...قالوا لها^^موجود^^ قالت هلابه...

[الفرحان]

قالوا لها موجود قالـت هلابـه
سمعتها يوم أطلعت من ثغرهـا
هلا هلا هلّت عليـك السحابـة
سحابة من شوق قلبـي مطرهـا
القلـب منّـك يالحبيبـة عذابـه
ولاعاد أميّز عامها من شهرهـا
لك في نواة القلب قـدر ومهابـة
وقصور حبّك وسط قلبي عمرها
العز والنامـوس فوقـك ثيابـه
ثياب طهر ٍ من يعرفك ذكرهـا
يامهرة الخيّـال شوفـك هبابـه
عيونك الثنتيـن هبلـه نظرهـا
أنتي حياة القلب وأنتـي ذهابـه
وبسبّتك حزن العيون وسهرهـا
أنتي وأنا ظامي يطـرّد سرابـه
وظماه لحقه لين كبـده شطرهـا
خوفي من المجهول نوّخ ركابـه
والفرحة اللي في فوادي قبرهـا
الآآآهـ، زاد القلب وأيضا شرابه
ولهيب بعدك في فوادي صهرها
أخشى سلوم القوم بيـن القرابـة
اللي بنات العم سلمـه حجرهـا
يالله ياللـي مايخيـب الرجابـه
ياللي بكلمة كـن خلقـه قدرهـا
عطني منى قلبي وعجل كتابـه
وأغسل حياتي بالفرح من دهرها
منقوله واتمنى ان تنال استحسانكم ​

 

[الحنان كله]

رد: ...قالوا لها^^موجود^^ قالت هلابه...

مشكووووووووو دائما متميز اخوي الفرحان ننتظر المزيد من هذا النقل الرائع

 

[بنت قحطان]

رد: ...قالوا لها^^موجود^^ قالت هلابه...

كلمات غاية في الروعه​

لقد رآق لي كثيرا مارآق لك​

سلمت الأنامل اخوي الفرحـان​

دائما متميز فيما تنقل​

تحياتي .​

 

[الفرحان]

رد: ...قالوا لها^^موجود^^ قالت هلابه...

مشكووووووووو دائما متميز اخوي الفرحان ننتظر المزيد من هذا النقل الرائع

اشكرك اختي العزيزة على مرورك الكريم وتشريفك الرائع لمتصفحي . مع اطيب تمنياتي لكِ بالتوفيق ..

 

[الفرحان]

رد: ...قالوا لها^^موجود^^ قالت هلابه...

كلمات غاية في الروعه​

لقد رآق لي كثيرا مارآق لك​

سلمت الأنامل اخوي الفرحـان​

دائما متميز فيما تنقل​

تحياتي .​

اشكرك اخيه على مرورك الكريم وتشريفك الرائع لمتصفحي ومشكورره من اعماق قلبي على تفاعلك مع مايطرح في المنتدى وعلى تواجدك الدائم .
مع اطيب تمنياتي لكِ بالتوفيق ...

 

[زهرة الياسمين]

رد: ...قالوا لها^^موجود^^ قالت هلابه...

منقول رائع كل الشكر اخي الفرحان

 

[الفرحان]

رد: ...قالوا لها^^موجود^^ قالت هلابه...

منقول رائع كل الشكر اخي الفرحان

الرائع هو مرورك اخيه . واشكرك من اعماق قلبي على تشريفك الرائع لمتصفحي . واتمنى لكِ التوفيق ..