قصة واقعية‎

[صابرة]

لدي قصة تحمل كثير من الوعي والحكمة عن الرجال الأوائل <<<< ولا اقصد تقليل شأن الأخري
"""""""""""" ندخل بالقصة """""""""""""""""
هذا واحد .... رجال على قد حاله يالله ويالله يلقى عشاه أو غداه
وبيته بطارف العرب


بلاه له بلوى (( ضيف )) .. وواجب الضيف إكرامه بلا شك والقيام بواجبه دون قصور
الوكاد الرجال راح يم بناخيه وأخذ ذبيحه من الغنم ..(( طبعا دين )). شافه واحد منحوس ( نقال حكي وحق نكبات ))
وجاه قال يافلان علامك ... اشوف معك هالذبيحه وش عندك
قال الرجال / والله جاني ضيف ولازم أقوم بالواجب وأنا أعزمك (( والدعوة محفوفه )) تخبر الجماعة واجد والذبيحة ما تسد ...
قال :: خير ... خير
راح المعزب لأهله وذبح الذبيحه وطبخوها


الرجال اللي اعزمه المعزب ما خلى بيت بالعرب ما دعاه
يقول ترى أبو فلان عنده عشاء ويقول بلغ الجماعة كلهم ولا أحد يغيب
(( طبعا ما صدقوا خبر ))
ويوم غابت الشمس إلا تفاجئ المعزب بربعه جايين
هذيلم ... اربعة السلام عليكم
وشوي اربعه ... وهكذا
حتى امتلى المجلس
ويقول يا سود وجهي (( حتى لو أجيب ذبيحة ثانية وثالثه وما تلحق تطبخ وتستوي )
وش اسوي .............. وش اسوي
وهو يجيب ثلاث رجال من افهم ربعة (( نادهم فلان ... فلان ..... فلان )) وعلمهم بالقصة
سوو اجتماع مغلق ههه
طلعو بنتيجه جوهريه تدل على صفاء عقولهم وهي
كل واحد من الثلاثة يدخل بقلطه يعني لا زم يزبن روحه بالصحن
وش الحكمة منها أنا أعلمكم (( أول البدو لا قلطو على الصحن من يقوم أول واحد
الجميع قام معه ولا أحد يتأن مثل وقتنا الحاضر ... وفي ناس معروفين فلان وفلان
واكيد انكم سمعتم بعضهم قبل أن تصل اللقمة إلى فمه رماها وقام مع الرجاجيل ))
(( طبعا صحنين ))
ويوم خلص الضيف (( الضيف هو اللي يقوم أول )) وبعدها المعزومين
القلطه الثانيه زبن أحد الرجال الثلاثه وسمابهم الرجال ... سمو يالربع الله
محييكم ... ما امداهم ثلاث لقمات إلا يقوم الرجال .... الله يكثر خيرهم
وهم يقومون (( ليه ما تأخر الرجال ؟ لأن الرجال أول سريعين بالأكل ))
القلطه الثالثه والثالث يقوم وسوى مثل زميله اللي قبله
وهكذا حلت المشكله
ويقولي جدي انه رجع للنساء لحم واجد وخير كثير
فهذه القصة تدل على عقلية تلك الرجال وقراراتهم الصائبه
إتمنى أجدت في طرح القصة والمعذرة عن اللهجه العاميه فمثل تلك القصص لابد
تطرح بهالشكل ... لأني اجد فيها نكهة خاصة
المعذرة يالربع عن القصور فما اصبت فهو من الله وما أخطأت فمني والشيطان
(( السالفة سولفها جدي وابوي زمان ويمكن نست شيء ما ذكرته غير اسمائهم فالعذر والسموحة ))

 

[الحنان كله]

رد: قصة واقعية‎

يعطيك العافيه صابرة

 

[ملاك]

رد: قصة واقعية‎

بارك الله فيك ياصابرة

 

[واثق الخطوة]

رد: قصة واقعية‎

قصة بغاية الروعه والفائدة
وحلاوتها انها باللهجه العاميه
الله يعطيك العافيه اختي صابره
تقبلي احترامي



​

 

[حلوة عذاريب]

رد: قصة واقعية‎

[align=center]قصة رآاااآئعـ

ـة
عشتِ صابرة

[/align]

 

[صابرة]

رد: قصة واقعية‎

اشكركم اخوتي جميعا
مروركم اجمل
مشكورين