قصيده للشاعر جارالله الشدي في ذوي الاحتياجات الخاصه

[القدر المكتوب]

[glow=ff3366]
عندي قصيدة بالغلا تسكن الذات
أشوفها ترْق الجبال الطويلات


مغرورةٍ من حقها لا تباهت
ماهي تجي ببيات وأبيات وأبيات


من عزّها .. من طهْرها ما تنحّت
ترقى وتشّر كانْلي قاف لي هات


قلت الحروف الأبجدية كثيره
وإحساس فكري متجه بتجاهات


قالت إذا إنّك شاعر وتفتخر بي
لا تبدع الا بالبيوت الجزيلات


قلت إسمعيني يا قصيده طلبتك
أنتي حكايه غير كل الحكايات


وأنتي شموخ وموطنك فوق شامخ
وأكبر دليلٍ في شموخك علامات


لنّي نويتك بوح بحساس صادق
مالي على بدْعك مهمه وغايات


ولنّك بعيني دولةٍ ما أتّقارن
حيث أصبحت كل القصايد دويلات


ولنّك فريدة لا وأجمل قصيده
أجرّها والصدر كله تنهات


قالت تفضل هات إيدك وحيّاك
أبدع وسمّعنا جديدك بالأبيات


ثمن رقيت بقمة الرجم عالي
وقلت القصيده في (ذوي لِحتياجات)


الخاصه اللي حبّهم بالحنايا
واللي قَدِرهم بالصدر حي ما مات


وأقول أنا بالصوت يا سامع الصوت
هم من لهم بالطيب والعز رايات


وأهم الصراحه دام بالصدق راحه
وأهم الرياده في جميع المجالات


وأهم المشاعر والأحاسيس والنبض
وأهم البدايه والأصل للبدايات


وأهم الصبر يوم الصبر له صناديد
يوم إن بعض الناس صبره نهايات


والله عطاهم والله اللي رحمهم
سبحانه المولى بديع السموات


يومه بلاهم ما نساهم .. عطاهم
حبه وعطفه وإنحاء السيادات


غصباً على أطلق أنف تخضع وتخضع
بالمجتمع إلهم مكان ومقامات


والأمر هذا حق واجب علينا
مفروغ أمره من عصورٍ قديمات


من عهد إبن خطاب عمرٌ ومروان
والتوصيه فيهم مع الإهتمامات


وإحْنا معاهم قطعةٍ ما تّجزّء
مكملين البعض في كل الأوقات


أكبر دليل إن المشاعر مليئه
لا شفتهم تقصر طوال المسافات


من بيننا حب وغلا بالموده
وإحساس ربّاني من الذات للذات


يا سيداتي .. آنساتي .. وساده
يا مجتمع يجمع شعوبٍ وسادات


أنا أعتذر لو كان بالقول قاصر
لنْ القصايد في مثلهم قصيرات


وإختامها صلوا على أحمد وآله
عد النجوم العالية والمجرات
[/glow]

 

[الحنان كله]

رد: قصيده للشاعر جارالله الشدي في ذوي الاحتياجات الخاصه

صح لسان شاعرها وتسلم يد ناقلها يعطيك العافية قلبووو القدر مكتوب كلمات ولا اروع

 

[العصفوره]

رد: قصيده للشاعر جارالله الشدي في ذوي الاحتياجات الخاصه

صح لسان الشاعر وسلمت يمناك ع النقل المميز يا القدر

 

[القدر المكتوب]

رد: قصيده للشاعر جارالله الشدي في ذوي الاحتياجات الخاصه

تسلمون على مروركم ولاهنتوا فديتكم

 

[عيسى محمد]

رد: قصيده للشاعر جارالله الشدي في ذوي الاحتياجات الخاصه

القدر مكتوب

يعطيك الله العافيه على النقل وصح السان قايلها وسلمت انامل ناقلها

تقبلي مروري وتحييياتي

 

[القدر المكتوب]

رد: قصيده للشاعر جارالله الشدي في ذوي الاحتياجات الخاصه

[glow=3366ff]
عيسى تسلم على مرورك ياذوق
[/glow]

 

[سفير قحطان]

رد: قصيده للشاعر جارالله الشدي في ذوي الاحتياجات الخاصه

قصيده في منتهى الروعه لاهنتي على النقل

 

[أم الغالين]

رد: قصيده للشاعر جارالله الشدي في ذوي الاحتياجات الخاصه

جدا كلمات رائعه ياقدوره