رخصة قياده لذوي الاعاقه

[عبدالعزيز م]

السلام عليكم
تجربتي لاستخراج رخصة قياده لذوي الاحتياجات الخاصه في السعوديه
اول شي اقولكم اللي فيني "ضعف عضلات اطراف"
يعني اقدر امشي الحمدلله بس الدرج والارصفه ماقدر اتعداها الا بمساعده او دربزين "مسكات اليد عند الدرج"
انا اقدر اسوق الحمدلله وعندي سياره باسم الوالد الله يحفظه
رحت لدله اللي فالرياض عند شبكة الكباري جنوب غرب الرياض
المكان غير مجهز نهااااائياً والارصفه والدرج كبار مره تصعب حتى على المستصح وحطو ممر عربيات عند اول رصيف عشان يبرون ذمتهم ويقولون ان المكان مجهز
المهم رحت مع شخص ساعدني اول يوم وتعبت لين حجزت موعد المحاضره
رحت المحاضره وكانت الكراسي غير مجهزه وجزاه الله خير الموضف حطني ع كرسي ع جنب وعدت ع خير وطبعاً رجعت البيت مهلوووووك من كثرة وقفتي لان مافيه كراسي انتضار مرتفعه وماقدر اجلس ع النازله لاني ماراح اقدر اوقف لو جلست عليها
مالكم بالطويله بعد تعب مررير حددو اختباري صباح اليوم الساعه 6 الصباح
رحتلهم مع اخوي الصغير يساعدني ودخلنا مكان الاختبار وانا متلههف على ماخذ رخصتي
دخلت اختبار الاشارات واختبرت وبعد ماخلصته ونجحت الحمدلله بخطأ واحد رحت ماشي للموظف العسكري "ملتحي"
شافني اعرج خفيف قالي معك تقرير قلت لا
قالي روح الشباك رقم 8 وخذ ورقه للمستشفى "الشباك فالمبنى الثاني وصعب وصوله له" وجيب تقرير انك قادر ع القياده
قلت عندي سيارتي وقادر ع القياده ماحتاج الاقرير
كتب ع ورقتي لازم اجيب تقرير وقالي اطلع
والله من زود القهر اللي فيني قلت بنفسي الله ياخذك ويسكر الدنيا بوجهك وطلعت وانا ادعي
لان معروف بعد مايهلكووني تعب بالمستشفى بيقولي الدكتور قادر على القياده بشرط السياره مجهزه
تدرون كيف اجهز السياره؟
لازم معي رخصه
نظام غبي نظام حقير
ليش ماجهزو المكان والدخول ؟
ليش مايسهلون لذوي الاحتياجات ويحطون دكتور عندهم ؟
ياخي انا وغيري احوج ناس للشي هذا المفروض يكون فيه تسهيلات
رجعت من عندهم ورميت نفسي ع السرير وانا ادعي على هالعسكري الله لايوفقه وادعي على الي حط هالنظام
كتبت اللي صارلي من القهر مدري وين اروح
ابي سياره ابي اجهزها لي كلها تحتاج رخصه ومذله عند هالانظمه الفاشله

4 ايام تعب واخر شي يقولي جيب تقرير ولو بروح المستشفى بيعطوني موعد بعد شهرين عارفين الحكوميات الله ياخذهم


حسبي الله ونعم الوكيل




تمنيت ان استخراج الرخصه يكون بسهولة التسجيل بالموقع:icon_crying:

 

[هيلين]

رد: رخصة قياده لذوي الاعاقه

حسسسسسسسسسسبي الله ونعم الوكيل لكل من بيده السلطه

ربي يسهلك ويقويك يخوي قو عزمك رح للمستشفى
ربي يرعاك يساعدك وخلص اوراقك ...
لا تحزن إن مع العسر يسرا‎

 

[المتفائل]

رد: رخصة قياده لذوي الاعاقه

[align=center]وعليكم السلام

الله يعينك اخوي وحاس بمعاناتك
طبعا الدكتور راح يسالك وش تسوق سيارة عادية او مجهزة
وبعدها رح يشوف القوة عندك بالارجل واليدين
اذا كانت كافية راح يكتب لك بامكانه قيادة السيارة العادية

لكن يبي لك شهر تقريبا لين تستلم التقرير
المرور الموجود بمدرسة القيادة
راح يعطيك خطاب لمستشفى الشميسي
رح لمدير التقارير يكتب عليه ويوجهك للمواعيد
بالعيادات الخارجية عاد هناك راح يكون موعدك بعد 10 الى اسبوعين تقريبا
وايضا يبي لك من 10 الى اسبوعين لين يخلصوا لك كتابة التقرير وترجمته

ولوتشوف لك مدرسة قيادة بغير مدينة الرياض
راح يعطوك الرخصة بدون تقرير
الله يسهل وييسر امرك اخوي
[/align]

 

[عبدالعزيز م]

رد: رخصة قياده لذوي الاعاقه

حسسسسسسسسسسبي الله ونعم الوكيل لكل من بيده السلطه

ربي يسهلك ويقويك يخوي قو عزمك رح للمستشفى
ربي يرعاك يساعدك وخلص اوراقك ...
لا تحزن إن مع العسر يسرا‎

جزاك الله خير والله يسمع منك ويحقق امانيك

 

[عبدالعزيز م]

رد: رخصة قياده لذوي الاعاقه

[align=center]وعليكم السلام

الله يعينك اخوي وحاس بمعاناتك
طبعا الدكتور راح يسالك وش تسوق سيارة عادية او مجهزة
وبعدها رح يشوف القوة عندك بالارجل واليدين
اذا كانت كافية راح يكتب لك بامكانه قيادة السيارة العادية

