رساله جوال بلخطاء000صارت عليك

[سعوديه كوول]

سسسسسلـآموو ,, الموضوع بآين من عنوآنهـ

(1)

بنات كانوا في الجامعه شله وكانت وحده منهم عازمتهم وجت وحده من البنات كتبت
لصاحبة العزيمه :
(اذا انتي عازمه مريم انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي)
وارسلت الرساله لمريم


(2)

هذي وحده تقول :
مره كنت برسل مسج حق رفيقتي بقول لها تحسب لي طارئ بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال :
( عن الخبال قومي لبسي وداومي )
طبعا انا انصدمت وسكرت الخط على طول من الخوف داومت


(3)

وحده كانوا اهلها عازمينها وزوجها طالع استراحة مع اخوياه وما حضرالعزيمه
هي بترقع له عند ابوها قالت انه معزوم على العشاء عند عمه وكتبت رسالة لزوجها
(ترى اهلي سألوا عنك دبرت لك عذر قلت لهم ان عمك عنده عزيمه )...
والمصيبه ارسلت الرساله لابوها ...


(4)

وهذي تقول :
مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح ؟
واقوم اكتب رساله لخواتي اقول لهم :
(( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))
المشكلة راحت الرسالة لصديقتي هذي اللي عندنا


(5)

وحده ثانية تقول :
أرسلت لجارتي وقلت لها تجيني بعد المغرب نتقهوى ؟
وأنا متعوده أرسل لها وخلاص تجي يعني مهوب لازم ترد علي ..
وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..
إلا وهو جااي وجالس : يالله وين القهوه ؟
أنا : أي قهوه ؟
هو : تستهبلين يا أم المفاجات الحلوه ؟
وبعدين استوعبت اني أرسلتها له بالغلط وسكت وما قلت شي وخليته يشرب قهوة صديقتي


(6)

قبل رمضان بيوم جتني رسالة من صديقتي مضمون الرساله كالأتي :
( رمضان بكره والشياطين تنحبس في رمضان ... والله راح نشتاق لك )
عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشله



(7)

كنت عند اهلي وقالوا لي خلي زوجك يجي يتغدى عندنا ..
رحت ارسلت له رسالة ( اهلي عازمينك على الغدا ) وراحت الرسالة..
وبعد شويه يرسل اخو زوجي رسالة مضمونها :
( بأي مناسبة ؟)
فشيلة ...:


(8)

مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..
تتتتخيلوا ...... الرساله لمين راحت ؟
راحت لزوجي وزعل وارسل تهديد
وانا انطميت وسكت والله موقف لن انساه


(9)

مره اختي مسافره برا وهي مديرة مدرسه .....
المهم جا وقت عودة المدرسات وهي كانت معطيتنا جوالها .......
فارسلت على جوالها رساله تقول لاختي الثانيه :
يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار)
قامت اختي من السنع ارسلت نفس الرساله بنفس الصيغه لجميع المدرساااات شجع شجع
وتعالوا شوفو الضحك والفشيله


(10)

انا مره اتصلت على وحده من صديقاتي وماردت..
بعد شوي جاني منها مسج كاتبه :
((يا نوره ترا ساره (إللي هي أنا) ازعجتني بالاتصالات ومارديت عليها))
والمشكله اني مادقيت الا مره وحده ..

عاد تحسبوني سكت ارسلت لها مسج قلت:
(( ربي باغي يفضحك .. رسالتك وصلتني بدل ماتروح لنوير ))


(11)

جتني رساله من رقم ما أعرفه بس تقول :
((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))
على طول رديت قلت :
((تراااااااك غلطانه وعلموا الحرمه انكم تبي تزورونها ترى الرساله هذي ماوصلتها))
هههههههههههه


(12)

انا مره واحد ارسل لي رسالة بالغلط :
(فلان انت صاحي ولا نايم ؟)
ارسلت له : تراك غلطان يا أخ ..
رد :
( بلا استهبال جب معك فطور)


لوووووووووووول




(13)

