ارجوا الرد انا طالبة هل يحق لي المطالبة ببدل الاعاقة

[بعثرة حرف]

:001_tt2:السلام عليكم ورحمة الله وبركاته

حبيت اسالكم انا في الجااامعه ثالث سنه لي وبالصدفه

عرفت ان الجامعه تعطي ذوي الاحتياجات الخاصه بدل اعااااقه

ورحت سالتهم وعاد عطتني الاوراق وسويتهااا واصرفوها لي في رمضان 1500

بس بسالكم على السنتين الي راحت يمديني اطالب فيها ولا خلاص العوض على الله new8

وشكرا لكم

 

[حموده]

رد: ارجوا الرد انا طالبة هل يحق لي المطالبة ببدل الاعاقة

الله واعلم لكن هناك انشاء الله من يفيدك

 

[طالب جامعي]

رد: ارجوا الرد انا طالبة هل يحق لي المطالبة ببدل الاعاقة

[align=center]ودي افيدكي اختي لكن اول مره اسمعها
وبسالكي
اللي تقوليه بنطبق ع كل الجامعات ..؟؟
طيب اللي عندو كف بصر زيي يعني يشوف بعين وحده يحق له فيها .؟؟
وكيف اقدم عليها ...؟؟

اتمنى الاجابه وتحصلي الاجابه عن سؤالكي .
[/align]

 

[احمد زايد]

رد: ارجوا الرد انا طالبة هل يحق لي المطالبة ببدل الاعاقة

اختي ما اتوقع يحق لك تطلبينها
اخوي طالب جامعي فيه بدل قارئ لكفيفي البصر وتطلبها منومحاسب كليتك رح له وقل له ابي بدل قارئ وهو يعلمك على باقي الاجراءات

 

[الدحمي]

رد: ارجوا الرد انا طالبة هل يحق لي المطالبة ببدل الاعاقة

هلا حياك اختي. نعم يحق لك قلت الكلام هذا عن تجربه شخصيه انا صارت لي الاعاقه بنصف دراستي تقريباً تأخرت علشاني كنت اتعالج وبعدها طلبت بدل اعاقه وصلتني ١٥٠٠ بس وسألت عن الشهور الي راخت قالوا يحق لك اكتب معروض وتجيك وفعلاً هذا الي صار معي واعرف واحد فيه اعاقه بعينه مايشوف بوحده وطالبهم بآخر ترم واستلم مبلغ كبير لأنه يحق له الاثر الرجعي. بالتوفيق واي سؤال انا حاضر

 

[بعثرة حرف]

رد: ارجوا الرد انا طالبة هل يحق لي المطالبة ببدل الاعاقة

هلا الدحمي
ياليت والله حق سنتين مو قليل :icon_biggrin:

انا اليوم رحت سالت الموظفه حقت قسم المكافات في الجامعه قالت لي

لا مايمديك تاخذين الي فاات
وقلت لها انا سالت وقالو لي فيه (قلت كذا بعد ماقريت موضوعك )
بعدها سكتت وقالت خلاص اسال لك واشوف
مدري حيرتي ولا عطتني هرجه صاحيه
طالب جامعي يحق لك
روح قسم المكافات الي عندكم واسالهم ويعطونك ورقه تعبي فيها بياناتك ويكشف عليك الدكتور
وماتاخذ وقت من شهر لشهرين بالكثير
وان شاءالله تنزل لك

شكرا لك من رد جزاكم الله خير

 

[بعثرة حرف]

رد: ارجوا الرد انا طالبة هل يحق لي المطالبة ببدل الاعاقة

ايووووه صح يالدحمي

كيف يعني اكتب معروض واعطيه مين ؟؟؟

 

[الدحمي]

رد: ارجوا الرد انا طالبة هل يحق لي المطالبة ببدل الاعاقة

اذا فيه قسم ذوي الاحتياجات الخاصه بنفس الجامعه احسن تروحي لهم لاني بجامعة الملك سعود جيتهم وسجلت معروضي عندهم ورفعوه لرئيس قسم المكافات واخذت تقريباً شهرين واستلمت الشيك لاتسكتين طالبي بالاثر الرجعي يحق لك

 

[طالب جامعي]

