ساعدوني تكفون

[ريممان]

السلام عليكم ورحمه الله وبركاته

لقيت اسمي مسجل بموقع وزاره العمل وأنا ماادري
الحالة على راس العمل

وشلون اعرف هي أي منشأه
وليش يأخذون اسمي وأنا ماادري
تكفون أسعف وني بحل

 

[هيلين]

رد: ساعدوني تكفون

ما عندي أي خلفيه . بالتوفيق

 

[سمو النفس]

رد: ساعدوني تكفون

روحي لمكتب العمل قسم الشكاوي واشكي عليهم

واذا تبين تعرفين متى وظفك ووش اسم الشركة اخذي برنت من التامينات الاجتماعيه يطلع لك كل شي

ولوشكيتهم تطالبينهم بتعويض ويوقفون حاسبهم ويغرمونهم لاتسكتين اشكي ولخذي حقك منهم

 

[معاند الضيم]

رد: ساعدوني تكفون

وعليكم السلام


تقدري تعرفي التفاصيل عن طريق موقع التأمينات الاجتماعية بالنت
اذا عندك رقم الاشتراك تقدري تسجلي

اذا ما عندك رقم الاشتراك حقك ممكن تدقي على الهاتف المجاني حقهم بكره على وقت الدوام
ويعطونك رقم الاشتراك

....
بعد كذا ممكن تتفاوضي مع الشركة مباشرة
او تتقدمي بشكوى لدى مكتب العمل انهم استخدموا اسمك بالسعودة الوهمية دون موافقة منك او توقيع عقد بينك وبينهم

بالتوفيق يارب

 

[ضوء القمر]

رد: ساعدوني تكفون

أول شي حاولي تتذكرين اذا ماعطيتي أحد أسمك من أخوانك أو أحد يقرب لك ونسيتي

وثاني شي أستفسرني من الضمان وأخذي برنت أو قولي للموظفه أبي عنوان الشركة والتلفون وحاولي تتصلين عليهم

اذا مسجلينك من سنة وعلى سبيل المثال ب2000 ريال كل شهر قولي لهم يعطونك 24,000 الف ريال وبيعطونك غصب طيب واذا ماعظوك قولي لهم بيني وبينكم مكتب العمل والتأمينات وراح يرغمونهم بالدفع

انا صديق أعرفه نفس الشي صار معاه مسجلينه سنتين وبراتب 2000 ريال وعطوه عن المده المسجل فيها 48,000ألف ريال


يعني إن شاء الله هذي خيره لك وأحسن من حافز ويرزق من يشاء بغير حساب

 

[خالد الجوف]

رد: ساعدوني تكفون

http://mol.gov.sa/Services/Inquiry/SaudiEmpInquiry.aspx
ما عليك الا الاتصال على نزاهة او هئية الفساد الاداري
او لحافز من منزلك
ونصيحة
توكيل محامي محنك وداهية يطالب لك بالتعويض بمبلغ لا يقل عن ستة مليون ريال مع الاتعاب

والمطالبة بالاعتذار رسمي بجريدة سبق الكترونية


والاهم ان لا تكون مسجل برضى والديك
او يكون الوالد له مصالحة وتجارة بمكتب العمل وسجلك للاستفادة من نظام نطاقات
والله اعلم

 

[جروؤح]

رد: ساعدوني تكفون

كما ذكر اخوي سموو تقدري تشتكي وتاخذي حقك