ساعدوني لو سمحتوا

[المحارب]

انا عندي اعانة وودي اضيف اعانة جديدة وهي الربو انا معي ربو حاد وجيت للمستشفى الحكومي رفضوا يعطوني تقرير مع ان الدكتور كشف علي ويوم جيت عند المدير الطبي قالي لازم تجيب خطاب اول ونسوي لك كشف شلون كذا مافهمت انا قلت لة اني ابي اعانة من التاهيل والربو ذبحني مالقيت حل صراحة فهموني هل التاهيل يعطي خطاب للمستشفى يطلب منهم تقرير عن حالتي ولالا انا في الرياض

 

[خالد الجوف]

رد: ساعدوني لو سمحتوا

لازم خطاب من التاهيل الشامل
الى المستشفي
طلب تزويدهم بتقرير طبي شامل
عن الربو وغيرة​

 

[نجمة مسافر]

رد: ساعدوني لو سمحتوا

الله يشفيك ويعافيك
ما تحتاج تاخذ خطاب وتتعب نفسك وتجيب تقرير لأنهم ما راح يزيدون إعانتك
الربو أساساً ماله إعانه
ما تزاد الإعانه إلا في ثلاث حالات
1- تزداد الحاله سوء
2- تكون فيه إعاقه جديده تستحق إعانه
3- وضعك من البدايه على فئه أقل من الفئه الي المفروض تكون عليها فتعدلها للفئه الصحيحه
وكل هذي الثلاثه تحتاج تقرير جديد
الربو ممكن السيطره عليه والتعايش معه بشكل طبيعي
1- بالانتظام في زيارة الطبيب
2- واستعمال العلاج بانتظام وبالطريقه الصحيحه الي يذكرها الطبيب وما تقطع العلاج من نفسك
3- والابتعاد عن الأشياء الي تهيج الربو مثل الحيوانات الأليفه ، الغبار ، والعطور ، والبخور ، وصابون غىسيل الملابس ، والانتقال المفاجئ من البرد للحر والعكس
والمثل يقول إسأل مجرّب وأنا مجرّبه