راتبي تجاوز الحد المانع

[من لم يمت بالسيف مات بغمد]

السلام عليكم

انا كنت مسجل في الشؤون الاجتماعية فوق العشرين سنة تقريبا وكانت تنزل لي الاعانة الشهرية وعندي بطاقة تخفيض وبطاقة مواقف لذوي الاحتياجات الخاصة.

في سنة 2016 وقفوا الاعانة وحذفوا سجلاتي وطلبوا تقرير طبي جديد علشان يرجعوني بس بدون ما تنزل لي الاعانة بسبب ان راتبي ذاك الوقت تجاوز ال4000 ريال وصرت مليونير بنظرهم.

الحين راتبي 6063 ريال متزوج وعندي 4 اطفال.

فهل لو رجعت سجلت يعطوني اعانة لو مازلت بعيونهم مليونير؟

وش الاجراءات اللي يطلبوها علشان يعطوني بطاقة المواقف؟

قبل اسبوع رحت مستشفى خاص ووقفت في مواقف ذوي الاحتياجات الخاصة فجاني السكيورتي وقال ممنوع توقف!
قلت اليه شوف هذي بطاقة مواقف ذوي الاحتياجات الخاصة ملزقة على الزجاج الامامي.

قال هذي مش رسمية
افتح تطبيق توكلنا ووريني البطاقة

قلت اليه ماعندي
قال ممنوع توقف
طلعت من الموقف ووقفت بعيد مع اني ما اقدر امشي مسافات طويلة اتعب واعرق وخصوصا والشمس حارة


ياليت اللي يقدر يجاوب على استفساراتي لا يبخل علي.

رحم الله والديكم

 

[ضوء القمر]

رد: هل يقبلوني

رد: هل يقبلوني

ماعليك شر أخو

راتبك تجاوز الحد المانع للإعانة وهي 4000 ريال وماله علاقة بالزواج او عندك عيال هذا مايفيد مو مثل الضمان

الحل اذا تبي بطايق للإعاقة تحدث بالموقع وترفق تقارير جديدة بس بدون إعانة وتقدر تطبعهم من الموقع

اذا حدثت يكون أسمك موجود تبع المعاقين وجميع الخدمات المقدمة للمعاق ماعدا الإعانة ماترجع لك الا اذا كان راتبك أقل من 4000

الله يوفقك