قصة تبكيك حتى لو كان قلبك حجر...الجزء الثاني

[القدر المكتوب]

أستغربت أنا وش دخل"مطلق"
قالت وحده منهم:ليش ماتدرين أن ولد عمنا "مطلق"حاجزك له ومن تكبرون يزوجونكم...
معقوله يكون صدق!!معقوله أصير مثل مصير أختي"هدى"اللي زوجوها أهلي لولد عمي بالغصب! ! !
طلعت من المدرسه وألف سؤال في راسي..رحت للبيت بسرعه مشي لأنه قريب من المدرسه
يوم قربت من البيت..إلا ألمح " أحمد"عند باب بيتهم جالس..يا الله من زمان ماشفت هالوجه إللي يفتح النفس..قرب مني والبسمه في وجهه
أحمد:سلام أموله وينك من زمان ماشفناك!ولاعشان كبرتي وصرتي تلبسين عبايه شفتي نفسك علينا?
أمل:لاوالله يا أحمد بس أخوي يهاوشني يقول أنتي كبرتي عيب تلعبين معهم
فجأه ودون سابق إنذار !!ماطالعت إلا الغبره جايه من بعيد...! ! ! إلا أبو الشباب"مطلق"جاي مسرع وهو اللي يلبق نعوله عندنا..(طبعن هو مايعرف يسولف ولايتكلم إلا إذا فسخ نعوله! ! يقول آخذ راحتي بالكلام أكثر! !!<<<هذي معلومه بسيطه لا أكثر عن الفتى الأسطوري..
المهم وهو اللي يسحب"أحمد"من عند رقبته ويقوله :وش عندك مع بنت عمي??
وأنا إللي أدفه وأقوله:عيب يا"مطلق" أحمد ماسوى شي
مطلق:أقول هذي بعد كم سنه راح تصير زوجتي رح شف لك وحده ثانيه!
أنا هنا عصبت وأنا اللي أعطيه كف على وجهه..دخلت مسرعه للبيت لأن كنت خايفه يجيني الرد على طول..بس الحمد لله ستر الله
رحت لأمي وسألتها:يمه وش سالفة "مطلق" ??وقلت لها وش صار بالمدرسه ووش قال مطلق بعد..
قلت لها:لايكون مخبين عني شي وأنا ماني داريه??
هنا أمي فهمتني السالفه وسالفة حجزي ل"مطلق"
أنا صرخت:يمه لا .. مستحيل مطلق!! لايمه أكيد تمزحين..أكيد مسويه معي صادوه!!
قعدت أبكي بكاء هستيري ضمتني أمي وهي اللي تبكي معي
أمي:ياحبيبتي هذا الكلام من زمان..ماتدرين لو أبوك يغير رايه فيه..وبعدين توك صغيره أنسي ياحبيبتي..
أمل:وشو صغيره??تبون تكبروني وتزينوني وتسمنوني وتهدوني له??
قولي يمه من الحين إذا الكلام جد خليني أتلاحق عمري
مابي أصير مثل مصير أختي "هدى"!!
-----مرت الأيام وشهور محد جاب لي طاري الكل مسكر على الموضوع ..أنا كنت أشجع نفسي وأقول مستحيل يعني من سابع المستحيلات آخذه!
جانا خبر أن أهل"أحمد"أنتقلوا للخارج بسبب شغل أبوه ضلينا أنا وياه متصلين مع بعض عبر الأيميل وكان دايم يطمني أنه راح يجي ويتزوجني!
--------------------
"مطلق"صار يسير علينا دايم ويجيب لي هدايا (غصب إلا يحببني فيه)صحيح يحبني ويموت فيني..بس القلب مايبيه والعين ماتطيق شوفته
---------------
صحيت من تفكيري العميق على صوت أمي وصورتي أنا و"مطلق"بيدي
فتحت الباب لأمي
قالت لي:ياالله حبيبتي أستعدي الحين بتجي النقاشه وتنقشك..دخلت علي أختي"هدى"وشافت الحزن بعيوني ضمتني وطالعت فيها وقلت: هدى كأن عندك بشرى ساره لي..كني سمعت أنهم أفرجوا عني!!سمعت أن"مطلق"أعتق رقبتي لوجه الله!!
أمي و"هدى"قعدوا يطالعون لبعض يحسبون أني أنجنيت
مسحت أختي"هدى"على راسي وقالت:ماتدرين يمكن تكوني اسعد انسانه شوفي شلون أنا سعيده مع ولد عمي الحين مع أني كنت مابيه..
طالعت فيها وقلت:مصدقه أني بآخذه نجوم السماء أقرب له!! أختي قعدت تطالع فيني بدهشه! ! !
