شاب خطب بنت عمه

[زهرة الياسمين]

قصيدة لشاب فقير بيخطب بنت عمه المليونير .. حلووة (القصيدة)



سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن ***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة

يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـة<<< خربت الأخلاق

قال انقلع مالت على وجهك الشين****لا عاد أشوفـك عندنـا يالزلابـه

قلت ابشر أبشر لكن الباب من وين**وأقفيت من عنده على صوت بابـه






وسلامــتــكـــم ، ،
منقووووووووووووووول​

 

[المتفائل]

رد: شاب خطب بنت عمه

شروطكم والله سيوف وسكاكيـن***تذبح بنات المجتمع مـع شبابـه

عزالله انه صدق في كل بيت قاله
وانتي سالمة اختي زهرة يعطيك العافية

 

[نهى]

رد: شاب خطب بنت عمه

ويجعل نصيبي عند غيرك قل آمين**ويحسن عزا الصابر ويجزل ثوابه

الله يرزقه بافضل منها
"ايسرهن مهرا اكثرهن بركه"

زهرتنا
شكرا لجمال وفائده القصيده00
لك الحب واصدق الاماني00

 

[زهرة الياسمين]

رد: شاب خطب بنت عمه

شروطكم والله سيوف وسكاكيـن***تذبح بنات المجتمع مـع شبابـه

عزالله انه صدق في كل بيت قاله
وانتي سالمة اختي زهرة يعطيك العافية

لاهنت اخي المتفائل وربي يسلمك ويعافيك
شرفت صفحتي واسعدني مرورك

 

[زهرة الياسمين]

رد: شاب خطب بنت عمه

ويجعل نصيبي عند غيرك قل آمين**ويحسن عزا الصابر ويجزل ثوابه

الله يرزقه بافضل منها
"ايسرهن مهرا اكثرهن بركه"

زهرتنا
شكرا لجمال وفائده القصيده00
لك الحب واصدق الاماني00

الف شكر لك عزيزتي نهى
نورت صفحتي واسعدني مرورك

 

[مرح]

رد: شاب خطب بنت عمه

زوزو؟والله مت من الضحك والقهر والبكى؟
هذا اللي صاير الحين....صور موضه المتاجره بالبنات ومهورهن؟نسوامعنى كلام الرسول عليه افضل الصلاة والسلام..معنى الحديث من اتاكم من ترضون دينه وخلقه..فزوجوه.
فزوجوووووووووووه.

 

[عيسى محمد]

رد: شاب خطب بنت عمه

هههههههههه
زهرة الياسمين
والله اللي ماعين خير من عمه وانا اشهد ان
البنيه ماعينت خير من ابوها يالله دخيلك صارت
البنيات تجاره عند بعض اللي يسمون انفسهم رجال للاسف

 

[زهرة الياسمين]

رد: شاب خطب بنت عمه

زوزو؟والله مت من الضحك والقهر والبكى؟
هذا اللي صاير الحين....صور موضه المتاجره بالبنات ومهورهن؟نسوامعنى كلام الرسول عليه افضل الصلاة والسلام..معنى الحديث من اتاكم من ترضون دينه وخلقه..فزوجوه.
فزوجوووووووووووه.

صدقتي عزيزتي مواطنه
لك مني كل الشكررر

 

[حلوة عذاريب]

رد: شاب خطب بنت عمه

[align=center]هههههههه[/align][align=center]
ابيات جميلة
تسلمين زهرتنا
لا عدمناك

[/align]

 

[زهرة الياسمين]

رد: شاب خطب بنت عمه

هههههههههه
زهرة الياسمين
والله اللي ماعين خير من عمه وانا اشهد ان
البنيه ماعينت خير من ابوها يالله دخيلك صارت
البنيات تجاره عند بعض اللي يسمون انفسهم رجال للاسف

كلامك صحيح اخوي ابو سلطان
كل الشكر لك على المرور والإضافه القيمه

 

[زهرة الياسمين]

رد: شاب خطب بنت عمه

[align=center]هههههههه[/align][align=center]
ابيات جميلة
تسلمين زهرتنا
لا عدمناك

[/align]

اجمل من الابيات مرورك الرائع والمميز
سلمت غادتي
الله لايحرمني منك ومن تواجدك العذب

 

[مناوي]

رد: شاب خطب بنت عمه

يعطيك العافية زهرة
بارك الله فيك
يسلمو على القصيده حلوة منك
سلمت يداك وسدد خطاك

 

[زهرة الياسمين]

رد: شاب خطب بنت عمه

يعطيك العافية زهرة
بارك الله فيك
يسلمو على القصيده حلوة منك
سلمت يداك وسدد خطاك

ربي يسلمك ويسعدك مناوي
والأحلى تشريفك صفحتي

 

[صديقة ذوي الإعاقة]

رد: شاب خطب بنت عمه

اسعدك ربي أختي اختيار موفق

 

[زهرة الياسمين]

رد: شاب خطب بنت عمه

الله يسعد قلبك بصومه
شرفني مرورك

 

[واثق الخطوة]

رد: شاب خطب بنت عمه

طبعا القصيدة من خيال الشاعر وليست قصه واقعية

ولكن الشاعر اراد ان يسلط الضوء علي مشكلة غلاء المهور بطريقة ساخرة

تقبلي تحياتي اختي الكريمة اختيار موفق

دمتي بحفظ الرحمن


​

 

[زهرة الياسمين]

رد: شاب خطب بنت عمه

كل الشكر لك معاند الزمن
مرورك اسعدني

 

[مجرد إنسانه]

رد: شاب خطب بنت عمه

قصيدة تجمع الظرافة والجدية في نفس الوقت تحاكي الواقع الحالي
وللاسف عبر عن حقيقة واقعنا وصدق في كلماته
يعطيك الف عافيه زهرتنا الغاليه
ولاعدمنا جديدك ..

 

[عبير طوق الياسمين]

رد: شاب خطب بنت عمه

رووووعه يعطيك الف عااافيه على نقلهاااا مشكوووره

 

[زهرة الياسمين]

رد: شاب خطب بنت عمه

قصيدة تجمع الظرافة والجدية في نفس الوقت تحاكي الواقع الحالي
وللاسف عبر عن حقيقة واقعنا وصدق في كلماته
يعطيك الف عافيه زهرتنا الغاليه
ولاعدمنا جديدك ..

صدقت اختي
اسعدني مرورك