oOo على مبـدأ الفـراق المـر ياخلي فمان الله oOo

[بنت قحطان]

[align=center]
[frame="10 98"]

على مبـدا الفـراق المـر.. ياخلـي فمـان الله
وعلـى مبـدا فمـان الله.. ياخلـي تذكـرنـي

وعلى مبدا تذكرنـي.. تذكـر حبنـا وش جـاه
تذكّـر قـد مـا تذكْـر.. ولكـن لا تفكـرنـي

ابسافر من اعماقك..على جفن السهـر لرخـاه
(وابنثر دمعة عيون السهر ).. لكـن تصورنـي

تصورني مثل ليـلٍ بهيـمٍ ..(حالـكٍ) مسـراه
ليا ضاعت بي دروب المسا..والـدرب حيرنـي

وقفت.. من العنا تايه.. علـى حـده ويا مقسـاه
يسندّنـي علـى هـم.. وعلـى غـمٍ يحدرنـي

وتصورني مثل طفلٍ..يتيـمٍ..مـد لـك يمنـاه
تنهت.. وانكـسر صدره يقول: الوقـت قاهرنـي

تثاقل دمعتينه فـي عيونـه.. والزمـان ابكـاه
وأنا لولا (دموعه..وأنكـساره) ويش يسهرني!

نعت كل الصخور..وقلبك القاسي..عجز ينعـاه
تعاليت وتكابـرت وعلـى الصدمـات تغمرنـي

والى مني رحلت..ورحت..لا تسئل عن اللي تاه
ابي تسئل..عن اللي سابني.. وقفـى وبعثرنـي

والى منه طرى اسمي على بالك..ابي تنسـاه
لان اسمك على بالي..ترى ما عاد يحضرنـي

مدام انك تثاقلت الصور.. من ذاااااك ..حتـى ذاه
اجل..ماني بحاجة شخص..عمره ما تصورنـي

واذا قصدك تحقر القلب..(فيمـا أٌنذكـر اعـلاه)
لا والله ..وحشى..لانته.. ولاغيـرك بيحقرنـي

ابي تعرف..(بأني حالـةُ فـي الحـب مستثنـاه)
أدوس القلب.. واعروقه.. ولا مثلـك يسيرنـي

علي نذر ...ويمين.. اني لعلمـك الجفـا وارداه
واعلمك التحدي ..في غرامي.. وكيف تخسرنـي

وبعلمك الشموخ.. اللي رفع راسـي ولا وطـاه
واعلمـك انحنـاء الـذات.. للـي مـا يعبرنـي


والى اشتد الغرام.. وهزني.. (يالعنبـو مجنـاه)
ابكّـسـر مجاديـفـه.. ولا والله يكـسـرنـي

انـا مانـي حبيـبٍ لاخذلتـه بالهـوى تجفـاه
انـا لـي خافـقٍ يالعنبـو حيـيـك مكبـرنـي..

...........


القصيدة للشاعر المبدع / محمد بن ساقان القحطاني[/frame]
[/align]

 

[زهرة الياسمين]

رد: oOo على مبـدأ الفـراق المـر ياخلي فمان الله oOo

كلمات ليست كالكلمات
نقل رررررررائع وذوق شعري متميز
شكرررررررا بنت قحطان

 

[بنت قحطان]

رد: oOo على مبـدأ الفـراق المـر ياخلي فمان الله oOo

كلمات ليست كالكلمات
نقل رررررررائع وذوق شعري متميز
شكرررررررا بنت قحطان

زهـرة الياسمين

الرووعه والذوووق هو مرورك ياقلبي
الله لا يحرمني منك
الشكر لروحك ..
تقـــديري ..

بنت قحطان

 

[الحنان كله]

رد: oOo على مبـدأ الفـراق المـر ياخلي فمان الله oOo

كلمات جميلة صح لسان قائلها وسلمت يد ناقلها

 

[الصابرة]

رد: oOo على مبـدأ الفـراق المـر ياخلي فمان الله oOo

نقل موفق تسلم يمينك