قصيدة عن طلعات البر ايام الربيع

[صديقة ذوي الإعاقة]

قصيدة عن طلعات البر ايام الربيع

السلام عليكم ورحمة الله وبركاته :
تحية لكل اعضاء المنتدى :
اخواني هذه قصيدة اعجبتني

ياماحـلا المسـرى مـع طـلعة النـور
من قبل خيط الشمس يبدي شعاعـه

مع رفقـةٍ مافيهـم اللـي بـه قصـور
ربــعٍ تـربـوا بالـكـرم والشجـاعـه

كـل واحـدٍ فيهـم مجـرّب ومخـبـور
مـاشـاور الحـرمـه بـخـوة ربـاعــه

لا جــا لــزومٍ مايصـفـون بـالـدّور
كـلٍ بـذل مجهـود قــدر استطـاعـه

أميـرهـم يهـتـم بـالـرّاي والـشــور
دايــم يــدوّر ويــن راي الجمـاعـه

لا صرت عنده كنك بعش عصفـور
مابـاقـي الا يوكّـلـك فــي ذراعـــه

لاجيت اقول اسمه اسميـه منصـور
كـلٍ يعـرفـه مــن طـيـور البتـاعـه

شيل الشوازن والفشق معهم صقور
وحمام لا صـاروا طيـورك جواعـه

موترك جيبٍ خلفه العفـش مجـرور
يسوقـه اللـي خـاف ربــه وطـاعـه

وجمسٍ محمل ما ركب فيه مطيـور
هـو منـوة اللـي مـات قلبـه وباعـه

عفشـك مكـمّـل فـيـه زلٍ ومـاطـور
وبيتٍ من (القاضي) جديـدٍ شراعـه

وعـدة المطـبـخ بـيـن قــزٍ وتـنّـور
وحوايـج واغــراض فيـهـا نفـاعـه

ورز(المهيدب) مع سكاكين وقـدور
واحرص على الطبّاخ كمّـل متاعـه

ونـجـرٍ ومحـمـاسٍ ودلّــه ودافــور
وبـنٍ وتمـرٍ يـغـري الـلـي شبـاعـه

تنـزل بـروضٍ تـوّه اليـوم ممطـور
والغيم عقـب الشمـس تـم انقشاعـه

البـر حـولـك كـلـه ورود وزهــور
وقت الربيـع العشـب زاد ارتفاعـه

حتى الرمل تشتم له ريحـة عطـور
والقـاع خضـرا كـن فيهـا زراعــه

معك خروفٍ مايبي ضرب صاطور
اذا ذبـحـتـه عـلّـقـه مـــن كـراعــه

احمـس بصيلـه والمعاليـق بالـفـور
من طعمه الجوعـان ياكـل صباعـه

من عقب هذا ما تبـي طـب دكتـور
كانك مريـضٍ صـار عنـدك مناعـه

حنّا بنعمه بـس تبـي حمـد وشكـور
وحفظ الصلاة الخمس ويّا الجماعه

ما تغتني لو تملـك المـال وقصـور
لا صرت مـا تملـك كنـوز القناعـه




وســــــلامـــــتكم

منقوووووووووووووووووووووووول​

 

[المتفائل]

رد: قصيدة عن طلعات البر ايام الربيع

[align=center]يازين طلعة البر
تشرح الخاطر وتريح النفس
قصيدة رائعة
يعطيك العافية اختي بصمهـ
[/align]

 

[صديقة ذوي الإعاقة]

رد: قصيدة عن طلعات البر ايام الربيع

جزاكم الله خير

 

[ابو فواز]

رد: قصيدة عن طلعات البر ايام الربيع

حنّا بنعمه بـس تبـي حمـد وشكـور
وحفظ الصلاة الخمس ويّا الجماعه​

ما تغتني لو تملـك المـال وقصـور
لا صرت مـا تملـك كنـوز القناعـه​

صح اللسان الشاعر وعلى شان الناقل
قصيدة جميلة ما قصر صور لنا
البر بأبيات جزلة​

الله يعطيك العافية
على الاختيار ​

 

[صديقة ذوي الإعاقة]

رد: قصيدة عن طلعات البر ايام الربيع

جزاكم الله خير

 

[نزيف الامل]

رد: قصيدة عن طلعات البر ايام الربيع

[align=center][table1="width:95%;"][cell="filter:;"][align=center]الله يعطيك العافيه
يااختي القديره
على هذي القصيده الجميله [/align][/cell][/table1][/align]

 

[صديقة ذوي الإعاقة]

رد: قصيدة عن طلعات البر ايام الربيع

جزاكم الله خير