لكن يبي لك شهر تقريبا لين تستلم التقرير
المرور الموجود بمدرسة القيادة
راح يعطيك خطاب لمستشفى الشميسي
رح لمدير التقارير يكتب عليه ويوجهك للمواعيد
بالعيادات الخارجية عاد هناك راح يكون موعدك بعد 10 الى اسبوعين تقريبا
وايضا يبي لك من 10 الى اسبوعين لين يخلصوا لك كتابة التقرير وترجمته

ولوتشوف لك مدرسة قيادة بغير مدينة الرياض
راح يعطوك الرخصة بدون تقرير
الله يسهل وييسر امرك اخوي
[/align]

جزاك الله خير والله افدتني كثير الله يعطيك الف عافيه
كنت بسوي زي ماطلبو بس اللحين بدورلي احد برا

 

[بسام الدوخي]

رد: رخصة قياده لذوي الاعاقه

الله يكون بعونك يارب

 

[صالح العوامي]

رد: رخصة قياده لذوي الاعاقه

السلام عليكم انا لدي سؤال بالنسبه لذوي الاحتياجات الخاصه وانا منهم اذا ًبطلع رخصه لازم اختبر اختبار القيادة والاختبار النظري لو جبت لهم التقرير يكفي ويعطوني الرخصه لو لازم اجيب التقرير وهم اختبر عشان اخذ الرخصه؟

 

[المتفائل]

رد: رخصة قياده لذوي الاعاقه

وعليكم السلام

التقرير هو موافقة من الدكتور بانك
قادر على قيادة السيارة سواء عادية او خاصة بذوي الاعاقة
بالنسبة للاختبار النظري راح يساعدوك فيه لاتشيل همه
اختبار القيادة اذا تملك سيارة خاصة
راح يركب معك شخص ويشوف كيف القيادة عندك
لكن التقرير لوحده مايكفي لازم يختبروك​

 

[بسام الدوخي]

رد: رخصة قياده لذوي الاعاقه

التقرير لوحده مايكفي لازم يختبروك مثلا أنا اخذت الرخص بعد شهر تقريبا لاني أول مره اطلع رخصة قيادة في حياتي

 

[الغامدي]

رد: رخصة قياده لذوي الاعاقه

الله المستعان

 

[ابواسية]

رد: رخصة قياده لذوي الاعاقه

جزاك الله خير

 

[صالح العوامي]

رد: رخصة قياده لذوي الاعاقه

انا صراحة اختبرت بدون تقرير ونجحت في ي النظري فقط ولم احصل على رخصة وانتظر ااسوي عملية زراعة قرنية وراتح اخختبر مره اختبر عفوا ووحتى التتدريب على الحصول على رخصة الدورة ب500ثانيةريال وعندي سوال ويش مميزات السيارة الخاصه؟

 

[بسام الدوخي]

رد: رخصة قياده لذوي الاعاقه

بدون مميزات فقط أختار السيارة المناسبة كبيرة أم صغيرة وركب فيها جهاز القيادة وبالتوفيق باذن الله تعالى
مع الأسف الجهاز الأمريكي يكلف من الخارج ما بين 250 الي 450 دولار يعادل ما بين 900 الي 1500 ريال
لكن هنا يكلف الجهاز الأمريكي 3700 ريال مع التركيب عند مؤسسة خالد الحمدان فرق كبير جدااااااااااااا

​

 

[صالح العوامي]

رد: رخصة قياده لذوي الاعاقه

عفوا ما فهمت اي ما فائدة الجهاز اركبه واركب ويش. يعمل بالضبط وشكرا

 

[المتفائل]

رد: رخصة قياده لذوي الاعاقه

عفوا ما فهمت ما فائدة الجهاز اركبه واركب ويش. يعمل بالضبط وشكرا

الجهاز يستخدمه من يعاني من اعاقة حركية
عمله وفائدته تحويل دواسة البنزين والبريك من تحكم الارجل
لتكون عن طريق تحكم اليد
​

 

[صالح العوامي]

رد: رخصة قياده لذوي الاعاقه

بالنسبه لي لا ارى الا بعين واحده وهي اليمتى فلا اتوقع انهو بمكاني القياده الا اذا تحسنت عيني اليسرى ولكن لذي سوال السيارات الخاصه هل يتم شراها ام من الدوله؟

 

[صالح العوامي]

رد: رخصة قياده لذوي الاعاقه

السلام عليكم لدي شوال هل يمكنني استخراج رخصة قيادة وحالتي كالتالي عمري29سنه ولا ارى الا بعين وحده وهي اليمنى ولا استطيع مد رجلي اليمنى بشكل كامل لانه في مشكله منذ الصغر فهل يمكنني استخراج رخصه قياداة ولو بسيارة تناسب حالتي واذا احد يعرف سياراة خاصة تناسب وضعي ارجو كتابت مواصفاتها وان تكون بحجم صغير وشكرا للموضوع المفيد ولكنني لا اعرف مواصفات السيارات الخاصه واريد ان استفيد منكم

 

[الصياد]

رد: رخصة قياده لذوي الاعاقه

الله يكون في عونك

 

[صالح العوامي]

رد: رخصة قياده لذوي الاعاقه

شكرا اخي

 

[الناصح الصادق]

رد: رخصة قياده لذوي الاعاقه

بارك الله فيك وفي الجميع ............ كلامك أخي (عبدالعزيز) في محله ومنطقي بل ومهم ، وهذا ما نود قوله بوضوح ، وهو عمل إجراءات صارمة واضحة مفيدة دسمة وتحسينات وترتيبات تخص وتلامس احتياجات ذوي اللاحتياجات الخاصة بصورة مباشرة كما هو معمول به في الغرب .... ولا نطلب إجراءات أو تسهيلات تافهة لا تسمن ولا تغني من جوع ..... الله المستعان.