شبه محبط

[أخو ذوي احتياجات خاصة]

السلام عليكم


في البداية احب أشكركم على هذا الصرح الكبير


أنا ما أدري كتبت الموضوع في المكان المناسب لكن أتمنى لو ما كان هنا يا ليت تحطوه في القسم المناسب


أخوي من ذوي الاحتياجات الخاصة إعاقية حركية و بصرية


صعوبة و عرج في المشي و ضعف شديد في النظر مع رأرأة و الشبكية تعبانة من السكر شوي


قدمنا على التاهيل الشامل ما قصرو وفروا الراتب الشهري و الوضع من ناحيتهم تمام


بس أخوي شبه محبط من إعاقته لا وظيفة و حياته الاجتماعية متدمرة وده يثبت حاله و يكون له شي يسويه بالوجود لكن مافيه فايدة


وده يحاول يتعالج كمان الوضع مو بصالحه لأن حالته ممكن مالها علاج بس راح نقدم


شفت أحد الجمعيات اللي عاملة حالها حبة و نص في المولات و اليوم العالمي للاعاقة و يوم توظيف ذوي الاحتياجات الخاصة تدخل عليهم بابتسامة و ما غير يكشروا بوجهك ما يساعدوا الا اللي يعرفوه و غيره يقولوا لا تدور او ارجع بعدين ما همهم الا دعم الناس لهم و المناظر


طيب أنا أبي نصيحتكم


أنا خايف على أخوي و مهتم بأمره مرة قولولي وش أقدر أسوي وش أعمل عشان أخليه يعيش حياة زي الناس حنا م همنا فلوس بس الشي المهم بالنسبة لي إن أخوي يشعر بوجوده و اخليه واثق بنفسه


أنا متحطم و مربوطه يدي

 

[قمر]

رد: شبه محبط

ربي يشفيه الامل بالله كبير والله وحده الشافي وان شاء الله يتعالج ويشفى بأذن الله

 

[طيبتي اتعبتني]

رد: شبه محبط

الله يكون بعونه ويشفيه

 

[هدى المطيري]

رد: شبه محبط

انا من رأي تزوجونه افضل لاجل تكون عنده اسرة و يشعر
بالمسئولية تجاه اسرته و اكيد الضمان بيزودوله في الراتب و
بعد عنده راتب التأهيل و ان شاء الله بيكفيه