قلت انام وارتاح لقيت اخونا ساهر حرمني رقادي !!

[عزوووووز]

السلام عليكم ورحمه الله وبركاته

طابت لياليكم بكل خير واسعد الله اوقاتكم بكل حب وسعاده وفرح

قلت انام وارتاح لقيت اخونا ساهر حرمني رقادي !!

قبل ايام طبق نظام ساهر في مدينتي والذي حدث لم يكن في الحسبان !

قلت ان اموري زانت وبلقى لي وظيفه لقيت جوالي يعلن تهديده !!

يالسداد ولا مضاعفه القسيمه !!

انا انشد عن اللي في داخله انسان حي ويحس بضميره !!

وياليت القى جواب لاني شفت شي ما قدرت على تفسيره !!

....

ساهر يطالبني بسداد 900 ريال واذا ما سددت خلال شهر يضاعف المبلغ !!

عرفت بأن الزياده في المال ربا لماذا حللت المشايخ هذا الشي ولم تفكر بالامور الانسانيه وكم هو الثمن !!

انا دخلي 833 ريال وشلون اسدد وشلون اصرف على نفسي اين ذهبت الانسانيه لحقوق ذوي الاعاقه !؟

لما يريد نظام ساهر ان يتجرد من الانسانيه التي نحن بحاجه اليها اكثر من اي شخص ؟!


انا من هذا المنبر اطالب بتخفيض للمخالفات لذوي الاعاقه او ذوي الاحتياجات الخاصه ولاسباب ؟!
هناك من يصاب بنوبات وهناك من يصاب بحالات اغماء وهناك من يصاب بكسور وذوي الاعاقه وضع خاص
وحاله استثنائيه في اي وقت قد تحدث حاله طارئه دون غيرهم


لذا ارجو من الله ثم من له صلاحيه في اصدار قرار بحق ذوي الاعاقه اصدار هذا التخفيض
عسى ان تكتب في موازين حسناتكم وجزاكم الله كل خير وبارك الله فيكم

 

[آسف على الازعاج]

رد: قلت انام وارتاح لقيت اخونا ساهر حرمني رقادي !!

نظام ساهر نظام رصد مخالفات وهو مطبق في كثير من الدول المتقدمة
ولكن عندنا للأسف تم وضع النظام لشفط جيب المواطن الغلبان ولم يوضع من اجل السرعة او الحوادث او او
واعتقد من ادخل نظام ساهر هو صالح كامل
والاغلب شاهد كيف يتم وضع كمرتين من انظمة ساهر بجوار بعض حتى يتم تسجيل مخالفتين في وقت واحد
او الوقوف خلف لوحة السرعة عند نهاية الطرق السريعة وغيرها كثير
وكل شي حلال لافرق بين ربا او قمار او سرقة علنيه عيني عينك

اما الاعفاء من المخالفة
اذا كان نفس نظام المخالفات القديمة يوجد امكانية التخفيض
شوف لك ضابط رتبه مرتفعه وتقدر تحصل على خصم 75 %

اخوي انت كاتب دخلك 833 ريال
ليش ماتقدم على التأهيل الشامل ويصرف لك اعانة حوالي 1100 ريال ؟؟
اضافة للمبلغ السابق يسير عندك حول 1900

كان الله في عون الجميع وان شاء الله الفرج قريب لضمور العضلات

 

[عزوووووز]

رد: قلت انام وارتاح لقيت اخونا ساهر حرمني رقادي !!

الله يسعدك ويطولي بعمرك يالغالي

انا ماقلت شي واعرف انه مطبق في دول ثانيه

لكن الله يسعدك فيه ظلم والله العظيم طيب اللي ماعنده شنو يسوي !؟

اللي من ذوي الاحتياجات شنو يسوي !؟

اللي عنده ظروف ؟!

اللي يبي يحاول يدفعها اقساط وما يقدر ؟!

مضاعفه المخالفه خلال شهر !!

انا مستغرب الموضوع قراه اكثر من شخص يعني كلهم مؤيدين لساهر

وتقولون مطالبنا وحقوقنا للاسف ماراح يوصل صوتكم دام فئه كثير تشوف وتسكت

مو بس موضوعي وغيره من المواضيع وغيره من الحقوق

تقولي شوف لك ضابط طيب اللي ما عنده ضابط وعنده ربي شنو يسوي

ياخوي والله محد ماخذ من الدنيا شي لا الضابط ولا غيره الا العمل الصالح

لكن الناس عقولها تغيرت الله يستر الحال بس

الله يوزع الارزاق ويوزع المناصب وهذا اختبار الدنيا البعض يتكلم من طرف خشمه

وكانه ماخذ منصبه في قبره الله يهدي بس


اخوي انا اخذ من التأهل الشامل 833 ريال شلون تقول 1100 ريال

وبعدين لا نظام قديم ولا جديد شفت تخقيض وشلون هذا التخفيض ؟!


الاشخاص اللي يقرون لا يبخلون برد اذا كان مؤيد ولا محايد الى متى بتجلس ساكت

استغفر الله العظيم واتوب اليه

شكرا لكل من مر من هنا

 

[قاهر اليأس]

رد: قلت انام وارتاح لقيت اخونا ساهر حرمني رقادي !!

