اقطعو عني الضمان تكفون فيدوني كيف ارجع اقدم

[ام الحلوووين]

السلام عليكم ورحمة الله وبركاته
انا مسجلة بالضمان ورحت الاسبوع الي فات اقدم على المقطوعه وشرحتلها وضعي علشان ترفع اسمي لانها تقول انتي كل سنتين وانا محتاجتها عندي مرجعات وعلاجات
المهم انا متزوجه وعندي اطفال اثنين انا الي مسؤوله عنهم بس زوجي ماعنده اثباتات بدون بس ورقة من اللجنه المركزيه وعيالي ماعندي لهم اوراق الا بلاغ الولادة وانا مسجله ببطاقة الاحوال اني بنت فلما عرفت اني متزوجه وقفت عني الاعانه وانا بحاجتها لاني معلقه وانا المسؤوله عن عيالي فقالت ارجعي قدمي على اساس انتس مهجوره فا وش العمل هل يحق لها توقف عني الاعانه وانا اصلن مسجله بالاحوال بنت ماتزوجت وعطوني الطريقه كيف ارجع اقدم ومنين اطلع صك هجران يقبلون يعني وورقه فيها شهود وموقعه من الشيخ والعمدة يعني زي ورقه الملكة الخارجيه يعني الي من شيخ وعليها شهود ومصدقه من العمده ووشلون اضيف عيالي فيها وهم اصلن ماعندهم الا بلاغ الولاده
والله يجزاكم عني كل خير الي يقدر يفيدني يكفى لايقصر تراني بحاجه والله اعلم بوضعي وابي رد باسرع وقت

 

[اسير القرني]

رد: اقطعو عني الضمان تكفون فيدوني كيف ارجع اقدم

الله يكون في عونك وان شا الله شخص يعرف يفيدك

 

[ام الحلوووين]

رد: اقطعو عني الضمان تكفون فيدوني كيف ارجع اقدم

الله يجزاك كل خير والله لو اني موً محتاجتها وهاذا حقنا من دولتنا ماوقفت عندهم وطلبتهم بس ماقول غير حسبي الله ونعم الوكيل قطعتها وحنا داخلتن علينا المدارس ومصاريف بس باب الرزق بيد الكريم مايسده اي عبد والله يفتح لنا ولكم ابواب رزقه ويغننينا بحلاله عن حرامه وبعفوة عمن سواه

 

[ام الحلوووين]

رد: اقطعو عني الضمان تكفون فيدوني كيف ارجع اقدم

معقوله مافيه احد يفيدني يارب افرجها من عندك ياكريم ولاتحط حاجتي بيد احد من خلقك

 

[معاند الضيم]

رد: اقطعو عني الضمان تكفون فيدوني كيف ارجع اقدم

وعليكم السلام ورحمة الله وبركاته

اختي
المفروض مكتب الضمان هو الي يفيدك بالطلبات الخاصة بالتقديم كونك مهجورة

واعتقد يبغون صك هجران من المحكمة
واكيد الشيخ بيطلب شهود على هالشئ

لكن الافضل انك تتواصلي مع مكتب الضمان وتعرفي ايش الطلبات بالضبط
حتى ما يروح جهدك على الفاضي

وهذا رقم للضمان
8001222777

والله يسخر لك الأرض ومن عليها
ويفك ضيقتك

 

[ام الحلوووين]

رد: اقطعو عني الضمان تكفون فيدوني كيف ارجع اقدم

وشلون يفيدوني وهم اصلن ماعندهم اي شي يثبت زواجي غير ورقه من الشيخ عليها شهود وموثقه من العمده يعني حتى لو اطلع راح تكون نفسها ورقه من الشيخ عليها شهود وموثقه من العمده هل يقبلونها واذا انا مسجله بالاحوال لسى بنت ماتزوجت هل يصير اني اروح اطالبهمً ليش يقطعًون عني الضمان ومافي شي عندهم يثبت زواجي
يارب افرجها ولاتجعل حاجتي بيد احد من خلقك