ارجو الدخووووووول ~

[حيآوي]

السلام عليكم ورحمة الله وبركاته


عندي استفسار بسيط الله يحفظكم

بالنسبه لبطاقة التخفيض وين ممكن استفيد منها
يعني في وشو اقدر اخفض بها

وانا الحين عندي رقم مستفيد بس ماعندي بطاقة صراف
اقدر اطلعها والا لازم ببطاقة الصراف

واذا اقدر وش الاجراءات وكم مدة صدورها​

 

[عاشقة الجنة]

رد: ارجو الدخووووووول ~

واللة اناعندى نفس السؤال ارجو من الاخوة والاخوات يفيدونا:confused1:

 

[ملك روحي]

رد: ارجو الدخووووووول ~

انا نفس الشي عندي رقم مستفيد الى الأن ماطلعلي بطاقة صراف ولا تخفيض ادق عليهم يقولولي ماوصلنا شي ولك جزيل الشكر

 

[عيسى محمد]

رد: ارجو الدخووووووول ~

انا عندي بطاقة تخفيض
واللي اعرف عنها التخفيض 50% الخطوط السعوديه ويقال النقل الجماعي كذلك
هذا اللي اعرف عن هالبطاقه ولها معي 3 سنوات وكيف استخراجها مجرد مايطلع
لك رقم مستفيد بالتأهيل الشامل تعطيهم صورتين شخصيه وصوره البطاقه المدنيه
ويعطونك بطاقة التخفيض وهذا اللي اعرف بالنسبه لبطاقة الصراف ليس لها علاقه ببطاقة التخفيض

 

[الحارثي]

رد: ارجو الدخووووووول ~

السلام عليكم ورحمة الله وبركاته


عندي استفسار بسيط الله يحفظكم

بالنسبه لبطاقة التخفيض وين ممكن استفيد منها
يعني في وشو اقدر اخفض بها
تستفيد منها
1-الخطوط السعودية
2-النقل الجماعي
3-الاتصالات السعودية بالنسبة للمفوتر
كل الخدمات تخفيض 50%
انا مجرب الخطوط السعودية لك خصم 50%انت ومرافق واحد معك

يعني تطلعون بقيمة تذكرة شخص واحد تقريبا


وانا الحين عندي رقم مستفيد بس ماعندي بطاقة صراف
اقدر اطلعها والا لازم ببطاقة الصراف

والله مدري لكن اتوقع تقدر تطلع البطاقة

واذا اقدر وش الاجراءات وكم مدة صدورها
الاجراءات
صورتين شخصية (ناسي والله كم مقاس الصور )
صوره من بطاقة الاحوال
​

اتمنى اني افدتك وان شاء الله باقي الاعضاء ما يقصرون معك

 

[مروا]

رد: ارجو الدخووووووول ~

ما هي إجراءات الحصول على بطاقة تخفيض أجور إركاب للمعوق؟

1- يتقدم طالب الحصول على بطاقة تخفيض أجور الإركاب إلى إحدى الجهات المخولة بصرفها.
2- تعبئة نموذج طلب إصدار البطاقة.
3- إحضار صورتين شمسيتين حديثيتين لمقدم الطلب مقاس 2*3 سم للذكور (وللإناث دون سن عشر سنوات)
4- إحضار صورة بطاقة الهوية الوطنية أو دفتر العائلة مع الأصل للمطابقة.


ما هي شروط منح بطاقة تخفيض أجور إركاب للمعوق؟

1- أن يكون المعوق سعودي الجنسية.
2- أن تكون الإعاقة جسمية أو حسية أو ذهنية، وذلك حسب معيار ودرجة الإعاقة وفق المعايير المرفقة لإصدار بطاقات التخفيض بموجب ما تقرره لجنة متخصصة مكونة من (طبيب، وأخصائي نفسي، وأخصائي اجتماعي، وأخصائي علاج طبيعي، وأخصائي تربية خاصة) حسب ما تقتضيه الحالة في الجهة المخولة بإصدار البطاقة.
3- تزويد اللجنة المتخصصة بما تحتاجه من تقارير طبية أو نفسية أو غيرها.


وانتى روحى لهم وقدمى ترى مرات لا لجنه ولا شى عادى تستلمينها بسرعه

 

[حيآوي]

رد: ارجو الدخووووووول ~

تسلموووووون ماقصرتو بيض الله وجهكم