شي غريب حصل لي بالتاهيل الشامل

[ابو نوور]

السلام عليكم ورحمة الله وبركاته
يعطيكم العافيه اخواني الكرام
طبعا يا اخوان معروف ان الي معاه فقر دم (سكلسل) ونسبته من 40٪ وطالع يستلم اعانة من التاهيل الشامل
والمعروف ان نسبة المرض ماتتغير من الولادة للوفاة بشهادة الاطباء
عندي بنت بعد مافحصناها بالمستوصف قالو نسبتها 40 بالمية
واخدت اوراق المستوصف ورحت للتاهيل الشامل
قدمت لهم الاوراق عطوني خطاب لمستشفى حكومي
وبعد الفحص كتبو بالتقرير ان نسبتها 34٪
رحت للتاهيل قالو بنتك ماتستحق الاعانة
طيب السؤال وش الحل
هل النسبة تتغير او في غلط ووين الغلط بالمستشفى او المستوصف
قلت للموظف حولني على مستشفى ثاني قال لا خلاص
وش الحل يا اخوان افيدوني الله يجزاكم خير

 

[السهيان]

رد: شي غريب حصل لي بالتاهيل الشامل

غير المركز الى رحت يمه رح مركز ثاني وتعين خير

 

[المزيوونه]

رد: شي غريب حصل لي بالتاهيل الشامل

صح جرب مستشفى حكومي ثاني وربي ييسر لك ويسهل عليك

 

[قاهر اليأس]

رد: شي غريب حصل لي بالتاهيل الشامل

الغلط بالمستشفي الى رحت له انت هو الى حدد النسبه اول مره وثانى مره والمركز مايرسلك على اى مستشفي فقط مستشفي الحكومه الى انت تابع له في مدينتك والحل انك تسالهم عن النسبتين والفتره الى مابين النسبتين وانت تقول بشهاده من الاطباء انها ما اتغير اذن عليك انك ترجع للمستشفي وتحط النسبتين قدامهم وتشوف الصح فيهم وتطلب تقديم جديد للبنت من التاهيل .. ولا اتعير المركز لان اصلا لو تروح مركز ثانى راح يردك للمركز الى تابع لمدينتك .. موفق اخوى

 

[ضوء القمر]

رد: شي غريب حصل لي بالتاهيل الشامل

هذي صارت لي شخصيا وانا بسوي عملية المراره وتدرون اللي عنده سكلسل يخافون يسوون له عمليه بسبب المرض ونسبة السكلسل وقبل العمليه سووا لي تحليل نسبة السكلسل علشان ينزلون النسبة ﻻن كلما ارتفعت النسبة يكون خطيره عليي المهم طلعت النسبة 87%وقال الدكتور ﻻزم تنزل الى أقل من 50%واﻻ مراح نسوي لك عمليه قلت كيف تنزل قال نسوي لك عمليه سحب الدم وتركيب دم جديد وبالفعل نزلت النسبة

اللي أبي أقوله أن الفتره بين التحليل في الخاص والحكومي اختلفت بسبب تغيير الوقت والراحة الجسميه والنفسية تتأثر النسبة وكلما كثرت مثﻻ من السوائل والخضروات كلما نزلت النسبة فهمت الحين؟؟

بالتوفيق وماعليها شر