قصيدة بمناسبة شفاء خادم الحرمين

[بسام الدوخي]

طهور بـإذن الله وبإذنـه يشافيـك
وعسى الله بحفظه يحفظك ويحميك


ياخادم البيتيـن طلْـق الحجاجيـن
يابومتعب ٍ غيرك بوصلـت حراويـك


خدمت بيوت الله بشتـى المجـالات
ياعلْهـا تثقـل مـوازن حسانيـك


حتـى الأجانـب ياملكنـا دعولـك
دعولـك أن الله بخيـره يجـازيـك


وإن العوافـي فالـكـم ياملكـنـا
وإن الله يوفـق بدربـك خطاويـك


وحنّا بعـد ياسيـدي لـك دعينـا
ندعيلك المولى عسـى الله يعافيـك


ياسيدي وإنت تعرف حـب شعبـك
يفز شعب المملكـه عنـد طاريـك


ياللي من أجل الشعب سهْرت عيونك
تسهر وشعبك محتضنهـم بأياديـك


ياللي هموم الشعـب كلّـه حملتـه
ولاجت على صعب المهمه مشاكيك


ياللي تحمّلت الثقيلـه علـى شـان
يرتاح شعبـك والثقيلـه تخاويـك


ياسيـدي والعلْـم يكفـي قليـلـه
عسى الولي يحفظ سموك ويشفيـك


وعسى صواديـف الزمـن ماتدلّـك
وكان أوجهت لك بأمر ربي تعدّيـك
*****************

 

[واثق الخطوة]

رد: قصيدة بمناسبة شفاء خادم الحرمين

نسأل الله ان يديم عليه لباس الصحه والعافيه

تسلم اخوي بسام الله يعطيك العافيه
احترامي وتقديري​

 

[ابو فواز]

رد: قصيدة بمناسبة شفاء خادم الحرمين

اللهم اشف مليكنا الغالي والبسه
لباس الصحة والعافية آمين يارب العالمين
قصيدة رائعه ومعبرة سلمت يداك اخي بسام
احترامي لك

 

[عيسى محمد]

رد: قصيدة بمناسبة شفاء خادم الحرمين

بسام الدوخي

الحمدلله على سلامة مليكنا
وصح السانك وسلم بنانك
لاعدمناك ولا عدمنا جديدك

تحييييييياتي