رد: ارجوا الرد انا طالبة هل يحق لي المطالبة ببدل الاعاقة

[align=center]لله يسعدكم ويخليكم
بس ممكن تقولوا لي اروح لمين بالجامعه بالتحديد <<<جامعتي جامعة تبوك :crying:
وايش اقول لهم بالظبط ..؟؟

الله يحفظكم ..
[/align]

 

[بعثرة حرف]

رد: ارجوا الرد انا طالبة هل يحق لي المطالبة ببدل الاعاقة

ايووه ياطالب جامعه روح لقسم المكافات الي في الجامعه تبوك
وقول لهم انا بقدم على بدل اعاقه وقولهم على اعاقتك ويعطونك الاوراق اللازمه ان شاءالله
وبشرنا ............

 

[دارين]

رد: ارجوا الرد انا طالبة هل يحق لي المطالبة ببدل الاعاقة

طيب ان خريجه من الجامعة
يحق لي اقدم والا بيطردوني هع

 

[الدحمي]

رد: ارجوا الرد انا طالبة هل يحق لي المطالبة ببدل الاعاقة

بالنسبة للخريجه تخرجتي والا اخر ترم ؟؟ اذا كنتي اخر ترم اكيد يحق لك لان فيه واحد اعرفه باخر ترم قدم وطلب عن السنين الي راحت ووصلته ، اما اذا كنتي متخرجه ماعندي علم
وللمعلوميه مكافاة بدل الاعاقه تمشي لو الواحد تعدى المده النظاميه او انخفض معدله اقل من ٢

 

[ام فوز]

رد: ارجوا الرد انا طالبة هل يحق لي المطالبة ببدل الاعاقة

للاسف نحن المعاقين نجهل العديد من حقوقنا انا دخلت الجامعة واتخرجت
وانا لا اخذ تاهيل ولا بدل اعاقه لكن نحمد الله على كل حال واللي بالجامعة
المفروض يسأل واذا ماعرف وين يروح يسأل الاخصائي الاجتماعي وهو
يفيده وتقبلوا مروري

 

[دارين]

رد: ارجوا الرد انا طالبة هل يحق لي المطالبة ببدل الاعاقة

مشكور يالدحمي

ايوة متخرجه لي سنه

يعطيكم العافيه جميعاً

 

[الدحمي]

رد: ارجوا الرد انا طالبة هل يحق لي المطالبة ببدل الاعاقة

ياهلا فيك ماسوينا شي

 

[بعثرة حرف]

رد: ارجوا الرد انا طالبة هل يحق لي المطالبة ببدل الاعاقة

الدحمي كيف تمشي لو انتهت المده المحدده حق المكافاه اكيدتوقف معها


ولاااااا:icon_question:

 

[الدحمي]

رد: ارجوا الرد انا طالبة هل يحق لي المطالبة ببدل الاعاقة

انا بسبب اعاقتي الي صارت بنصف دراستي تأخرت سنه اتعالج ورجعت للدراسه والحين متجاوز المده النظاميه بسنه المفروض اني متخرج وقفت عني المكافاه العاديه لكن بدل الاعاقه تمشي وهذا الترم الثاني بنفس الوضع
لأن بدل الاعاقه ماتتأثر بمعدل ولا مده نظاميه

 

[طالب جامعي]

رد: ارجوا الرد انا طالبة هل يحق لي المطالبة ببدل الاعاقة

طيب دحوم

انا الحين ثاني سنه
ومعدلي 3.75
والمكافاه تنزل لي
يعني ما راح اخذ شي
​

 

[الدحمي]

رد: ارجوا الرد انا طالبة هل يحق لي المطالبة ببدل الاعاقة

ليش ماتاخذ شي هذي مكافاه مالها دخل بالثانيه كل وحده لحالها والي فيه اعاقه يستحق المكافاتين كلهن

 

[نون]

رد: ارجوا الرد انا طالبة هل يحق لي المطالبة ببدل الاعاقة

حسبي الله ونعم اوكيل, المفروض هم يدورون المعاق ويعطونه حقوقة

حسب علمي ان المعاق يحق له يستلم مكافأة من الجامعة مثل الطالب العادي زايد بدل اعاقة ولاخوان الي عندهم كف بصر يستلمون جهاز كمبيوتر به لغة برايل.