ساعدونى جزاكم الله خير

[الشعله]

السلام كليكم اخوانى واخواتى الله يجزاكم خير والله ضروفى صعبه اذا احد يعرف فاعل خير او فاعلة خير يقولى ويدلنى عليهم وله الاجر والثواب انا اسكن مع اختى وعيالها ومحرومه من عيالى علشان ماعندى بيت وعيال اختى كبروا وكل واحد يذب كلمه وين اروح والحال الله اعلم فيه على الله وعلى الضمان 863ريال وش تسوى علما احط معاهم فى البيت ابى لمت عيالى قدمت على منح الاراضى ولاشى خذوا الاوراق ولاشفنا شى الى الان يمكن علشان انا حرمه محد عبرنى كل ما اراجعهم يقولون توك لى سنه وارجوامن الاخوان وعبر منتدانا ان تساعدونى وجزاكم الله خير ولكم الاجر والثواب عند الله والله عندى ما يثبت كل شىانا خائفه وين اروح :confused1::confused1::confused1::confused1::confused1::confused1::confused1:

 

[امل الشمري]

رد: ساعدونى جزاكم الله خير

عليكم السلام اختي ..والله يفرجها عليك وعليك بالدعاء لاتطلبين الناس وعندك رب الناس ...


اسأل الله العلي العظيم ان يفرج همك وييسر امرك ويكتب لك الخير يارب العالمين ..

ان شاء الله الاخوان والاخوات يفيدونك ...

دمتي بخير ،،،*

 

[طله]

رد: ساعدونى جزاكم الله خير

الله ييسر لك الامور اخيتي

 

[بيادر]

رد: ساعدونى جزاكم الله خير

اسأل الله العلي العظيم ان يفرج همك وييسر امرك ويكتب لك الخير يارب العالمين

اختي حبيت افيدك وقولك هاالمعلومه انا عندي بنت خالي حالتها

مثل حالتك كبيره ومطلقه وعندها عيال بس عند ابوهم وكبار في السن اصغر وحده

عمرها 18 سنه وقدمت على الجمعيه في الرياض وقالو لها تدور شقه وراح يدفعون اجارها بالنص

يعني يدفعون 6 شهور وهي تدفع 6 شهور

والحمدلله صار لها الحين 3 سنوات في شقتها ومعززه ومكرمه وماجلست عند احد ومسجله في الضمان

واي شي تحتاجه للبيت تاخذه من الجمعيه

عطوها مكيفات ومطبخ واتوقع غساله وغير كذا يعطونها اغراض الاكل مثل الرز والزيت والشاهي

بس يبيلك تتعبين شوي وتراجعينهم كثير لحد ماتاخذين اللي تبينه

يعني انصحك لاتجلسين وتنتظرين احد يجي ويساعدك لا تحركي وروحي

لانه ماعاد فيه احد ينفع احد الحين

وربي يوفقك ويرزقك ان شاءالله

 

[روح وريحان]

رد: ساعدونى جزاكم الله خير

ربي يفرِجها عليِك ويفتَح لك أبْواب كل خِير​

 

[إشراقة]

رد: ساعدونى جزاكم الله خير

اسأل الله ان يرزقك

ويغنيك بحلاله عن حرامه

وبفضله عمن سواه

اختي الله يحفظك

ربي جواد كريم الجأي له بالسحر

واطلبي الي مايخيب طلابه واكثري من الاستغفار

وابذلي الاسباب الي تقدرين عليها

في طلب الرزق

وابشري يالغالية بالفرج

وربي اني اتكلم من واقع تجربه

ربي يغدق عليك من بركاته

ربي يوفقك وييسر امرك .

​

 

[سامي]

رد: ساعدونى جزاكم الله خير

الله يوفقنا وايالكم لكل خير

 

[على البريد]

رد: ساعدونى جزاكم الله خير

الإلتزام بتعاليم الشريعة الاسلامية ومنهج اهل السنة والجماعة في جميع مواضيع المنتدي.

 

[لطووووف]

رد: ساعدونى جزاكم الله خير

الله يعينك يارب

 

[ابو فيصل عبدالله]

رد: ساعدونى جزاكم الله خير

السلام عليكم
اختي الغاليه الرجاء ارسال وسيله اتصال للزوج او من ينوب للتواصل
بانتظارك


لايوجد ماهو خطاء ع الدوام حتى الساعه العطلانه صح مرتين باليوم

 

[مصطفى ابو يونس]

رد: ساعدونى جزاكم الله خير

السلام عليكم و رحمة الله
اخوكم من المغرب
نسال الله ان يفرج همك و يقضي حاجتك