف ان فيه مقطوعة..
وين الموظفين عنا..
الشكوى لله سبحانه وتعالى.

 

[واثق الخطوة]

رد: إعانة سنويه غير الراتب لذوي الإحتياجات الخاصه

لاتخلطون الامور علي الاعضاء
1- التأهيل الشامل لايعطي غير الاعانة وليس هناك مقطوعة تصرف من التأهيل.
2- الجمعيات الخاصة لها تنظيمها الخاص وتعطي المعاق وغير المعاق حسب
التنظيم الموجود لديهم .
3- المساعدة المقطوعة تعطي من قبل الضمان فقط لاغير .
4- المساعدة المقطوعة من الممكن التقديم عليها حتى لو لم تكن مسجل بالضمان
اذا انطبقت عليك الشروط..
5- الكثير من ذوي الاعاقة مسجلين بالضمان ويحق لهم مايحق لمستفيدي الضمان
ويستلمون مقطوعة..
وللعلم والتذكير لاتعارض بين الضمان والتأهيل ،
يجوز الجمع بينهم اذا توافرت الشروط ...

نسأل الله ان يرزقنا من واسع فضله ​

 

[قلبي المجروووح]

رد: إعانة سنويه غير الراتب لذوي الإحتياجات الخاصه

يامال الجنة يااخوي ( وآثق ) ماتقصر ولا يهونون باقي الإدارة في الموقع ماتقصرون ,

يا اخوي فيه مقطوعه والكلام قالته موظفه في التأهيل الشامل في القدس

تقول القرار توه جاهم إنه عادي اروح الضمان وأطلب المقطوعه السنويه ويرفعون لي فيها وتنزل بعد 3 شهور على صرآف التأهيل ,

لكن ما بعد رحت لهم انا ,

تقدر تقول لي وش الشروط لآ هنت !!

شآكره وممتنة

 

[واثق الخطوة]

رد: إعانة سنويه غير الراتب لذوي الإحتياجات الخاصه

يامال الجنة يااخوي ( وآثق ) ماتقصر ولا يهونون باقي الإدارة في الموقع ماتقصرون ,

يا اخوي فيه مقطوعه والكلام قالته موظفه في التأهيل الشامل في القدس

تقول القرار توه جاهم إنه عادي اروح الضمان وأطلب المقطوعه السنويه ويرفعون لي فيها وتنزل بعد 3 شهور على صرآف التأهيل ,

لكن ما بعد رحت لهم انا ,

تقدر تقول لي وش الشروط لآ هنت !!

شآكره وممتنة

جزاك الله خير اختي

هذا اللي احببت اوصله لك ان المقطوعة تصرف من الضمان وليس من التأهيل
وإذا كنتي تستلمين من التأهيل يحق لك التقديم ع المقطوعة
واعتقد يلزم احضار بطاقة صراف التأهيل واثبات الهوية
وإذا كان معك مشهد من التأهيل يكون افضل ف حالة طلبة
برغم ان معلوماتك بتكون موجودة عندهم بالجهاز
لانه مكاتب الضمان تختلف من منطقة لمنطقة بالطلبات
وياريت تكتبين لنا هنا بعد ذهابك لهم وش يصير معك
حتى يستفيد باقي الاعضاء والزوار..
ولك الآجر إن شاء الله
دعواتي لك وللجميع بالتوفيق​

 

[هوى امل]

رد: إعانة سنويه غير الراتب لذوي الإحتياجات الخاصه

السلام عليكم اخواني .. اللي عنده خبر عن هالموضوع يخبرنا بسرعه وحنا بالانتظار ،، الله يجزاكم كل خير

 

[ابو صالح الشريف]

رد: إعانة سنويه غير الراتب لذوي الإحتياجات الخاصه

السلام عليكم ورحمة الله وبركاته اخواني الاعزاء نرجوا منكم التاكيد من مصدر موثوق وابلاغنا بذالك جزاكم الله خير الجزاء

 

[قلبي المجروووح]

رد: إعانة سنويه غير الراتب لذوي الإحتياجات الخاصه

وعليكم السلام ورحمة الله وبركاته

أبشروا ان شاءالله اذا رحت قريب يمكن بكرى ان شاءالله أعلمكم

^_^

 

[ضيف الله الحربي]

رد: إعانة سنويه غير الراتب لذوي الإحتياجات الخاصه

الله يكتب فيه الخير للجميع

لو أني اتوقع وأجزم أن هذا الكلام مجرد اشاعات

تقبلو مروري​

 

[احتضار]

