انتهت البطاقه وش طلبات التجديد؟

[الالمعي]

السلام عليم ورحمة الله ..
بس عندي سؤال بسيط وياليت احد يجاوب عليه لو كان مكرر .
انا دورت موضوع مثله مالقيت .
انا من فئة 24 ب والبطاقة انتهت في شهر 2 عام 2013
والان احنا في شهر 7 ونزلت الاعانة اليوم وابي اسحب يقول البطاقه منتهية راجع اقرب فرع .
اراجع البنك والا التاهيل الشامل ؟
وش يطلبون مني اذا جيت اجدد البطاقه فقط ..؟
عما باني قد استلمت قبل كذا سنتين .

 

[المتفائل]

رد: انتهت البطاقه وش طلبات التجديد؟

[align=center]وعليكم السلام ورحمة الله وبركاته

اخوي الالمعي راجع التاهيل اللي انت تابع له
وتحصل بطاقتك جاهزه عندهم
المطلوب حضورك مع احضار
بطاقة الصراف المنتهية وبطاقة الاحوال فقط

[/align]

 

[الالمعي]

رد: انتهت البطاقه وش طلبات التجديد؟

تسلم .يعطيك العافيه
بس لي الحين 5 شهور ماقد راجعتهم ..
عادي لو اراجعهم الحين والقاها هناك ؟؟

 

[المتفائل]

رد: انتهت البطاقه وش طلبات التجديد؟

[align=center]اللي يستلم اعانة شهرية
تبقى صرافته الجديدة بالتاهيل لمدة شهرين او 4 شهور
اذا ماجاء صاحبها يرجعوها للوزارة

لكن اللي يستلم كل 6 شهور
ما اقدر افيدك
لكن بكلا الحالتين لازم تراجع التاهيل
اذا حصلتها عندهم زين على زين
ماحصلتها بيرفعوا لك طلب لاسترجاعها من الوزارة[/align]

 

[سعوديه كوول]

رد: انتهت البطاقه وش طلبات التجديد؟

طيب لو غيرت مدينتك مايصير تروح لتاهيل المدينه الجديده؟؟؟

 

[المتفائل]

رد: انتهت البطاقه وش طلبات التجديد؟

طيب لو غيرت مدينتك مايصير تروح لتاهيل المدينه الجديده؟؟؟

يصير اختي سعوديه
تطلبي نقل من نفس تاهيلك القديم لتاهيل اخر​

 

[الجبل حائل]

رد: انتهت البطاقه وش طلبات التجديد؟

مايحتاج شي بس تجي التاهيل وتعطيبه بطاقتك وتاخذ الجديده على طول
كل الشغله ١٠ دقائق

 

[ابوعبادي]

رد: انتهت البطاقه وش طلبات التجديد؟

السلام عليكم ورحمة الله وبركاته
تحيه طيبه لحبايب قلبي جميع اعضاء وعضوات منتدانا الغالي اتمني ان الجميع بصحة وعافية
اخواني زي منتو عارفين ان بطايق التاهيل انتهت السوال ؟؟ هل فيه فحص او بحث السنة هذي او اروح واستلم طوالي بطاقتي زي اخر مره اعطيهم البطاقة القديمة والاثبات وصلى الله وباركه الرجاء اللي عنده علم يفيدنا ويعطيكم الف عافيه ؟؟؟؟؟ وبالنسبة للموظفين هل فيه طلبات

يعني يطلبوون برنت او شي ولكم جزيل الشكر

 

[الالمعي]

رد: انتهت البطاقه وش طلبات التجديد؟

انا رحت اليوم الصباح التأهيل في منطقة ابها الساعه 8 واخذت رقم رقمي 18
دخلت على الموظف قال جيب البطاقه القديمه وبطاقة الاحوال ..
واعطيته وتاكد من السجل المدني هل هو مطابق والا لا .
ورجع لي بطاقة الاحوال ..
دور بين البطايق لقي بطاقتي قد هي جاهزه .
فتح ملفات من اللي عنده لقى اسمي مكتوب قال ليش تاخرت ماجيت قلت له ماانتبهت انها انتهت الا الحين .
قال خلاص ابصم هنا .
وبصمت واعطاني البطاقه ورحت اسحب لقيت الفلوس فيها جاهزه ..
وبنفس الرقم السري القديم .
ولا سالني عن تقرير ولا طلب مني شي ثاني .
هذا كل شيء ..

يعني اللي يبي يروح ياخذ بطاقة الاحوال والبطاقة القديمه للصرافه وحظوره هو شخصيا .. ويستلمها.

 

[ابوعبادي]

رد: انتهت البطاقه وش طلبات التجديد؟

الف شكرر باذن الله راح اروح لهم بكرة وربك يسهل

 

[ابوعبادي]

رد: انتهت البطاقه وش طلبات التجديد؟

السلام عليكم ورحمة الله وبركاته
اخواني خواتي ابشركم رحت اليووم واستلمت البطاقة باقل من 10 دقايق اول ماجا الموظف المطلوب البطاقة الشخصية والبطاقة القديمة فقط وحظور الشخص المستفيد ..
موقعهم بالرياض امتداد مخرج 9 وانت جاي من الشرق مباني كبير جدا وواضح مكتوب عليه وزارة الشوؤن الاجتماعية ... بالتوفيق للجميع

 

[دارين]

رد: انتهت البطاقه وش طلبات التجديد؟

هل حضور المستفيد لازم