عرفت ليه الجبـل ينهـد مـن قطـره

[الحنان كله]

عرفت ليه الجبـل ينهـد مـن قطـره

تدري بان الجبل ينهـد مـن قطـره!!
اقرا عيونـي قبـل يحكيلـك لسانـي

تدري متى؟ لاختنق هالكون من عبـره
ثم سيل النجـم يبكـي فعلـة الجانـي

في وقتها مـن بكـاه بينتهـي أمـره
ينهـد كلـه وانـا تتزلـزل اركـانـي

وتبقى الحنايـا تجـر لخافقـي قبـره
اتقـول يلـه يـرد يقـول :م مدانـي

مجنون وده يعيشك فـي امـل بكـره
مجنون مايـدري انـه عايـش فانـي

تصدق!! اني جمعت الثلـج والجمـره
لاقلت طيب وانـا فـي عـز حرمانـي

واتصدق ان العقل ماني علـى خبـره
انكرت دربه ورحـت اخـاوي جنانـي

والشعر لامن كتبتـه صابتـه سكـره
مدري من احساسي او من هيبة الحاني

والبيت لامـن بديتـه ينقتـل شطـره
ويضمّ خنجر عذابـي شطـره الثانـي

هذا قصيدي نبض بالصـدق واعتبـره
عطيـة الحـزن ماهـو ورث جدانـي

ولو قالت الناس ماحـرك بنـا شعـره
صدقني ان قلت لـك بكيـت جدرانـي

وش فيك ليه بغموضي تاهـت النظـره
وليه اتساءل غموضـه ويـن ودانـي

يمكـن لانـي ظـلام عافتـه قمـره
يمكن...ويمكن لان الشمـس تجفانـي

خلاص همّل جنون الشاعـر وشعـره
ابحرق افكار شعري واكسـر اوزانـي

مابيـك تفهـم ولا تستوعـب الفكـره
ياهيه ..تكفى أبي تستوعـب احزانـي

ومابيك تذكـر سـواة ايامـي الغبـره
ومابيك تنسى ورى هالرمش وش جاني

طالع عيوني وشوف الضيق وش كبره
افهم على شان حزني أو على شانـي

عرفت ليه الجبـل ينهـد مـن قطـره
ان ماعرفت السبب طالبـك تنسانـي




لشآعر.../مشعآن الرخيمي​

 

[الكنز الثمين]

رد: عرفت ليه الجبـل ينهـد مـن قطـره

رائع قصيده جميله
مميزه حنو

 

[الحنان كله]

رد: عرفت ليه الجبـل ينهـد مـن قطـره

تسلمين قلبووووووووووووووو الكنز الثمين فديتك

 

[المغامر]

رد: عرفت ليه الجبـل ينهـد مـن قطـره


الحنان كما اعتدناك دائمة الابداع

دمتي بود

 

[ماجد00]

رد: عرفت ليه الجبـل ينهـد مـن قطـره

[align=center]
تسلمي على الابداع خيتو

[/align]