رد: إعانة سنويه غير الراتب لذوي الإحتياجات الخاصه

مثل ما تكرم الاخ واثق الخطوه وقالكم

لا توجد مساعده مقطوعه الا من الضمان

حتى التاهيل لا تروحونه لانهم ماراح يفيدونكم بشي

خذي تقرير طبي جديد الاصل من مستشفى حكومي

وخذي بطاقة العائله وبطاقة الاعاقه بس هذي كل الاوراق المطلوبه

ويعطونك كل شهر 830 وكل سنتين مساعده مقطوعه 10500

بس اذا كنتي متزوجه ما يعطونك​

 

[ابوالشباب]

رد: إعانة سنويه غير الراتب لذوي الإحتياجات الخاصه

الطفلة تاخذ اعانة مقطوعة من الضمان ؟
فيه ناس قالوا ايه وناس قالوا لأ
عمرها 6 سنوات

 

[قلبي المجروووح]

رد: إعانة سنويه غير الراتب لذوي الإحتياجات الخاصه

في الحقيقه والواقع إني رحت ورفضوني << فيس يبتسي

المهم طلعت صحيح سالفة المقطوعه ( لغير المشمولين ) يعني لـ غير المسجلين بالضمان ,

ولهم شروط معينه الموظفه تقول ,

وسبب رفضهم لي تخيلوا عشان في تقريري الدكتور كاتب الحاله مستقره

يقولون ما أنتِ عآجزه

الله يكرمنا بفضله ومنته يارب ويغيننا بحلآله << من كثر ما اقول الله يغنيني بحلاله ما احد يقبلني ههههههههه

لكن الحمدلله من قبلُ ومن بعد ,

^_^

 

[القابضه على الجمر]

رد: إعانة سنويه غير الراتب لذوي الإحتياجات الخاصه

ياليت فيه احد يوضح لنا اكثر عن الموضوع هذا

 

[هوى امل]

رد: إعانة سنويه غير الراتب لذوي الإحتياجات الخاصه

السلام عليكم .. طيب اخواني اللي عاجز ويستلم مساعده مقطوعه من الضمان تحق له مساعده مقطوعه من التأهيل ايضاً ؟؟!! ياليت تسألون وننتظر الاجابه الشافيه منكم يا اخوان

 

[ابوالشباب]

رد: إعانة سنويه غير الراتب لذوي الإحتياجات الخاصه

كلنا نسأل ولا أحد يجيب !!

 

[قلبي المجروووح]

رد: إعانة سنويه غير الراتب لذوي الإحتياجات الخاصه

وعليكم السلام ورحمة الله وبركاته

اخواني اخواتي بحسب كلام موظفة الضمان ,

ان اللي موجودين في الضمان لهم مقطوعة يسمونها ( مقطوعة المشمولين )
واللي ماهي في الضمان بس مطلقه او ارمله وعندها راتب تقاعد او شيء زي كذا يعطونهم يسمونها ( مقطوعه لغير المشمولين ) اذا رحتوا اطلبوها كذا باالإسم

اما ذوي الإحتياجات الخاصه بعضهم تشملهم على حسب شروطهم والتقارير بس التقديم على المقطوعه ماهو في التأهيل لآ
يكون التقديم في الضمان بمسمى ( مقطوعه لغير المشمولين ) ويشوفون إعاقتكم بموجب التقرير ويقولون اذا تستحقون أو لآ ,

أسأل الله العظيم الرزق المبآرك لي ولكم
ولآ تنسوني من أطيب دعآئكم

دمتم بود

^_^​

 

[هوى امل]

رد: إعانة سنويه غير الراتب لذوي الإحتياجات الخاصه

مشكور اخوي والله يجزاك خير و يوفقك

 

[ام مرام]

رد: إعانة سنويه غير الراتب لذوي الإحتياجات الخاصه

السلام عليكم ورحمة الله وبركاته انا عندي بنتي في التاهيل وعمرها 12سنه اقدر اقدم ع المقطوعه في الضمان تشملها او لا احد يفيدنا جزاكم الله خير

 

[سامي]

رد: إعانة سنويه غير الراتب لذوي الإحتياجات الخاصه

السلام عليكم ورحمة الله وبركاته انا عندي بنتي في التاهيل وعمرها 12سنه اقدر اقدم ع المقطوعه في الضمان تشملها او لا احد يفيدنا جزاكم الله خير

قدم لابنتك بالضمان على المقطوعه وان شاء الله خير وهذا على حسب نوع اعاقتها وكذلك بعد الكشف عليها من اللجنة الطبية والامور سهلة ان شاء الله وبالتوفيق ....~

 

[سمرونه]

رد: إعانة سنويه غير الراتب لذوي الإحتياجات الخاصه

السلام عليكم ورحمة الله وبركاته السلام عليكم ورحمة الله وبركاته



يعني اقدمها لي الضمان