قصة تبكيك حتى لو كان قلبك حجر....جزء الر ابع

[القدر المكتوب]

دخلت طوالي للبيت وأشم ريحة عطر نسائي تعم البيت فجأه اسمع صوت بنت تبكي@@ واسمع صوت"مطلق"يصارخ عليها
مشيت شوي شوي لين قربت من الصاله واطل شوي وأشوف بنت في غاية الجمال قاعده تبكي ومطلق يصرخ عليها:اطلعي من حياتي يا"نوال"عيب اللي تسوينه أنا متزوج وأحب زوجتي..وأنتي الف واحد يتمناك!!
إي والله هذي اللي بالصور شفتها
أنا هنا فتحت الباب بقوه ودخلت عليهم
"مطلق"طارت عيونه فيني خاف إني أفهم الموضوع غلط البنت قاعده تطالع فيني بحقد وأنا أروح وأوقف قدام زوجي
وأنا أصرخ عليها بقوه:اطلعي برى بيتي ياتافهه
قامت وطالعت فيني وقالت:أنتي ماتحبينه وش تبين فيه? قلت لها:إلا أحبه وأموت فيه
-طارت عيون "مطلق"
عيب عليك أطلعي من حياتنا ياقليلة الأدب وتربيه
قربت مني ورفعت يدها تبي تضربني@@وهو إللي يدفها"مطلق"على الأرض..قعدت تبكي وتصارخ وطلعت زي المجنونه!!
طالع فيني وكان منحرج مره وقالي:مشكوره حبيبتي
خليني أشرحلك الموقف
ماحبيت اسمع منه ..صعدت لغرفتي وجمعت أغراضي قلت بزعل لبيت أهلي
وخذيت أغراضي ورحت لبيت أهلي. !
سوى المستحيل عشان يرجعني..كل يوم يجينا ويقعد عندنا لصبح..فهمتني أمي السالفه وأخوي بعد ..بس أنا حاطه براسي زعل
قعدت في بيت أهلي لمدة شهر..كانت تجيني زوجة"خالد"تقعني أرجع وتكلمتلي عن مطلق وكيف أنه أنجن لما تركت البيت!
وحتى أخوي جالس يسولف لي عن مطلق وكيف إذا جاء المجلس الكل يضرب له حساب لكرمه وأخلاقه العاليه قالي:أمل لاتخسرينه مستحيل تلاقين واحد مثل أخلاقه
أنا بصراحه قعدت من نفسي كثير وفكرت كثير وأخيرا توصلت أني ماراح الاقي واحد زيه وزي حبه لي يكفي أني أمشي رافعه راسي أن عندي زوج الكل يحترمه
قعدت أتذكر الأشياء إللي يسويها لي وحبه لي وصبره علي..
قلت مالي ألا أرجع ل"مطلق" وحده ثانيه مايعرفها أبي أرسم الفرحه على وجهه أبي أعطيه ربع إللي يعطيني من حب ..ياالله وشو شعوره لما يشوفني أبادله الحب أكيد بينجن!! خلاص كافي عناد مستحيل ألاقي مثل قلب مطلق أنا برجع له وراح أعيش حياتي معه وننسى إللي راح...
بالأول حبيت افاجئه! !رحت ودقيت عليه
رد بلهفه:هلا بحبيبتي ونور دنيتي
-مطلق أنا أشتقت لك وأشتقت للبيت تعال خذني
** تفاجأ حيل مطلق وكانه مو مصدق اللي يسمعه
مطلق:أمل من قلبك هالكلام??!
-من كل قلبي يامطلق
سكر السماعه بوجهي@@ ماهي إلا دقايق إلا هو عند الباب يطوط
قعدت أضحك يوم شفته..دقيت عليه أبي أتغلى شوي قلت له: تعال بكر خذني اليوم ماني مستعده!
مطلق:وش يصبرني لبكره خلاص حبيبتي براحتك بس بكره من الفجر عندك
في الصباح..قعدت ولبست ملابسي ورحت معاه للبيت طول الطريق وهو مستانس ومهيص ومافك يدي كان ماسكها طول الطريق! !
دخلت البيت وش منظر كأنه حلم بيتي كان مليان كله ورد كأنه حديقه من الداخل!والدباديب ماليه المكان وقلوب حب__كان المنظر جدا رهيب صعدت لغرفتي ولقيت ذاك الطقم إللي قيمته 30ألف على السرير__نزلت دموعي من عيني مايستاهل اللي سويته فيه__
دخل علي بالغرفه وكان لابس بدله جدا أنيقه وراقيه ومسوي شعره على وراء ويبتسم لي ابتسامه عريضه..بس هالمره ابتسامته كانت حلوه مره__ وأكتشفت أنه مركب طقم اسنان من زمان مركبه بس أنا لأول مره أنتبه له
لأول مره بحياتي يعجبني"مطلق"@@
قرب مني ومسك يدي وباس عليها وباس على راسي__طبعا سمحتله
جلس يعتذر لي ويسمعني ذاك الكلام الحلو
جاب لنا عصير وجلسنا نضحك ونسولف وأنا مستحيه كأني عروس جديده
المهم ماحسيت في نفسي إلا نايمه وصحيت باليل إلا أنا على الفراش..أستغربت مدري وش صار امس
ماطالعت إلا"مطلق"داخل علي بالغرفه وهو طاير من الفرحه كانه مسوي أنجاز عظيم!!!
قمت من النوم والصداع بيكسر راسي
جاني وباس على راسي وكان لابس ملابس العمل قالي أنه بيسافر للخارج عنده دورة عمل يمكن يظل ثلاث شهورعورني قلبي للحين مابادلته الحب اللي كنت خاشته له..قربت يده من على فمي وبستها..هذي أول مره أبوس شي في "مطلق" طارت عيونه من الفرحه مو مصدق اللي شافه!! ضمني __مابغى يفكني وأنا مبسوطه
