استفسار الله يجزاكم كل خير هام !

[عزوووووز]

السلام عليكم ورحمه الله وبركاته

طابت لياليكم بكل خير واسعد الله اوقاتكم بكل حب وسعاده

عندي استفسار الله يطولي بعمركم يارب

ماهي مستحقات المعاق وماهي الاستفادات غير التأهيل الشامل والضمان الاجتماعي ؟!

وجزاكم الله كل خير يرجى الافاده لمن لديه فائده

ولكم جزيل الشكر

اخوكم / عبدالعزيز

 

[ندوشه المنكوشه]

رد: استفسار الله يجزاكم كل خير هام !

انت روح لضمان الاجتماااعي وهم يوضحون لك كل استفسارتك

 

[عزوووووز]

رد: استفسار الله يجزاكم كل خير هام !

الله يسعدك ليه اروح وانا من الممكن القى افاده هنا !!
مع العلم الاحظ زمن الانسانيه بدى ينقرض اذا لم نتلاحق ونتمسك به
الله المستعان بس

اشكرك على مرورك اختي الفاضله

 

[غاده]

رد: استفسار الله يجزاكم كل خير هام !

حياك عزوز اولا ان كنت على كرسي فروح للجمعيه الحركيه للكبار بحث في النت قبل يومين وبالصدفه لقيت موقعهم واتصلت عليهم وقالو تعالي وهاتي تقاريرك وبطاقه الاعاقه ورحت لهم امس ويالبى قلوبهم ما قصروا اوعدوني بوظيفه وعطوني مواد غذائيه وهديه وسجلوني في دورات حاسب وانقلش ويقولون بنتعامل مع نادي رياضي وكل شهر يسون ملتقى في استراحه وما قصروا بيض الله وجيهم واذا تبي رقمهم حاضره وفيه بعد جمعيه للرعايه الصحيه مسجله فيها صار لي 4 سنين يصرفون لي شهريا 500 واجهزه طبيه واذا تبي رقمهم بعد حاضره وان اتبع الحديث اللي يقول حب لاخيك ما تحب لنفسك واهم شي تكون بالرياض والله يسهل امورك

 

[عزوووووز]

رد: استفسار الله يجزاكم كل خير هام !

الله يجزاك الجنه وما قصرتي ويوفقك ويحقق مناك
انا في منطقه تبوك وسبق رحت للجمعيه افادني الامين وبعد توجيه من امير المنطقه بالمساعده
لكن افادني امين الجمعيه بالانتظار وكنت ارغب في مساعده ماليه ووظيفه
بخصوص المساعده الماليه قال لي انتظر لحد ما يجي فاعل خير وانتصل عليك !!
ولي اكثر من سنه انتظر فاعل الخير
اما بخصوص الوظيفه وجهني على مكتب السعوده ومكتب السعوده وجهني الى مطابع الشمال الكبرى
بعد ما اعطاني امل اني اتوظف واخذ ملفي وروح الامل والوظيفه شايفها قدامي وقلت خلاص هانت

اتفاجأ بأني كنت احلم !!

افادني المدير باني انتظر اسبوع ومر اسبوع وشهر وشهرين وثلاثه الى يومك
ومؤخرا رحت له قال لي تبي ملفك تعال ماعندي لك وظيفه !!

الشكوه لله


الله يسعدك اذا في مجال ارسلها لي الله يعين اروح لرياض ايش اسوي ..

والله يفرجها علينا وعليكم وعلى المسلمين اجمعين ومشكووووووووووره ملييييييييييييييييييييون ولا يكفووون

 

[المغامر]

رد: استفسار الله يجزاكم كل خير هام !

حياك الله اخونا عزوز

بالنسبه للخدمات التي تستحقها رسمياً من الدوله ان لم تكن موظف وتنطبق عليك الشروط :

1/ اعانه من الشئون الاجتماعيه
2/ مخصص شهري من الضمان الاجتماعي
3/ بطاقة تخفيض تذاكر من التأهيل الشامل
4/ تخفيض يصل الى 50% من فواتير الجوال والهاتف الثابت
5/ تستحق ماتلزم من مستلزمات طبيه من تموين وزارة الصحه
6/ تستحق ما تلزم من كرسي متحرك او سرير طبي كرسي حمام وغيره من مستلزمات من التأهيل الشامل

وهناك مساعدات من اهل الخير تتقدم الى الجمعيات الخيريه وتخصص لك مساعدات حسب ما ينطبق عليك من الشروط

اتمنى اكون افدتك واي خدمات نحن هنا بخدمتك وخدمت الجميع
موفق خير ان شاء الله

 

[غاده]

رد: استفسار الله يجزاكم كل خير هام !

هذا رقم جمعيه الاعاقه الحركيه للكبار 920009882 اتصل عليهم من 8ــــــــــ2 الظهر

وهذ رقم الجعيه للرعايه الصحيه 014624051 ودوامهم من 8ــــــــــــــ2 الظهر والله يسهل امورك ويرزقك من فضله وبشرني وش بيصير معك والله حاسه فيك

 

[عزوووووز]

رد: استفسار الله يجزاكم كل خير هام !

