قصيده ام في ولدها

[الصبر]

قصيده ام في ولدها
اللي تزوج وزوجته رفضت تسكن امه معهم
فذهب الولد بأمه لدار العجز? ومرت
ثلاث سنين مامرها ولا شافته فكتبت قصيده واعطتها لطبيب يعمل
بالمستشفى واستأمنته بأن لايسلم
القصيده لابنها الا بعد وفاتها فلما حضر ولدها ليستلم جثتها من المستشفى
سلمه الطبيب قصيده امه ومكتوب فيها

يامسندي قلبي على الدوم يطريك
ماغبت عن عيني وطيفك سمايا
هذي ثلاث سنين والعين تبكيــك
ماشفت زولك زايرآ يا ضنايا
تذكر حياتي يوم أشيلك وأداريك
والاعبك دايم وتمشي ورايا
ترقد على صوتي وحضني يدفيك
ماغيرك أحدآ ساكنن في حشايا
وليا مرضت أسهر بقربك واداريك
ماذوق طعم النوم صبح ومسايا
ياما عطيتك من حناني وابعطيك
تكــبر وتكــبر بالامل يا مـنايا
لكن خسارة بعتني ليش وشفيك
وأخلصت للزوجة وأنا لي شقايا
أنا أدري أنه قاسية ما تخليك
قالت عجوزك ما أبيها معايا
خليتني وسط المصحة وأنا أرجيك
هذا جزا المعروف وهذا جزايا
ياليتني خــدااامةً بين أياديك
من شان أشوفك كل يوم برضايا
مشكور ياوليدي وتشكر مساعيك
وأدعي لكم دايم بدرب الهدايا
احمد يا احمد أمك توصيك
أخاف ماتلحق تشوف الوصايا
أوصيت دكتور المصحة بيعطيك
رسالتي وحروفها من بكايا
وأن مت لاتبخل علي بدعاويك
أطلب لي الغفران وهذا رجايا
وأمطر تراب القبر بدموع عينيك
ما عاد ينفعك الندم والنعايا

 

[غيوم المساء]

رد: قصيده ام في ولدها

[type=680942]قصيده اكثر من رائعه وفيها من العبره والحكمه الشي الكثير عن ضروره بر الوالدين والاحسان لهم جزيت الجنه اخوي الصبر علي نشر المواضيع المميزه لك تقديري وشكري.[/type]

 

[ابو فواز]

رد: قصيده ام في ولدها

لا حول ولا قوة إلا بالله
ابيات معبرة وحزينه جدا
اللهم اصلح انياتنا واصلح ذرياتنا وكل مسلم
ما فيه اطيب واجمل من قلب الام رغم عقوق ولدها
تتمنى تكون خادمة بين يديه الله المستعان وقلبي قلباه
طرح هادف اخي الصبر بارك الله فيك
تقديري لك

 

[الصبر]

رد: قصيده ام في ولدها

حياك الله وبياك وجعل الجنة مثوانا ومثواكم اخي الكريم ابوفواز

سلامتك يالغاليه وألف لاباس*
ليت المرض فعروق قلبي ولا فيك*
يأعز وأغلى الناس ياجوهر الماس*
مهما فديتك بالعطاء مقدر أجزيك*
أنتي لنا في مظلم الوقت نبراس*
يحفظك لي ربي ولعيون ترجيك*
خدي لموطى أقدامك الطهر ينداس*
بر و وفاء وأقبل اقدام رجليك*
حبك تعدى كل تحديد وقياس*
الله يطول عمرك إلنا ويشفيك*
انتي لروحي يالغلا مثل الانفاس
مسكنك في صدري وعيني تراعيك*
يانبض قلبي يامواريد الاحساس
مهما كتبت وقلت مأقدر أوفيك*