قصيدة شاب يوصي اخوه يتزوج حبيبته ..

[المغامر]

هذي وصيت واحد اسمه ( أحمد ) بعد ماعرف انه ماباقي من عمره الا ايام بسبب المرض
وكتب وصيه لأخوه يطلب منه يتزوج حبيبته ...

وصاتي لك من بعـدي تمـوت فيهـا علشانـي
ابيها تعيش و تحيا بك واظل بالذاكـره مفقـود
وصاتي لك تنسيها ملامـح وجهـي و تنسانـي
وتعزفها قصيدة حب على عكس اللي عزفته بعود
وصاتي لك تبعدهـا عـن اشعـاري وقيفانـي
تراها مغرمة بالحيل ويشهد لـي عـدد الـردود
وصاتي لك تسايرها ترى فيهـا مـن احزانـي
طلبتك لايضيق بالك طلبتـك والطلـب مـردود
وصاتي لـك تناديهـا حياتي..عمري..ازمانـي
انـا عودتهـا دايـم ادلعهـا وانـا مـوجـود
وصاتي لك تعاملهـا بطيبـه قلـب و احسانـي
تراها تـذرف الدمعـه ودمعتهـا بليٌـا حـدود
وصاتي لـك تحفظهـا سـور وآيـات قرآنـي
وتخبرها عـن الميـت رحـل لايمكنـه بيعـود
وصاتي لـك ترسمهـا علـى قبـري وأكفانـي
ابيها لوحة تبقى علـى طـول الزمـن محـدود
وصاتي لك تمازحها وتشوف الضحكة بأسنانـي
سعيتك ياضحك هالكون طلبتك لاتصيـر جلمـود
وصاتي لك تقهويهـا مـن دلالـي و فنجالـي
تراها تعشق السمـرا ويكفيهـا دخـون العـود
وصاتي لك تركبها على خيلي و على حصانـي
وربي فارسة من قلب شهـادة ماهـي لشهـود
وصاتي لـك تسفرهـا بـلاد الشـام و لبنانـي
ترى يحلالها تقطف ورده وردة من بلد الـورود
وصاتي لك تراقصهـا علـى الحـان رحبانـي
ترى فيها عرق خالة وفيها من جنـون السـود
وصاتي لـك تحببهـا فأبونـورة بعـد هانـي
وتنسيها ندم غلطة انا فيهـا تـرى المقصـود
وصاتي لك تكرههـا فـي تاريخـي و عنوانـي
أبيها تلعن اللحظة وتلعـن كـل فـرح موعـود
وصاتي لك تكلمها عن المجني وعـن الجانـي
وتخليني انا الظالم وانـا مـن حـرق الاخـدود
وصاتـي لـك تشبهنـي بـدم أحمـر قـانـي
وانا هالقاتل السفاح مجرم مـن عصـر نمـرود
وصاتـي لـك تحلفهـا تتـوب تحبنـي ثانـي
ترى يكفيها ماعانـت ويكفـي حيلهـا مهـدود
وصاتي لـك تنسيهـا وصيـة قالهـا لسانـي
أنا اخبرك رجل موقـف وانـت قدهـا وقـدود
صديقي مالقيت غيرك يعرف وشلـون تنسانـي
أمانه ضمها بقلبك تـرى خالـد رحـل مايعـود


​

 

[ليل]

رد: قصيدة شاب يوصي اخوه يتزوج حبيبته ..

[align=center]

وصاتي لـك تناديهـا حياتي..عمري..ازمانـي
انـا عودتهـا دايـم ادلعهـا وانـا مـوجـود
وصاتي لك تعاملهـا بطيبـه قلـب و احسانـي
تراها تـذرف الدمعـه ودمعتهـا بليٌـا حـدود

يوووووووووووه عوّرني قلبي :001_unsure:


مغامر

تشكرات مسيوووووووو .


[/align]

 

[العصفوره]

رد: قصيدة شاب يوصي اخوه يتزوج حبيبته ..

new8

يعطيك العافيه يالمغامر

 

[كلفر 881]

رد: قصيدة شاب يوصي اخوه يتزوج حبيبته ..

المغامر
يعطيك العافيه

لكن ألاحظ أن الشاعر لم يوص أخيه وإنما أوصى صديقه من بعده بالحفاظ على محبوبته كما هو ظاهر من البيت الأخير

مجرد ملاحظه

تحياتي لك

 

[الحنان كله]

رد: قصيدة شاب يوصي اخوه يتزوج حبيبته ..

قوية يالمغامر وجعت قلبي قصيدة توجع القلب

 

[غلاها من حلاها]

رد: قصيدة شاب يوصي اخوه يتزوج حبيبته ..

الله يا المغامر صدق قصيده توجع القلب مؤاثره حييل
يعطيك الف العاااااااافيه خيو.