سالفة نورة

[بسـ(معاقه)حلوه]

[align=center](سالفة نورة)للشاعر محمد عويضه هذا الشاعر قدر بسلوبه العذب
ان يحكي معاناتي ومعانات كل وحده معاقه ,يلامس مشاعرنا واحاسيسنا
كتب ماهو بين ضلوعنا ولا نستطيع البوح به ولن يفهمنا الامن عاش معاناتنا .
هذه القصيده حكت عني الكثير حتى الاسم نفس الاسم , الا ان الفرق
بيني وبين نورة الي بالقصيده انها على كرسي وانا ولله الحمد على
عكااااااااااااز

المرايا ..
صدق يطعن ..

في نوايانا الدفينة

طعن صادق ..

يفضح الزيف وسنينة

المرايا والله العالم .. هي أصدق شي ..

في عالم كذوب

في زمن مظلم وظالم .. ماتلاقي ضي ..

ينبض بقلب الدروب

المرايا ..

عشق ساكن داخل قلوب الكثير من الصبايا

إلا نورة ..

بنت غاية في الجمال ..

حسنها ياخذك من يمناك ..

لحدود الخيال

يوم نادت أمّها وبصوت عالي :

( يمّة .. يمّة بسرعة تعالي ) ..

لمّا جتها أمّها ..

قالت : علامك ؟

نورة قالت :

يمّة أرجوك بقيامك ..

إبعدي هذي المراية..

ابعديها ..

وإلا أقلّك ..

يمّة تكفين اكسريها ..

ما أبيها .. ما أبيها ..

ولو سألتوا ..

ليه هي قالت كذا .. وإيش العلاقة ؟

قلت شوفوا ..

ماقدر أخبّي لذا .. نورة (معاقة) !

*******

شلل نصفي ..

سرق منها طفولتها ..

سرق حتى ابتسامتها ..

تشرّب جسمها الطاهر على غفلة

ولا قدّر برائتها وهي طفلة

حواليها كثير أطفال ..

بنات العم .. والجيران ..

عيال الخال ..

تراقبهم .. تتابعهم

تشوف (أحمد) وهو يسحب شعر (سلمى)

و(علي) يلحق (مها) وبيده مسدس ما

و(خالد) قاعد يحاور (حسام) ..

بعلبة البيبسي

ويكسر ظهر هالمشهد ..

حزن (نورة) وهي تبكي على الكرسي

تحاول قد ماتقدر ..

لجل تخفي مدامعها

وثار الدمع واتحدر ..

وبدت رعشة باصابعها

تزم إيدينها لكن ..

يديها ماتطاوعها

****

وتكبر نورة ويكبر ..

معاها الهم

ويجري حزنها الأقشر ..

بمجرى الدم

وياصل عمرها العشرين ..

وفي هالعشرين ..

تغيّر كل شي فيها ..

ملامحها .. - مع إن الحزن ماسحها -

أمانيها .. - ولو ماعاد تعنيها –

سوالفها .. – بعد مالهم والفها -

في هالعشرين ..

على نفس الألم تصبح ..

وعلى نفس القهر تمسي ..

على الكرسي .. !!

في هالعشرين ..

أبد ماتابعت موضة ..

ولاتعرف (جيفينشي) .. أو (كريستيان ديور)

أو (فيرساتشي) وعروضة

ولا مكياج وإكسسوار ..

وحتى عطور ..

تضج .. تثور

إذا قالوا لها ..

(نورة .. شرينا لك عطر ..

شوفي بعد فستان ..

يانورة إلبسيه ألحين ..

ترا بيطلع عليك جنان ..

بسرعة بس لاتبطين)

تجاوبهم :

(بسرعة ! ..

بسرعة ليه ؟

وإلا لمين ؟

وهو من كثرة العرسان ! )

تقاطعها أمها :

(نورة ..

وش تقولين !! )

ترد نورة :

(( يبه .. يمّه ..

كفاية وإسمعوني زين ..

أنا عمري ترا عشرين

ترا ما عادني طفلة ..

ياناس المسألة سهلة ..

مثل ما (1) و(1) يساوي (2)

معاقة .. خير ! ماتفرق ..

- وفي هاللحظة ..

بدت لحية أبونورة ..

تلم الدمع من عينه ..

وبدت تغرق !-

يبه .. يمّه

أنا مليت من روحي ..

نعم مليت

تعبت أداري جروحي ..

وياما أخطيت

خطاي إني تصنّعت السعادة ..

لجل خاطركم

لجل ماتـنجرح فيكم ..

مدامعكم

يبه تدري ؟ ..

كنت أتمنى من صغري ..

وهذي أمنية عمري ..

وإلا ألحين هي منوه

تمنيت أحضنك بالليل ..

إلا من جيت من شغلك

أبوسك فوق راسك حيل ..

وأفك الجزمة عن رجلك

أروح أجيبلك قهوه ..

وأجيك أجري

وحتى إنتي يا أمّي ..

لو تدرين كم عانيت ..

كم أتمنيت ..

أخفف عنك شغل البيت

مثل ما ( نجوى) ..

تساعد مرت عمّي

يبه .. يمّه

تراني ضقت

وربي ضقت من نفسي

ياربي شقد طفشانة ..