حياك الله اخونا عزوز

بالنسبه للخدمات التي تستحقها رسمياً من الدوله ان لم تكن موظف وتنطبق عليك الشروط :

1/ اعانه من الشئون الاجتماعيه
2/ مخصص شهري من الضمان الاجتماعي
3/ بطاقة تخفيض تذاكر من التأهيل الشامل
4/ تخفيض يصل الى 50% من فواتير الجوال والهاتف الثابت
5/ تستحق ماتلزم من مستلزمات طبيه من تموين وزارة الصحه
6/ تستحق ما تلزم من كرسي متحرك او سرير طبي كرسي حمام وغيره من مستلزمات من التأهيل الشامل

وهناك مساعدات من اهل الخير تتقدم الى الجمعيات الخيريه وتخصص لك مساعدات حسب ما ينطبق عليك من الشروط

اتمنى اكون افدتك واي خدمات نحن هنا بخدمتك وخدمت الجميع
موفق خير ان شاء الله

الله يسعدك ويخليك ويطول بعمرك ويوفقك يارب
الف شكرا على المعلومات وربي يجزاك الف مليون خير

 

[عزوووووز]

رد: استفسار الله يجزاكم كل خير هام !

هذا رقم جمعيه الاعاقه الحركيه للكبار 920009882 اتصل عليهم من 8ــــــــــ2 الظهر

وهذ رقم الجعيه للرعايه الصحيه 014624051 ودوامهم من 8ــــــــــــــ2 الظهر والله يسهل امورك ويرزقك من فضله وبشرني وش بيصير معك والله حاسه فيك

يطولي بعمرك يارب وماقصرتي
اتصلت طلع خاص بالنساء وما يقدرو يفيدوني بشي
قالو روح الجمعيه اللي في نفس مدينتك والله كل يومين ثلاثه وانا عندهم
ما ساعدوني ولا قدرو وضعي الحكومه ما قصرت لكن الموظفين !!

والطبقات الوسطى تنهش في حقوقنا وتقول هذول مساكين بدل ما نعطيهم 1000 نعطيهم 100 يفرحون فيها
والله حرام وهذا بعد طلوع الروح ليه طيب ليه كل واحد ربي انعم عليه بالصحه والعافيه يفكر لو لا قدر الله
انه من ذوي الاحتياجات الخاصه وما قدرو وضعه !!

ممكن محد راح يحس في المعاناه الا من به اعاقه وما يحس بالشي الا صاحب الشي !!

لكن ربي انعم على ذوي الاحتياجات الخاصه بالصبر وهذا اجمل شي لكن محتاجين قوه واحده يد واحده
حتى انه نوصل كلمتنا لحكومتنا وبغى لو جزء بسيط من حقوقتنا !!

حتى ولو بكفاحنا لمنحنا وظائف ما اقول الا الصبر صبر جميل والله المستعان والله ادري بالحال ونيه كل انسان
والله راح يرزقه ان شاء الله ويبعد عننا كل ضالم لان الانسان لازم يعيش على الامل مهما قست عليه الايام


الله يسعدكم يارب ويخليكم اذا احد عنده معلومات من هنا ولا من هنا لا يبخل عليه ويرد عليه هنا

ومشكورين الف مليون مره لكل من ساهم وطرح لي مساعده هنا

 

[ابوعبادي]

رد: استفسار الله يجزاكم كل خير هام !

حبيبي عزوز لاتياس رحمة ربك وسعت كل شى والله اني متبهذل قبلك لاكن ربك دائم يفرجها انا مستفيد من الضمان والتاهيل ومع كذا كل شهر احط ايدي على قلبي لايصير شي ... حتى الاتصالات رحت لهم قالي الموظف تبي تخفيظ على رسوم الاشتراك ليه ماتقدر تدفعها رديت عليه قلت خذ اعاقتي وعطني صحتك قدام المراجعين ما نبس بكلمه الله يكون بعونك وعون الجميع والله ودي نتكاتف مجموعة معاقين ونسوي مشروع يكون عون لنا بعد الله

 

[عزوووووز]

رد: استفسار الله يجزاكم كل خير هام !

يطولي بعمرك وانت تتوقع الطبقه الوسطى راح يخلون لنا فرصه ويخلونا بحالنا
احنا بس نبغى مساعده شوي يوقفو معنا وبعد كذا راح نعتمد على انفسنا

ترى محد يحس بمعانه المعاق الا المعاق لكن انتظر رحمه ربي لي ولاخواني ذوي الاحتياجات الخاصه

اشكركم لمروركم العذب والله لايحرمني من طلتكم

 

[منى نانا]

رد: استفسار الله يجزاكم كل خير هام !

حفظ الله خادم الحرمين الشريفين ذخراً لدينه ووطنه وأمته، والله ولي التوفيق
مشكورة ملوكه ياقمر ربي يسعدك​