قصة قروي مع الطياره (منقول)

[محمد علي المطرب]

هذة قصتي مع الطائره............حيث قررت السفر إلى خارج المملكه وكنت أول مره أركب الطائره وأسمع ...يقولون إن الطائره فيها حمامات ومطبخ ,وكنا مانعرف هذه الأمور<<<<قراوة بالعربي........

المهم السالفه وما فيها

ركبنا الطائره وطارت في الجو وكان معي أحد أصدقائي وهو خبير في هذه الرحلات بعد الإقلاع بربع ساعه ,سألت خويي قلت وين حمامها فيه؟؟؟
قال ليه؟؟؟؟؟؟؟
قلت ابي اقضي حاجتي
وقال لي فيه حمامين واحد في مؤخره الطائره والثاني في الوسط..
وفي هذه اللحظه وأنا أشوف ناس يروحون ويجوون سألت خويي وش عندهم رايحين جايين<<تميراوي بحت.
قال مثلك يبون الحمام...
وقلت مع الخيل ياشقرا ورحت معهم..
ولا قدامي اثنين يحترون الحمام يفضى ..الزبده..
دخلت الحمام وما أدراك ما الحمام..وياليتني ما دخلته!!!!!!!!!!!!!
صكيت الباب وطيرت الشراب,,,دورت المويه ولا لقيت إلا الضغاطات..
رصيت واحد منهم في هذه الأثناء........
حصلت للطائره مطب هوائي في اثناء هذه الضغطه..
وسحبت يدي بسرعه ظنيت إني أنا اللي هزيت الطياره.......
وطحت على ظهري...ثمين قمت من مكاني ومن شدة الخوف نسيت مالبست سروالي وخليته فوق ركبي <<<ترى ثوبي علي يعني لا يروح بالكم لبعيييييييييييييد...
وتلثمت بشماغي وشكلي مصفر من الروعه ,انتظر أحد يجي لمي ويقول لي وش سويت بغينا نموت..
رحت للكرسي ومع الروعه مالقيته و تعديته ,ولا دريت إلا بخويي يناديني وبعدين رجعت لمكاني وجلست ,وقال خويي وراك متلثم؟؟؟؟؟؟؟؟؟
قلت له ضرسي يوجعني..
قال:فيك بلا.
وش السالفه؟؟؟
قلت إذا وقفنا في المطار علمتك ,وجابو لنا العشا وعفته..
تدرون ليييييييه؟؟من الروعه معد ودي آكل شئ .والحمد لله وصلنا المطار..
ونزلنا من الطياره..
ثمين قالي خويي وش فيك؟؟؟؟؟؟
قلت إذا طلعنا من المطار علمتك..
طلعنا من المطار وركبنا التاكسي ..
وطلبنا من السواق يوصلنا للفندق..طبعا ما حددنا الفندق اللي نبغاه.
وسألني خويي وش السالفه؟؟؟
قلت تبي السالفه ؟
قال نعم..قلت له أبسألك كم عمرك؟؟
قال عمري خمسه وثلاثين ..قلت احمد ربك على السلامه ,انكتب لك عمر جديد...
قال وش السالفه؟؟؟؟
قلت آآآآآآآآآآآه اعنبوه حمام واللي صنعه!!!!!!!!!!
قال ليه؟؟
قلت ما حسيت بالطياره يوم نزلت وتعدلت .قال إلا.قلت أنا اللي منزلها..
قال وهو ميت من الضحك وش لون؟؟
قلت :تذكر يوم أروح للحمام.قال :إيه.
رصيت شئ مدري وشو أحسب إنه حق المويه,مادريت إلا الطياره تنزل .وعلى طول فكيت يدي وخبطت على..........؟؟؟؟؟
والحمد لله إن الله سلمكم ..
خويي طااااااااااااااااح ميت من الضحك........ومغير دموووووع تصبصب...
وصاحب التاكسي استغرب من هذا الوضع.. وقال لصاحبي إنت عايز فندق إيه؟؟؟؟
وخويي غاشيي من الضحك ماجاب خبره..وأنا غشيم في هالأمور ماأعرف..
سألني أنا..ومن انفعالي قلت له انثبر.قال :الله عملتوها..<<قصده سكرانين.
قلت امسك طريقك وانثبر.
قلت لخويي دله على الفندق..ولا قدر من كثر الضحك..
صاحب التاكسي ركن على جنب ونزلنا..
وخويي على الرصيف غاشي من الضحك..ولا حياة لمن تنادي ..
عاااد أنا حامت كبدي منه وقلت له وش سالفتك ؟؟؟
قال ذبحتني عند المطب الهوائي. قلت هو فيه مطب هوائي؟؟؟
قال :إيه..قلت الظاهر راعي التاكسي صادق في كلامه..يوم يقول عملتوها..وش لون الطياره يجي فيها مطب وهي في الهواء ولا قدامها ضلعان ولا حصى..
قال أنا الخراط اللي أسافر مع قروي..قلت هذي الأولى والأخيره وشرهك على اللي يركبها مرة ثانيه..قال:خلك بس عند أمك..
قلت آآآآآآآآآآآآآه ريحة أمي وقعود معها تجيب طيارتك والديره اللي أنت رايح لها..وعسى الله يطول أعمار والدينا ....

 

[الامل المتجدد]

رد: قصة قروي مع الطياره (منقول)

هههههههههههه
والله القروي صدق
بس جاي في بالي كم شطحت سوال
اولها انت اللي صاير لك الموقف
اذا كنت انت وشلون تسكر الحمام وانت معك عربية الطياره.............الله من الدقه
لاني ما افكر اروح للحمامات بسبب ضيق المكان حتى لو السافه طويله مره جلست 8 ساعات اللين وصلت
باقي السؤلات.........قصدي الشطحات .... بعدين

 

[الامل المتجدد]

رد: قصة قروي مع الطياره (منقول)

خلاص حذفت اسالتي.....
لاني توني انتبه انه منقول.............عذرا