وتبغوني بعد ألبس !!

ألبس من علشانة ؟

أبد لاتصدقون إني ..

أبتزوّج وأجيب عيال

والله عال !!!

من إللي في الزمن هذا ..

بيرضى أكون له زوجة ؟؟

ويتزوّج معي كرسي !!

يبه إنسى ..

وحتى إنتي دخيل الله يايمّه ..

بعد إنسي ))

وهذي سالفة نورة ..

ياهي بنت مقهورة ..

مضى من عمرها عشرين ..

وهي باقي على هالحال

حكايتها إنتهت ألحين ..

وخلّت داخلي ثورة ..

وأنا ما بيهدالي بال ..

إلين أعرف ..

من إللي بوقـتـنا رجّال ..

ويتزوّج مثل نورة ؟؟[/align]

 

[الصابرة]

رد: سالفة نورة

بصراحة ترددت قبل ما أكتب الرد (ياحلوة )القصيدة جميلة وحزينة ..ولكن تحمل يأس كبير!! وسؤالي عزيزتي لاتجعلين الزواج هدفا لكل معاقة ...لماذا تتجمل الفتاة من أجل العريس تتجمل الفتاة من أجل نفسها اولآ واخيرا ولتنظر كل معاقة بأن هناك الكثير من الفتيات لم يتزوجن ولم تكون نهاية العالم بالنسبة لهم ..وصدقيني الرضا بالمقسوم سعادة (عزيزتي اسفة اذا اطلت عليك ولكنك قلت بأن فتاة القصيدة تشبهك )والله ينولك اللي في بالك

 

[جذااااابه وحبي عذاااااااب]

رد: سالفة نورة

فديتك خيتووووووو ع النقل
رغم انه يحمل طابع الياس قبل ان يحمل بين جنباته طابع الحزن
غاليتي هذا ابتلاء من الله واتمنى ان لاتوهني امام مصاعب الحياه
وع قوله المثل ماضاقت الا فرجت

 

[بسـ(معاقه)حلوه]

رد: سالفة نورة

[align=center]
الصابره

لايردك الا قلمك وكتبي كل اللي بنفسك

حبيبتي القصيده للشاعر محمد عويضه هو من ذوي الاحتياجات الخاصه

والقصيده حكت اللي بنفسي ونفس كل معاقه حتى لو ماتكلمت هذا الشي مكتوم بقلبها

والزواج هدف كل فتاه سوى كانت معاقه او سليمه . ونص الدين

والبنت من يصير عمرها 18 تفكر بالزواج كيف بالمعاقه

هي محتاجه لوجود رجل بجنبها محتاجه لعاطفه حنان انسان يحس فيها

ومافي رجل أقرب للفتاه من الزوج.. يكون أقرب من أبوها وأخوها

حبيبتي .. أنا عايشه حياتي على احسن حال بس بداخلي شي ثاني

نكذب على أنفسنا الزواج حلم الجميع ...

والله يابخته الي .................... ههههههه ههه هههاي

أمه دعياله
[/align]

 

[بسـ(معاقه)حلوه]

رد: سالفة نورة

[align=center]
حبيت انصحك ترى كلنا فاهمين مشاعر بعض

صدى الاسلام

شكرا حبيبتي على النصيحه .. بس أنت أول ماقريتي القصيده

مو حسيتي أنه يتكلم عن شي أنت عايشته . اكيد بتقولي نعم ... خلاص الضاهر فهمتي

وانا أقول الحمدالله أنا أحسن من غيري بكثير والله الحمد

[/align]

 

[بسـ(معاقه)حلوه]

رد: سالفة نورة

[align=center]
جذابه شكرا لمروووورك

الياس يعيش داخلنا حتى لو حاولنا أن لا نضهره بس

نمر بالحظات يترجم هذا الياس الى بدخلنا ويضهر بكلامنا تصرفتنا
[/align]

 

[زهرة الياسمين]

رد: سالفة نورة

قصيده ررررررررائعه حركت مشاعرنا

 

[الحنان كله]

رد: سالفة نورة

قصيدة حلووووووه بس كلها حزن ويأس .احنا نبي امل وتفائل .مشكوره قلبوووووووو

 

[بسـ(معاقه)حلوه]

رد: سالفة نورة

الحنان كله

شكرا لمرورك الحزن ساكن بين حنايانا حتى ولو ماضهرناه

 

[جذااااابه وحبي عذاااااااب]

رد: سالفة نورة

فديتك خيتو
لكن احببت ان اوضح لكي نقطه
لاوجود للياس الا اذ نحن اوجدناه
ابدلي حزنك بفرح
تفائلو بالخير تجيديه
وان شاء الله ربي يحقق جميع املكم
ويبدلكم خير
وكم من معااااااااق عاش بسعاده تفوق سعاده الشخص الذي يمشي
وهذا ابتلاء وانا متاكده بانكي قادره ع مواجهته

 

[بسـ(معاقه)حلوه]

رد: سالفة نورة

[align=center]
جذابه شكرا لك خيتو

والحمدالله على كل حاااااااااااااال

شكرا للنصايح
[/align]