ودعني وراح والأبتسامه ماتفراق وجهه ودنيا مو واسعته من الفرحه! !
لأول مره أحس بفقدانه بالبيت أشتقت له وشتقت لدلاله وحبه لي والله أحس أني أميره معاه!
كان يكلمني دايم وهو بالخارج
وأنا أتجاوب معاه وأحس أنه حيل فرحان وكنت أقوله نبي نسوي كذا وكذا إذا رجعت
سبحان الله ماحسبت أني راح أتغير كذا! !
كنت بوقتها أفكر إذا جتنا بنت شسميها وأذا ولد بعد شسميه??
في يوم من الأيام صحيت الصباح وكنت مره تعبانه..رحت للمستشفى
جتني الدكتوره وهي مبتسمه وتقولي:مبروك أنتي حامل@@
بغيت أنجن!! كيف وأنا عمري مانمت مع زوجي! !
طلبت منها تتأكد..وتأكدت لي
رحت لبيت أهلي وكنت خايفه أقول لأمي!
قلت لها وهي اللي تزغرد من الفرحه..فهمتها أن"مطلق"ماجاني
قالت لي..أنه بعض المرات يحط لي منوم بالعصير لين أنام
طيرت عيوني من العصبيه غش**
دقيت عليه عشان أهاوشه
وأول ماقلت له طار من الفرحه بغى يخش علي من السماعه..وقعد يضحك زي المجنون..قعدت أهاوشه وهو إللي يضحك ويقول:وش أسوي فيك بالله عليك تبين أشوف كل هالحلا قدامي واصبر! ! تراي ماسويتها كثير لأني عجزت أنومك..
قعدت أضحك..وقلت له:هالمره مافيها منوم ..@@
جلس يضحك وهو ماهو مصدق الكلام إللي أقوله كان يحسب الأيام وليالي عشان يرجع ويشوف وحده ثانيه
ضلينا كل يوم نكلم بعض وندور اسماء لعيالنا
هو قال إذا ولد يبيه "ياسر" وأنا إذا بنت بسميها"ليلى"
-------------------- قعدت افكر بحياتي الجايه وبطفلي إللي ببطني..
بهذا الوقت دق جوالي إلا رقم غريب ورديت إلا صوت رجال..وتفاجأت إذا هو "أحمد"!!!
-هلا أحمد ..لأول مره اسمع صوته بالتلفون
جلس يسولف معاي ويسولف عن نفسه وأنه رجع الحين للبلد وفاتح له أكبر شركه في البلده! !
جلسنا نكلم بعض كل ليله وهو يقولي كلام حب
ضلينا لمدة شهرين نكلم بعض
وفي يوم من الأيام جلس يكلمني عن زواجي وقالي لازم أطلب الطلاق منه..والولد إللي في بطني راح يعيش معنا ويحافظ عليه وعلي
جيت بقوله باحتقار تبي تحافظ عليّ زي مطلق أو بتحبني زي حبه!!
سالته وأنا بشوف نواياه: يعني أنت تبيني من يجي مطلق أتهاوش معه وأزعل بيت أهلي واطلب الطلاق وأتزوجك??
>>فجاءه اسمع صوت شي وراي يطيح على الأرض!!
والتفت وراي إلا"مطلق" واقف وراي وكان يسمعني طول المكالمه...
سكرت التلفون وفزيت بسرعه قط الهدايا إللي معاه على الأرض وكانت عيونه تشتعل جمر..طلع فوق للغرفه وسكر الباب
كنت خايفه مره وأرتجف مدري شسوي لأنه أكيد سمع كل المكالمه..حبيت أوضح له أن كنت أكلمه بس كذا قسم بالله بدون شعور..بس وش أوضح ووش أقول يكفي أنه سمعني
ضليت طول الليل وأنا سهرانه لين طلع الصبح..كان نازل من فوق فزيت من شفته..جيت أبي أتكلم معه بس عجزت تلعثمت وهو جلس ساكت ينتظرني أتكلم بس أنا عجزت مدري شقول
جلس على الكنبه إللي قدامي وقال:اسمعي يا"أمل" أنا صبرت معاكي كثير وتحملت عشانك الكثير وسويت لعيونك المستحيل صرت طيار عشان أرفع راسك وبنيت لك أفخم فله عشان راحتك سفرتك للخارج عشان وناستك مغرقك بالفلوس عشان ماتحسين فيه شي ناقص عليك__ بعت الناس كل أبوها وشريتك تعرض علي مغريات يوميا وأصدها من أتذكر عيونك__متزوج سنه كامله ولا كاني متزوج سكت وقلت يمكن مع الأيام تتسنع ..بس للاسف تعبي راح فاضي...كل شي أتقاضى عنه يا"أمل"إلا أنك تخونيني__ومع مين??أحمد !! أحمد عدوي!!
كل شي أتوقع تسوينه إلا أنك تخونيني __تكرهيني ماتحبيني بس ماتخونيني
نزلت الدموع من عينه وقال:أمل..أنتي ماحفظتي غيبتي!
وما أحترمتيني
بعد ماجمعت قواي تكلمت وقاطعته:مطلق أنت فاهم الموضوع غلط​

 

[ليل]

رد: قصة تبكيك حتى لو كان قلبك حجر....جزء الر ابع

[align=center]
نور أدري بتمرين من هنا بعد شوي

اتمنى لك قراءة ممتعه

[/align]

 

[نور]

رد: قصة تبكيك حتى لو كان قلبك حجر....جزء الر ابع

هههههههههههههههههههههههههههههههه

لا اله الا الله

صراحة قصة ممتعة