قـصـيـدة ياماحـلا الـفـنـجـال مـع سـيـحـه البال &فـديـو

بنت قحطان · 16 ديسمبر 2008

[align=center]
قصيدة ياما حلا الفنجال’فيديو

(( الفيديو من انتاج قناة الصحراء ))

[align=center][align=center][ramv]http://www.rakann.com/content/video/video1.rm[/ramv][/align]

(( نـص الـقـصـيـدة ))[/align]

~~ يا ما حـلا الفـنجـال ~~

يا أبو هلا طير الهوى خبث البال
=الطير نزر والحباري قليلة

يالله ياللي طالبه ما بعد فال
=ياللي من الضيقات ينجي دخيله

أفرج لمن قلبه غدا فيه ولوال
=والنوم ما جا عينه إلا قليله

لا من ذكرت رموس عصر لنا زال
=شوف الفياض وفقد عز القبيلة

يازين شدتهم إلى زوّع المال
=يتلون براق تلالا مخيله

يتلون براقٍ سمر عقب الأمحال
=تلقى التريبي فايضٍ غب سيله

يسقى خسيفا والثمان أرضهن سال
=مرتع معطرة السيوف الصقيلة

من جو ساقان إلى السيف همال
=وينوش حسنا والرديفة هميلة

فإن قادنا من يمه القفز خيال
=يصبح شديد البدو عجل رحيله

قاد السلف واستجنبوا كل مشوال
=والعصر يامحلا تخيبط نزيله

فإن شرف البادي على روس الأقذال
=والمال كثر الزول محمي جفيلة

وتكافخت بطبولها شهب الأذيال
=ومن ضيع المفتاح واعزتي له

وركبوا على طوعاتهم كل عيال
=كل أبلج يحري بكسب النفيلة

وتغانموا المفزاع ذربين الأفعال
=من قبل سبْق غارته تنثني له

يبغون طوعة روسهن قبل الادمال
=وتغانموا خلف كثير هجيلة

وحال الكمي من دون عطرات الاجهال
=ومروا ولحقوا مقحمين الدبيلة

واللي تثنوا عقبهم يلبس الشال
=ومن صنع داود دروع ثقيلة

لزمٍ عليهم علة قبل الانهال
=ومن غارته لزم يضيع دليله

والدم من قحص الرمك يوشل اوشال
=يزعج على أوراك السبايا وشيلة

هذيك راعيها من المعرقة مال
=وهذي شكلها مطرق ما تشيله

من وقع كل مقرنسٍ قد له أفعال
=وفروخ صادن الحباري فصيله

ياما حلا الفنجال مع سيحة البال
=في مجلس ما فيه نفس ثقيلة

هذا ولد عم وهذا ولد خال
=وهذا رفيقٍ ما ندوّر بديله

وليا ركبنا فوق عجلات الازوال
=وبايماننا حدب السيوف الصقيلة

ما حن نحَسّب لا اشتبك عج وقتال
=وترَّك صبي يقتنع بالفشيلة

ياليت رجالٍ يبدل برجال
=ويا ليت في بدلْ الرجاجيل حيلة

وصلاة ربي عد ما زايل زال
=على نبي الحق راعي الفضيلة

شعر الشيخ / راكان بن حثلين
منقول[/align][/QUOTE]

متعب زايد · 16 ديسمبر 2008

رد: قـصـيـدة ياماحـلا الـفـنـجـال مـع سـيـحـه البال &فـ

رد: قـصـيـدة ياماحـلا الـفـنـجـال مـع سـيـحـه البال &فـ

مشكور على القصيده الوافيه تمنياتي لك بالتوفيق

بنت قحطان · 16 ديسمبر 2008