صباح الهيل

[عبدالله الشمري]

(شيخ شمل الطيب) ​

قصيدة أحببت أن أشارككم بها ورغم خصوصية القصيدة بمعناها و ألفاظها
والتي قد تتعسر على بعض القراء ....ولكن هي أبيات كتبتها في وقت
وليس كالرثاء ولا المدح ....ولم أعرف ماهي حتى الآن سوى أنها​

تحية لروح جدي / صالح بن سعد الحسن الشلاقي "رحمه الله تعالى"
حيث أبت هذه الأبيات إلا أن تخرج بعد وفاته بتسعة سنوات ....​

* وهي للعلم القصيدة المشاركة التي أخوض بها غمار مسابقة سيف حائل للشعر والشعراء ...​

صباح الهيل مدري يا صباح الشيـح و القيصـوم
و صباح العود و انفاس النـدى للشعـر مدفوعـه​

جمعته وسط باقة و العبـق فـي وسطهـا مزحـوم
وتنشقهـا لـيـا حــدود الثمـالـة و أدركــه جـوعـه​

و منهـا مالنـا مقصـد سـوى فـالـه عـسـاه يـعـوم
و يبحـر بـي و أجيـب مـن الفرايـد جزلـة بنوعـه​

ولا هـي بالرثـاء لأن الرثـاء للـي غـدى مطمـوم
فـي قبـره و الجسـد مـن فوقـه اللبنـات مربوعـه​

ولاهـي فلسفـة شاعـر حزيـن و خاطـره محمـوم
ولـكـن شـاعـرٍ عـيـا و سـكــر دونـــه سـمـوعـه​

تـرك جـل الـكـلام الـلـي يـقـول بمـوتـة الـزيـزوم
قبـل تسعـة سنيـن و شوفـتـه للـنـاس و دمـوعـه​

لأنـه داخلـي ينبـض مـن أيامـه إلــى هــا الـيـوم
ولا عمـري شكيـت مفـارقـه بالـحـزن واللـوعـه​

عرفته شيخ شمل الطيب في ربعـه وبـاق القـوم
رفيـق الدلـه الـلـي مــن ورى بـغـداد مصنـوعـه​

حفيد أهل الخوي وأهل النقى من تنصر المظلوم
دعوجٍ ترسـن الباغـي بحبـل و سـار فـي طوعـه​

وأنا سبطه و هـو جـدي ولا يمـدح وسيـع كمـوم
بسلـم اللـي يعـرف أن القصيـد يشـح موضوعـه​

عمـد كـل القصايـد لــو تـوقـف كنـهـا المكـصـوم
يغالبـهـا القلـيـل مــن الفـعـول و بـاقـي طـبـوعـه​

نعم صالـح بأخـو عليـا تعـزوى واحتضنـه غيـوم
تطـاول بالصفـات اللـي تعجـز مـن لحـس كوعـه​

على نـاره ضحـى يومـه وغيـره مطبـق الجاثـوم
علـى صـدره لـو الديبـان حولـه مـا لـهـم فـوعـه​

تكامـل بالشجاعـة و الكـرم ومعـاون المهـضـوم
شهد له من غدى بيـن العـرب كلمتـه مسموعـه​

عريب جدود صلـب زنـود راعـي فـود يـوم ودوم
و أنا اشهد بأن كفه وسط طاسـة طيـب منقوعـه​

ليا مـن سـل سيـفٍ بالخطـاء ينكـس عنـه مثلـوم
بفـضـل الله علـيـه و مــن يسـلـه يــده مقطـوعـه​

و طيبـه نثـره بيـن العـرب خافـي علـى المعـلـوم
و تباشـر بالجزالـة مـن يــده فــرده و مجمـوعـه​

علـى طاريـه اقلـب سبحـة افعالـه و انـا مهمـوم
علـى اللـي ردد الحكـي القـديـم بتـالـي اسبـوعـه​

أبسأل من يموت و هـو مثـل جـدي علـم وعلـوم
يبـي يبقـى و يسقـط مـن يعيـش بسامـك دروعـه​

علـيـل مــا يـعـز و لا يـذلــل مـثــل طـيــر الـبــوم
ربـى وســط الخـرايـب للبـشـر يــا قــل منفـوعـه​

و ختـمـه مـثـل مبـداهـا وشاعـرهـا نـفــى لـلــوم
شهـادة حـق فـي رجـلٍ وجــت للـنـاس مطبـوعـه​

 

[فالح عبدالله الهاجري]

رد: صباح الهيل

الله يرحمه واموات المسلمين اللهم آمين
صوتنا لك يابو عابد والله يوفقك بالمسابقه وحياتك

 

[أم الغالين]

رد: صباح الهيل

[glow1=00ff00]
عطاك الله العافيه أخى على القصيده الحلوه
[/glow1]

 

[سفير قحطان]

رد: صباح الهيل

الله يرحمه ويرحم اموات المسلمين صح لسانك قصيده رائعه

 

[حمزة محمد المقعدي]

رد: صباح الهيل

الله يرحمة واموات المسلمين
صح لسانك ويعطيك العافية

 

[رجآوي]

رد: صباح الهيل

[align=center] الله يرحمه ويرحم جميع موتى المسلمين

صح لسانك ياشاعرنا
قصيده رائعه
ويعطيك الف عافيه..

[/align]

 

[عبدالله الشمري]

رد: صباح الهيل

فالح الهاجري , أم احمد , سفير قحطان , حمزة المقعدي , راجية الرحمة ,


الله يجزاكم خير لا هنتوا على المرور الطيب و صحت ابدانكم جميعا

 

[بنت قحطان]

رد: صباح الهيل

[align=center]
الله يرحمه واموات المسلمين اللهم آمين

أخوي عبدالله

راق لي حرفك في الرثاء
وفي كل مجالات الشعر
الذي يطوف أرجاء ألمكان بكل فخر
أحترامي وتقديري

بنت قـحطان


[/align]​

 

[عبدالله الشمري]

رد: صباح الهيل

[align=center]
مشرفتنا العزيزة ...بنت قحطان

الله يجزاك خير ولا هنتي على المرور الطيب
[/align]