قصيده السواق

[الكنز الثمين]

ابي اسال اهل العلم والدين بالله
وكلن يقول الحق لياه يخفيه

هو يصلح ان الذيب يمشي مع الشاه
يمشي مماشيها وتمشي مماشيه

نوب(ن) يتعداها ونوب(ن) تعداه
ونوب(ن) سوا بالدرب جنبه تباريه

وابي اسال اهل العلم والدين بالله
وكلن يقول الحق لياه يخفيه

هو يرتجف ويصد خايف تعشاه
والا تصير الشاه غايت مناويه

هو يترك اللقمه على خاطر عداه
والا يدور غرت اللي يعاديه

وابي اسال اهل العلم والدين بالله
وكلن يقول الحق لياه يخفيه

هو يترك الجاهل على خبط عمياه
ولا لزوم تجيه ناس(ن) تقديه

وابي اسال اهل العلم والدين بالله
وكلن يقول الحق لياه يخفيه

شئ(ن) نشوفه حولنا ماعرفناه
لاشرع يامربه ولا شرع ينفيه

رجل(ن) يكافح دون ماله ويرعاه
يحرس عليه وكل يوم(ن) يراعيه

دايم يقول الويل مني لمن جاه
اللي يجيه امسك وريده واذكيه

يطرد مغاوير العدا لاتعشاه
والذيب عنده وسط بيته يربيه

من خلقت الدنيا على ماسمعناه
هاذي علاماته وهاذي مواريه

كل(ن) ينح الذيب لايدخل حماه
والذيب لو يدخل على جمع ينهيه

وابي اسال اهل العلم والدين بالله
وكلن يقول الحق لياه يخفيه

الرجل يبني بيت ويهد مبناه
لاهمه المبنا وللي سكن فيه

جاب الغريب ووكله في رعاياه
من زود حرصه شد كفه يوصيه

قال الولد والبنت والأم ترعاه
وليا بغى له درب لازم توديه

قال ابشر بعزك بابه اليوم نفداه
بابه هبيب ولازم اليوم نرضيه

ثم سافر المطنوخ وبليس يبراه
خويه المخلص يدله ويهديه

خلى الغنم والذيب في راس مفلاه
لاكلب ينبحله ولاشخص يرميه

ثم حنت الفاطر على وقت مسراه
عقب العشا وينه وكيله تناديه

جاك يتهبد كاشر(ن) عن ثناياه
نعم يجي انا ماما اس فيه

قالت مشينا ناخذ السوق باقصاه
من دون حاجه نشتري كل مافيه

شغل وحرك واتجه صوب مسراه
والله يعين اللي لزومه يسريه

حط البنات بسوق واقفى وخلاه
قال الرقم موجود عندك ودقيه

ثم حط الأم بسوق ثاني تمناه
قالت تجي قبل الفجر في حراويه

راح يتمشى بالهمر مع دناياه
وصديقه اللي يلتفتله يوديه

طاف الوعد والأم كوبان ماجاه
السوق سكر مابقى غير تاليه

تم الشهر ذيبان ثم عاد لابناه
الحال حاله والمصاري مصاريه

استقبلوه ورحبوا في محياه
وكل(ن) يقول اليوم عندي بعشيه

لوقال من يدرى البلا آه ثم آه
لامن يجيب العلم ولامن يوديه

ياشيخ ربك كيف تجهل وتنساه
تجهل تعاليمه وتتبع نواهيه

حدك ابليس الله يحده على أقصاه
الله يوريكم غضب قدرته فيه

هذي نصايح للرجال المسماه
اللي تعرف الصح والحق تعطيه

الضيف دايم مرحبأ في محياه
ساعه نرحبه وساعه نحييه

والبن الاشقر كيف والحيل تقفاه
واجب علينا سلمنا ما نخليه

والجار يحشم عندنا ما نسيناه
مهما يكون الجار نعزه ونغليه

وخوينا نمشي على الشوك لرضاه
ونجعل ثقيل النفس يطمن ويرضيه

وكل(ن) يشوف قراه من فعل يمناه
واللي زرع معروف لابد يجنيه

من قدم المعروف في الناس يلقاه
والشكر والمعروف للي سعى فيه

وصية مني ليا قيل وصاه
يحرس عليه و واجبه لا يخليه

والطيب اللي ينتبه لاعدمناه
يحرس على دينه ويستر عوانيه



وسلامتكم............... للشاعر / رويفع بن دبسي الثِقِفِي الشيباني​

 

[بنت قحطان]

رد: قصيده السواق

دام عطائك وأنتقائك
ولاهنت يـــ الـــغـــلا
على النقل والطرح الجميل

!..تـ حًٍ ـيتي تسبقها مـ حًٍ ـبتي .!

​

 

[الحنان كله]

رد: قصيده السواق

صح لسان شاعرها وعلا شان ناقلها

يسلمو قلبو كنوزه

 

[الكنز الثمين]

رد: قصيده السواق

[align=center]

دام عطائك وأنتقائك
ولاهنت يـــ الـــغـــلا
على النقل والطرح الجميل

!..تـ حًٍ ـيتي تسبقها مـ حًٍ ـبتي .!

​

حياك الله بنت قحطان
عطرتي المكان
شاكره حسن كلماتك[/align]

 

[الكنز الثمين]

رد: قصيده السواق

صح لسان شاعرها وعلا شان ناقلها

يسلمو قلبو كنوزه

يسلمك ربي غلاتي
اتشرف بمرورك وردك​

 

[سفير قحطان]

رد: قصيده السواق

قصيده رائعه يعطيك العافيه

 

[الكنز الثمين]

رد: قصيده السواق

[align=center]

قصيده رائعه يعطيك العافيه

الاروع مرورك اخوي
لا هنت[/align]

 

[المغامر]

رد: قصيده السواق

صح لسانك الكنز وعلا شانك

تحيتي العطره لك

 

[الكنز الثمين]

رد: قصيده السواق

صح لسانك الكنز وعلا شانك

تحيتي العطره لك

يسلمك ربي اخي المغامر
تشرفت بمرورك الكريم​