استفسار الله يعافيكم عن بطاقة معاق

[نعيمه]

يوم رحت اجدد بطاقتي صرافة التأهيل اعطوني ورقه صغيره عاديه فيها صوره لي شمسيه وبياناتي مكتوبه
عليها رقم المستفيد ورقم السجل وعليها ختم التأهيل
سؤالي هو هل البطاقه هذي هي اذا قالو بطاقة معاق هذي هي يعني
وهل اقدر الحقها في ملفي عشان الوظيفه لانهم يقولون المعاق باربعة موظفين
يعني هل بتفيدني البطاقه هذي في التوظيف ارفقها في ملفي ام لا
افيدوني جزاكم الله الجنه ووالديكم وكل مسلم ومسلمه
ام يقصدون بطاقه غير

 

[صالح العوامي]

رد: استفسار الله يعافيكم عن بطاقة معاق

اذا مكتوب بطاقة تخفيض اركاب نعم هي

 

[نعيمه]

رد: استفسار الله يعافيكم عن بطاقة معاق

اولا مشكور الله يجزاك الجنه على الرد
ثانيا مو مكتوب فيها اركاب
وين اطلع هالبطاقه منه اللي تنفعني في الوظيفه
لازم يكون مكتوب عليها اركاب يعني
اروح لهم واقول عطوني بطاقة اركاب ووش الاوراق المطلوبه وهل اروح نفس الفرع اللي انا مقدمه عندهم
حتى ودي باستكر الصقه على السياره والله اتعب من المواقف تصير بعيده في المستشفى وكذا
ارجو اللي يعرف يرد جزاه الله بالجنه وكل مسلم ومسلمه

 

[صالح العوامي]

رد: استفسار الله يعافيكم عن بطاقة معاق

البوستر وبطاقة التخفيض من التاهيل يطلبو بطاقة الاحوال وصور شمسية والله اعلم

 

[صالح العوامي]

رد: استفسار الله يعافيكم عن بطاقة معاق

بطاقة تخفيض اركاب يطلعها التاهيل ويطلعها مراكز الشوؤ الاجتماعيه او دكتورة اجتماعيه في المستشفى تقدر تطلعها

 

[هدى المطيري]

رد: استفسار الله يعافيكم عن بطاقة معاق

مساء الخير .
اختي . نعيمه
بالنسبة لسؤالك عن بطاقة تساعد في التوظيف ما اعرفها
انا اعطوني التاهيل اول ما سجلت عندهم ورقة كرت لونه
زهري . وفيها صورتي الشخصية و ما استخدمها الا كل ما اجي
اجدد بطاقتي عندهم احضرها معي
بالنسبة لبطاقه اركاب و بطاقة المواقف للمعاقين طلعتها
السنة الماضية من مستشفى الشميسي بالرياض
طلعيها من عندهم يالغالية
و بالتوفيق

 

[صالح العوامي]

رد: استفسار الله يعافيكم عن بطاقة معاق

بطاقة اخفاض اركاب تساعد على التوظيف يطلبوهارالشركات

 

[نعيمه]

رد: استفسار الله يعافيكم عن بطاقة معاق

شكرا من اعماق قلبي لاعدمتكم اخواني واخواتي
اسأل الله العظيم بكرمه ومنه كما جمعنا في الدنيا
ان يجمعنا في مستقر رحمته ووالدينا والمسلمين
في الفردوس الاعلى من الجنه

 

[هوى امل]

رد: استفسار الله يعافيكم عن بطاقة معاق

مرحبا اختي /
البطاقه اللي ذكرتي هي بطاقة الاعاقه وتفيدك عند التوظيف بإثبات انك مستفيده من التأهيل ، وانك معاقه عن اربع موظفين ،، اما البطاقه الثانيه فهي بطاقة تخفيض الاركاب .. وهي لتخفيض تذاكر السفر 50٪ ، اما البطاقه الثالثه الكبيره لمواقف المعاقين شكرا وبالتوفيق .

 

[صالح العوامي]

رد: استفسار الله يعافيكم عن بطاقة معاق

بالضبط

 

[نعيمه]

رد: استفسار الله يعافيكم عن بطاقة معاق

مشكورين جزاكم الله الجنه وورزقكم من واسع فضله
طيب يعني كم يعطوني راتب معي الثانويه

 

[هوى امل]

رد: استفسار الله يعافيكم عن بطاقة معاق

مرحبا اختي :
اذا توظفتي سعوده فقط لاتقبلي بأقل من 3000 ريال ، والله يوفقك