راتب التأهيل يارب كل من رد علي انك تسعده وتوفقه

[مياسه]

السلام عليكم
ياليت اللي يعرف يااخواني مستوصف بالرياض يقسط تصليح الاسنان من راتب التاهيل لان الاسنان غاليه وماعندي الا راتب التاهيل اللي اقدر اسوي فيه واسناني ذابحتني الله المستعان ف ياليت اللي يعرف مستوصف يقسط من راتب التاهيل يدلني عليه الله يجزاكم خير ويجزى كل من رد علي الجنه

 

[ضوء القمر]

رد: راتب التأهيل يارب كل من رد علي انك تسعده وتوفقه

طيب كان رحتي مستوصف الحي حق الحكومة ويحولك الى مستشفى ثاني متخصص وببلاش بس الله يعينك على مواعيدهم كل 10 سنوات موعد ههههه أمزح

شافاكي الله وعافاكي

الله يعطيك العافية

ياليت انا من الرياض كان أفدتك

 

[الحازمي]

رد: راتب التأهيل يارب كل من رد علي انك تسعده وتوفقه

يسر الله امرك

 

[ابوهزاع]

رد: راتب التأهيل يارب كل من رد علي انك تسعده وتوفقه

شوفي احد اقاربك لديها تأمين طبي واذهبي به الى مستوصف أهلي

 

[مشاعل عبدالعزيز]

رد: راتب التأهيل يارب كل من رد علي انك تسعده وتوفقه

الحين راتب التاهيل. ينزل بحسابك تقدرين تدخلين اي ممستوصف والله يوفقك

SM-T110 السعودية لذوي الاعاقة

 

[مرهفة حس]

رد: راتب التأهيل يارب كل من رد علي انك تسعده وتوفقه

وعليكم السلام ورحمة الله وبركاته

والله يا الطيبة ما أبي أحبطك , لكن أن شاءالله حالتك مو مثل حالتي

عيادات الأسنان تتخوف تستلم ملفي ولذلك أضطريت أروح بتحويل من طبيبي

إلى كلية الأسنان بجامعة الملك سعود .. وهاك مرمطه على قلة حيلة

بالأخير قالواا حطيناا أسمك في الأنتظار وبعد سنتين قالوااا اووه نسيناك :icon_neutral:

وإلى كتابة هالرد شفت سؤالك ما شفت أتصالهم :icon_rolleyes:

بالتوفيق لك .. والله يسهل أمرك وأمر كل مسلم يا رب .

 

[هدى العنزي]

رد: راتب التأهيل يارب كل من رد علي انك تسعده وتوفقه

انا تابعت حساب جمعيته حركيه في خدمه تقدم للمعاقين مجان في مستوصف اهلي له كذا فرع برياض دق على الجميعه وسالهم

 

[السهيان]

رد: راتب التأهيل يارب كل من رد علي انك تسعده وتوفقه

فيه مستوصف بيت الرازي بالرياض مجاني للتأهيل ادخل على قوقل مآب واعرف الوصف والله يوفقك

 

[مياسه]

رد: راتب التأهيل يارب كل من رد علي انك تسعده وتوفقه

الله يجزاكم خير كل من رد على استفساري

 

[منوور]

رد: راتب التأهيل يارب كل من رد علي انك تسعده وتوفقه

مستوصف المهيدب يعالج مجانا للتاهيل والضمان

 

[اسيل يوس]

رد: راتب التأهيل يارب كل من رد علي انك تسعده وتوفقه

اختى معاقه بالتوحد وتخلف وللان نستنى موعدها في مستشفى النور قسم الاسنان من سبع سنين وعشان عندها القلب لازم مستشفى النور ولا مستشفى قبل حالتها


iPhone السعودية لذوي الاعاقة