هذي قويه شوي .. تقول :
مره في العيد اخوي ما جاء هو وأهله لنا كان عنده شغل ماقد
رالمهم اختكم في الله فيني رومانسيه زايده اقعد اكتب رساله كلها شوق وحب لأخوي .. وان العيد ماله طعم بدونك واشتقنا لك
والمشكله ماكتبت اسمه لا .. كاتبه ابو عبدالعزيز ليتني كتبت اسمه ..
واجي ارسل الرساله ورقم اخوي مميز يعني مايبيله حفظ واكتب الرقم وارسل ..
يوم رحت للرسائل المرسله والقى رقم ماطلع اسم اخوي ..
يافشيلتاااااااه قلت الحين بيتصل علي ويغثني يارب مايكون واحد لعاب
بس شوي وجاني اتصال من نفس الرقم <<< جاك الموت ياتارك الصلاة ارد ماارد ارد ماارد ..
ردي يابنت الناس واعتذري وخليك جاده ورسميه وقولي والله غلطانه ..
يوم رديت طلعت حرمه ..
السلام عليكم .. عليكم السلام .. أنتِ مرسله رساله لي ؟؟
قلت لها غلطانه و اشوا انك حرمه والله اني كنت خايفه انك رجال الحمدلله طلعتي حرمه,,
تتوقعون وش قالت ؟
قالت : انا كنت اتمنى انك تطلعين رجال بس للأسف طلعتي حرمه!!
قلت لها ليش؟
قالت انا رقمي رديف لرقم زوجي .. وزوجي اسمه ابو عبدالعزيز قلت يمكنك واحد من اصحابه مرسل له رساله وغلطان ,,
لكن طلعتي حرمه لالنتكتنم
والله لا يوريكم والله سوت لي تحقيق ولا المخابرات
انتِ مين ؟ انتِ تعرفينا وتسوين فيني مقلب صح؟؟
قلت لها والله مااعرفك..غلطانه والله غلطانه
قالت قولي الصراحه تعرفين زوجي ؟؟
والله اني قعدت احلف واقسم ساعتين ماصدقتني اووووف اعوذ بالله شكلها مرررررره شكاكه
حلفت لها مليون يمين اني مااعرف زوجها,,
في الاخير عطيتها رقم اخوي قلت لها شوفي هذا رقم اخوي ابو عبدالعزيز اللي كنت ابرسل له نفس رقمك يا اختي لكن الاختلاف اخر رقمين بس انا عكستهم صدقيني,, اتصلي عليه واسأليه
ياالله بعد طلوع الروح اقتنعت وسكرت ,,
لا .. ويوم اقتنعت تقعد تسولف معاي عاد ,, تقول ارسلي رسايل حلوه ان كان عندك
,,<< في المشمش هذا اللي ناقص بعد ,,



(14)

امي ياحليل امي وخف دمها ..
كنا عند اخوي وكان شديد علينا
في الخروج لازم نستأذن منه ..
المهم انه مو كل المساييير يوافق عليها
وكنا معزومين عند ناس ما يبينا نروح لهم ..
عاد امي قامت تبي تدق على اخوي الثاني وتقوله بنقول لخوك () اننا عندك ونروح للي عازمينا
قامت ودقت على اخوي الشديد تظن انه الثاني وقالت له :
اسمع حنا بنروح لفلانه عازمتنا ، اذا سألك اخوك قل اننا عندك ..ما درت انه هو الشديد ..
ضحك وقال ان شاء الله يمه سمّي
دقت عليه مرة ثانية قالت :
شف حنا بنروح لخوك فلان حتى دق عليه واسأله ..
ضحك .. وقال إلعبي غيرها يمه انا اللي كلمتيه تو ..

قامت تضحك وقالت : اصلا امزح ماني رايحة لاحد <<<< ترقع

 

[زهرة الياسمين]

رد: رساله جوال بلخطاء000صارت عليك

ههههههههههههههههههههههههههههه
حلووووووووووووووووووووووووه

 

[نهى]

رد: رساله جوال بلخطاء000صارت عليك

ههههههههه
مواقف بعضها مضحكه
وبعضها محرجه جداً
الله لايحطنا بـ هيك" مواقف
عوافي خيتو

 

[رجآوي]

رد: رساله جوال بلخطاء000صارت عليك

[align=center]
هههههههههههههههههههههههههههههههههههههههه
[/align]

 

[سعوديه كوول]

رد: رساله جوال بلخطاء000صارت عليك

اشكركم يا نواعم وترقبو المزيد

 

[الحنان كله]

رد: رساله جوال بلخطاء000صارت عليك

هههههههههههههههههههههههههههههههههههههههههه

 

[بنت مكة]

رد: رساله جوال بلخطاء000صارت عليك

ههههههههه روووووووعه

 

[وردة الصبر]

رد: رساله جوال بلخطاء000صارت عليك

هههههههههههه رووووووووووعه ياما صارت معاي

 

[بسمة الحياة]

رد: رساله جوال بلخطاء000صارت عليك

وربي تضححححححححك مرة

ربي يسعدكي

نصفها فشلة يارب لا يحطنا مكانهم خخخ

 

[سعوديه كوول]

رد: رساله جوال بلخطاء000صارت عليك

هههههههههههههههههههههههههههههههههههههههههه

هلا حنون هههههه
اشكر مرورك ويارب تكون الضحكه دوم

 

[سعوديه كوول]

رد: رساله جوال بلخطاء000صارت عليك

ههههههههه روووووووعه

ضحكه دايمه يارب

 

[سعوديه كوول]

رد: رساله جوال بلخطاء000صارت عليك

هههههههههههه رووووووووووعه ياما صارت معاي

هههههههه محرجه والله

 

[سعوديه كوول]

رد: رساله جوال بلخطاء000صارت عليك

وربي تضححححححححك مرة

ربي يسعدكي

نصفها فشلة يارب لا يحطنا مكانهم خخخ

اي والله هههههههه