يعطيكم العافيه جميعا .

 

[آسف على الازعاج]

رد: قلت انام وارتاح لقيت اخونا ساهر حرمني رقادي !!

اخوي انا اخذ من التأهل الشامل 833 ريال شلون تقول 1100 ريال

وبعدين لا نظام قديم ولا جديد شفت تخقيض وشلون هذا التخفيض ؟!

المخالفات المروريه كان في نظام تستطيع ان تخفيض مبلغ المخالفة ولكن ما ادري هل هو للي اكثر من 3000 او اقل والله ما ادري
وكان الله في عون الجميع



قدم على الضمان الاجتماعي ايضاً يصرف لك مبلغ شهرياً تقريباً حوالي 833 ريال
ومع مبلغ التأهيل الشامل يصرف حوالي 1100 ريال
يعني المبلغ الاجمالي حوالي 1900 ريال شهرياً


اغلب المقدمين على التأهيل مقدمين على الضمان
انا والله مدري كم يصرف لي
كل فترة شهرين او ثلاث شهور اشيك على البطاقتين حقت الصراف الضمان والتأهيل واسحب الفلوس بس بشكل عام تقريبا المجموع 1900 شهرياً
ان شاء الله ان الصورة وضحت
وان شاء الله الاخوان يفيدونك أكثر

 

[عزوووووز]

رد: قلت انام وارتاح لقيت اخونا ساهر حرمني رقادي !!

انا اخذ من التأهيل الشامل 833 ريال فقط
وقدمت على الضمان يقولو صبر صبر ومالي غير اني اصبر ايش بسوي

وبعدين اذا ما عندي ضابط يضبطني مين يضبطني !؟

استغفر الله العظيم واتوب اليه

قال تعالى ( ظهر الفساد في البر والبحر بما كسبت ايدي الناس )

الشكوه لغير الله مذله الله يحسن خواتمنا والله يرزقنا وييسر امورنا

ولكل انسان عنده ظروف اشكرك لتعاونك وحسن استجابتك عزيزي الغالي


نورتني بطلتك الجميله



تقديري واحترامي لك

 

[واثق الخطوة]

رد: قلت انام وارتاح لقيت اخونا ساهر حرمني رقادي !!

في اغلب الدول الاوربية اذا سجلت عليك مخالفة ومرت عليك سنة ماسجلت مخالفة ثانية تسقط عنك المخالفه تلقائيا
وحنا هنا شهر ويضاعفونها وش يحللها لهم وين المشايخ مايفتون في هالشي مدري .. مانقول الا حسبنا الله ونعم الوكيل
اخي عزوز اسأل الله ان يسهل امورك ويرزقك من واسع فضله واعتقد لو راسلت احدى الصحف لنشر وجهه نظرك افضل ..
تقبل احترامي وتقديري



​

 

[غاده]

رد: قلت انام وارتاح لقيت اخونا ساهر حرمني رقادي !!

الله يكون بعونك ياعزوووووز انا قطفني مره والسواق مسرع وسددت 300 خايفه يدبلونها ومالنا الا الصبررررررررر ياعزوز وليش ما تقدم على الامير الوليد تراه يعطي توني رايحه له وخذوا اوراقي وقالو ما نعطي الا معاقين واي استفسار انا حاضره وسع صدرك ياشيخ ترى الدنيا ما تسوى

 

[عزوووووز]

رد: قلت انام وارتاح لقيت اخونا ساهر حرمني رقادي !!

معاند يالغالي المشايخ حللو ساهر مادام قبل فتره حللو المكياج لرجال جات على ساهر الحين اقول لاتغلط فديتك !!

الله يكون بالعون بس

طلتك اسعدتني واثلجت صدري


كن بالقرب دائما



تقديري واحترامي لك

 

[عزوووووز]

رد: قلت انام وارتاح لقيت اخونا ساهر حرمني رقادي !!

والله وسعت صدري حتى الثوب من كثر ماوسعت صدري صاير يطيح !!

الله يكون بالعون الله يرزقنا ويرزقكم يارب وان شاء الله خير يارب

شكلي بروح مصر يتبنوني خخخخ دعابه دعابه

المملكه العربيه السعوديه ماقصرت بس الموظفين اكلونا اكل والطبقه الوسطى

وين اللجان المسئوله والجهات المختصه عن هذي الناس ؟!

الله يرحمنا برحمته

غاده يالغاليه انتي كيف قدمتي وهل استفدتي شي ؟!

انا اتصلت قبل فتره عليهم قالو لي ماصدر شي ومافي ولا اي مساعده ولا اي شي

قفلت وقلت الله الرازق ..

اذا عندك افاده يالغاليه لاتبخلين علي الله يسعدك يارب

الله يعينك قطفوك الله يستر بعد القطف راح يجي نتف !!

وما خفي كان اعظم

الله يرزقك ويستر عليك يارب العالمين


طلتك عطرت المكان

كوني بالقرب


تقديري واحترامي لك