جتنا النقاشه..ورسمت رسمه حلوه على يديني..رفعت يديني فوق وجلست اطالع فيهم تذكرت أول ماتنقشت في الثانويه كان عندنا حفل تخرجنا في المدرسه وأنا كنت مشاركه فيه..ذاك اليوم كنت مستانسه مره بس للأسف.!رجعت للبيت وسمعت أتعس خبر بحياتي^^
جيت البيت إلا عندنا عمي وعياله..دخلت إلا أمي عندها مرة عمي وأختي
قلبي عورني..دخلت غرفتي طوالي وقفلت على نفسي كأني كنت أهرب من شي!!
صحيت المغرب على صوت باب غرفتي يدق..فتحت وعيوني نوم إلا أمي وأختي وهي إللي تخمني أمي وتبارك لي
قلت بستغراب:وشو يمه????
أمي:مبروك قبل شوي ملكنا لك على ولد عمك "مطلق"
! @! @! @ ! @ ! @ ! @ !
ماصحيت من صدمتي إلا وأنا في المستشفى
ماتتصورون وش كثر أنقلبت حياتي فوق تحت..الدمعه ماجفت من عيوني مااطلع ولاأروح لحد..تخيلوا أنتم بموقفي!!انسان ما أداني طاريه أروح وأتزوجه!!!
تمر الأيام وأحس موتي قرب
مرت فكره في بالي قلت مالي إلا أدق عليه وأفهمه أني ماأبيه
أخذت الرقم من جوال أخوي ودقيت عليه في يوم من ألأيام
وجاني ذاك الصوت الجهوري مطلق:الوووووووو?
أمل:السلام عليكم أخوي
مطلق:هلا من معي?
أمل: أنا أمل بنت عمك
مطلق بدهشه:
يؤيؤيؤيؤ زوجتي??
مامداني ملكت عليك تبين تكلميني! لهدرجه ماعندك صبر وأنا أقاطعه:أسمع يا"مطلق"ماني مطولتها معك أنت ولد عمي على عيني وراسي..بس وربي ماأفكر فيك كزوج أنت مثل أخوي..ياخيي مابيك ماحبك أموت ولا آخذك
كنت أنتظر رد قاسي منه بس الولد ساكت!!
وبعد سكوت طويل رد علي :اسمعي يا"أمل"أنتي ماتحبيني يمكن بس أنا أموت بترابك والله يا"امل"أنك عيوني..أدري أنك مستحيه من الزواج بس والله يا"أمل"للحين ماعرفتني! أنا خاش لك مفاجآت في زواجنا!
أمل:تستهبل أنت وخشتك ?وجهك أكبر مفاجئه !!قال مفاجآت قال!
ياخي خل عندك كرامه وأتركني!
رد علي وصوته غير:أمل اسألك بالله ليش ماتبيني??لأني ماني حلو صح??
مابغيت أصدمه حيل وأقول إيه
قلت:غير شكلك ياخي أنت فاشل في كل شي..حنا مانناسب بعض!وصدقني إذا خذيتني بنتطلق طوالي
سكر السماعه بوجهي الملعون ماخلاني أكمل!!
--------------------بعدها بأيام ماصار يجينا"مطلق" حتى أخوي استغرب عن سبب أنقطاعه
وحتى أهل الحاره ماصار أحد يشوفه
أنا هنا استانست قلت أكيد أن خطتي نجحت وكرهني وبيتركني..
المهم جاء ذاك اليوم إللي الاقي فيه رساله بجوالي من رقم "مطلق"كاتب فيها:
أوعدك يا"أمل"أني راح أتغير وراح اسوي المستحيل عشان أرفع راسك..وراح تشوفيني بعينك
حبيبك المخلص:مطلق
حبتك القراده هذا ماأيس مني وش ناوي يسوي?
مضت سنه كامله و"مطلق"لاحس ولاخبر حتى جاء اليوم إللي قالوا فيه أن"مطلق"أخذ من العشره الاوائل على المملكه..
الكل تفاجأ وانصدم?
بعدها بشهور جانا خبر أنه تم قبوله بكلية الطيران
أنا هنا فطست ضحك ماأتخيل شكله حسبتها مزحه بس طلع الكلام جد!
بعد شهر جتني مكالمه على جوالي منه
جاني صوته حزين حيل
مطلق:اسمعي "أمل" أنا مابي منك أي كلمه حبيت أقولك بكره بسافر للخارج بكمل دراستي وراح أرجع وأنا طيار إن شاء الله
كل هذا قسم بالله لعيونك يا"أمل"لعيونك لأنك صدمتيني حيل يوم قلتي أني فاشل!
"أمل"مستحيل أعيش بدونك تكفين أنتظري رجعتي
جيت بقاطعه بقوله لو وش ماسويت مابيك لو رجعت ملك مابيك..​