استفسار بخصوص الاعفاء من الرسوم الجمركية

[الغد الواعد]

السلام عليكم ورحمة الله وبركاته حبيت اسال بخصوص الرسوم الجمركية مرة قريت في احد استفاد من الاعفاء من الرسوم الجمركية هل هذا صحيح انا بجيب سيارة من الخليج باسمي لاني من اهل التاهيل يعفون من الرسوم الجمركية ابي احد يفيدني يكون متاكد ربي يسعدكم وايش الاجراءات اللي اسويها كلمت الجمارك محد يرد عليييييك
ودمتم بخييييير

 

[ضوء القمر]

رد: ارجو من احبتي الرد العاجل ارجوكم

رد: ارجو من احبتي الرد العاجل ارجوكم

ﻻزم يكون عندك بطاقه تخفيض تثبت الأعاقه

بالفعل انا أعرف واحد أعفوه من رسوم الجمارك لأنه عنده بطاقه والسيارة باسمه وأعفوه من الريوم وبالتحديد من جمارك البطحا من الامارات

كل اللي عليك تعطيهم بطاقه المعاقين واستمارة السبارة وخﻻص الموظف يعفيك من الرسوم اللي هي أتوقع 2000ريال

هذه متأكد منها مليون بالميه بس هالكﻻم صار له سنتين وتدري كل بين فتره وأخرى تتغير القوانين والأنظمه وعلى حسب يجيك موظف موفاهم شالسالفه يقعد يتفلسف عليك

بالتوفيق ياغالي

 

[سامي]

رد: ارجو من احبتي الرد العاجل ارجوكم

رد: ارجو من احبتي الرد العاجل ارجوكم

ماعندي خلفية بصراحة وأول مرة اعرف انه يعفى من رسوم الجمارك
لكن استفساري هل يعفى كل مرة اجيب معي اغراض وحاجيات من برا السعودية مثلا مرة جبت سيارة ومرة تانية اجيب حاجة تانية وهكذا .
وكذلك هل الرسوم لسيارة تقدر على حسب نوعها وموديلها او الرسوم محدده ولا تتغير

 

[ضوء القمر]

رد: استفسار بخصوص الاعفاء من الرسوم الجمركية

اللي متأكد منه ان السياره للمعاق يعفونه من الجمارك اما الأشياء الثانيه ماأدري عنها. ويمكن كل شي يتعلق بالمعاق مثل سياره أو عربه أو أي شي يتعلق بتسهيل حركه المعاق


وأزيدك معلومه حلوه كمان وهي إعفاء المعاق من رسوم الفحص الدوري كل سنه مره واحده تفحص سيارتك مجانا أقصد الفحص الدوري هذي انا مجربها وببﻻش بس أهم شي السياره باسمك وكذا مره فحصتها يوم بجدد الاستماره وببﻻش

أتمنى أفدتكم

 

[سامي]

رد: استفسار بخصوص الاعفاء من الرسوم الجمركية

وأزيدك معلومه حلوه كمان وهي إعفاء المعاق من رسوم الفحص الدوري كل سنه مره واحده تفحص سيارتك مجانا أقصد الفحص الدوري هذي انا مجربها وببﻻش بس أهم شي السياره باسمك وكذا مره فحصتها يوم بجدد الاستماره وببﻻش

أتمنى أفدتكم

عساك على القوة يالغالي ومعلومة بصراحة فادتني كثير وما ادري هل عندك معلومة عن تجديد رخصة السير هل مجاناً للمعاق ام هناك تخفيض ام لايوجد شئ يعني اريد اذا تملك معلومة وتزودنا بيها او يمكن مررت بهذا التجربة وكذلك ينطبق سؤالي على رخصة سواقة

 

[ضوء القمر]

رد: استفسار بخصوص الاعفاء من الرسوم الجمركية

للأسف كل رسوم المرور والمخالفات مافيها تخفيض يعني مثلك مثل غيرك من المواطنين الغير معاقين

شف حبيبي اذا تبي تشترك في جريده اليوم مسوين تخفيض نص القيمه للمعاق وانا اشتركت فيها لمده 3سنوات بس مو لي لأخوي خابر احنا الشباب مالنا بالجرايد

اذا ماتبي تشترك فيها الجريده سو مثلي اشترك باسمك وعطها لأخوك أو احد يبيها واخذ المبلغ الباقي لك

مع السﻻمه