ساعدوني جزاكم الله ىالجنه

[روابي نجد]

انا طفلي في 10 رمضان يكمل 10 سنوات
عنده مرض بالدم وراثي (حموضه)
وضيق بالصمام الرئيسي للقلب وتضخم بسيط
بالقلب وربو شديد وتشوهات بالاسنان وبعظام القفص الصدري
وعنده تكلسم بالعظام
وعنده تاخر عقلي
يعني متاخر 4 سنوات عن عمره الفعلي
طبعا تشخيص دكتوره نفسيه متخصصه بالتقييم
درسته بمراكز تدخل مبكر وعودته ولله الحمد والمنه على الحمام
بس لو مرض واكرمكم الله يعني جاه اسهال او تبول على حاله مايعرف يتصرف يعني المشكله هذي مضيقه صدري جدا
المفروض انه يدرس اولى دمج
قالوا لنا لازم يروح للوزاره وهي تقابله وتقيمه وتحوله على اي مدرسه
بس والله خايفه عليه يدخل دمج حكومي والله بيضحكون عليه الطلاب لأنه مختلف عنهم طبعا اكيد بيلاحظون
دائما يضحكون على اسنانه واسلوب كلامه
مافيه مدارس دمج خاصه او مدارس مايكون فيها مع شديدين اعاقه لأن ولدي صايربالوسط مع ميل للتخلف الشديد اكثر
وهذا رأي دكتور نفسي


يعني الى الآن فيد مدرسه حكوميه بحي بصراحه يخوف ومدرسه مليانه وانا خايفه على وليدي
او شموع الامل بالدمام وياعالم كم بيطلبون واحنا والله مانقدر على مبالغهم اللي تقص الظهر
اليوم سأل زوجي في كل مكان وكلهم قالوا له مافيه الا هالمدرستين كل الثنتين امر من بعضهم

ولدي مايعرف يدافع عن نفسه ومن النوع اللي اذا خاف ماتكلم ابد