استفسار عن بطاقة البنك

[اخت سعد]

السلام عليكم ورحمة الله وبركاته
انا عندي اخوي من ذوي احتياجات خاصه و عمره 17 سنه وبطاقة الصراف منتهيه لما اتصلنا نبي نستبدلها من التأهيل اشترطوا انه يجي ولي امره يستلمها اللي هو الوالد
لكن الوالد بعيد عنا من فتره وصعبه يجي عشان بطاقه .. كلمنا التاهيل رفضوا قالوا يجي الوالد لو على كرسي يدف! !
يعني وشش نسوي حنا عشان نستلمها ارجوو الرد وجزاكم الله خييير مقدما​

 

[المتفائل]

رد: استفسار عن بطاقة البنك

[align=center]وعليكم السلام ورحمة الله وبركاته

حياك الله اختي
طيب ليش ماتروحوا باخوك للتاهيل
ويستلمها بنفسه
[/align]

 

[اخت سعد]

رد: استفسار عن بطاقة البنك

[align=center]الله يحيك
يوم اتصلنا قلنا لهم اخوي معاه هويه اصلن وراح يجيكم مع اخوي الكبير
رفضضوا قالوا لازم يجي ولي امره
والله صعبه علينا ولنا كم شهر ماستلمناه ننتظر حل [/align]

 

[المتفائل]

رد: استفسار عن بطاقة البنك

[align=center]اختي اذا اخوك اعاقته غير ذهنية
خلي اخوك يروح فيه ويدخل ع المدير
ويشرح له الوضع
وان شاءالله يسلموه الصرافه
ترا اعتقد الصرافه اذا بقيت بالتاهيل
لمدة 4 اشهر ولم يحضر صاحبها لاستلامها
يرجعوها للوزارة [/align]

 

[اخت سعد]

رد: استفسار عن بطاقة البنك

[align=center]ايه هو اعاقته حركيه فقط
طيب الاداري اللي رد علينا كان رافض بشكل نهائي
واساسا مر يمكن 6 شهور
اذا راحت للوزاره وش يصير
انا مدري ليه يعسرها علينا الموظف اللي كلمناه
اللحين وش السوات طلعنا من مشكله دخلنا مشكله ثانيه
قسم ضاق صدري حسبي الله على اللي كان السبب[/align]

 

[المتفائل]

رد: استفسار عن بطاقة البنك

الله يهديكم اختي
وكل هالـ 6شهور ساكتين
وعجزتوا توصلوا مركز التاهيل
بالتليفون كل موظف يعطيك نظام من عنده

برضوا خلي اخوك يروح للتاهيل ومعه اخوك
ويستفسر منهم اذا رفعت للوزارة ولاباقي بالمركز
عاد اذا رفعت للوزارة ماعندي علم وش اجرائاتها

لكن الحل اختي انك ترسلي رسالة خاصة
للاخ جبل وقولي له البطاقة لها 6 اشهر
بمركز التاهيل لم تستلم هل ترفع للوزارة
ام نجدها
رابط صفحة الاخ جبل
http://m3aq.net/vb/member.php?u=2491
​

 

[اخت سعد]

رد: استفسار عن بطاقة البنك

[align=center]والله ماسكتنا كلمنا المسؤول كم مره وسكرها بوجهينا
وش نسوي ماباليد حيله
وراح اخليه يروح بكره ان شاءلله ونششوف وش يقولون
لعل وعسى بالامر خيره

وراح اكتب للاخ اللي قلت لي عنه
وجزاك الله خييير عالرد [/align]

 

[سامي]

رد: استفسار عن بطاقة البنك

اختي بما انك تقولين ابوك بعيد عنك يعني اعتقد 6 شهور ماهي قصيره ولو راح فيها احد الابناء الى ابوك وكلمة وعمل وكالة باسم الولد الكبير على اخيك المعاق لكان الموضوع اسهل وافضل وماهو شرط ينزل ابوك لمنطقتكم حتى يعمل الوكالة لان اقرب محكمة للوالد يقدر يروح هو وابوك ويضبط الوكالة لدى المحكمة

وبالتوفيق لنا ولكم لكل خير

 

[اخت سعد]

رد: استفسار عن بطاقة البنك

والله صعبه ياخوي .. الامور معقده
وكنا مفكرين نصبر كم شهر لين يدخل اخوي عمر 18 الله يطول بعمره ويروح يستلمها بنفسه
واليوم كلمته قلت له روح للتاهيل بنفسسك وقال ماراح يعطوني الصرافه لأن الموظف قايل بالتليفون لا ماراح يستلمها من دون ولي امره
ما اقول غير الله ييسرها ويكتب له الخيره

 

[ضوء القمر]

رد: استفسار عن بطاقة البنك

طيب خلي خالك أوعمك يروح اهو مع أخوك ويقول لهم انا أبوه وﻻ راح يدرون ﻻن بالأساس ماراح يدققون في الصورة اذا هو أوﻻ وثاني شي اهو عنده كرت العايله الأصلي مو صورة علشان يدققون أو يحتجون ﻻزم أبوه

قولي ﻻحد من أهلك ياخذه معاه ويقول لهم انا ابوه والله بيسرها عليكم وبتقولين قالها ضوء القمر




ﻻنها مجربه من قبل نفس حالتكم ومشت مثل شرب الماء


الله يفرجها عليكم يارب ويساعدكم

 

[سامي]

رد: استفسار عن بطاقة البنك

اختي اذا اموركم معقدة كثير كما تقولين مالكم الا تروحون لللأماره وتقدمون خطاب بمشكلتكم للأمير وتشرحون فية ان الوالد بمكان بعيد ولا يقدر يي لظروفكم (ولا اعلم ماهي الظروف الي تخلي الاب مايجي او الابن مايروح لوالدة لكي يعملون وكالة شرعية) وتاكدي اختي ان الامير راح يسهل موضوعكم ويعطيكم خطاب من عندة بتسيير الامور وحلها واخذوا الخطاب الموجه من الامارة الى مركز التأهيل وراح تمشى الامور كلها

 

[اخت سعد]

رد: استفسار عن بطاقة البنك

والله فكره يمكن تصيب ويمكن تخيب
انا ماني فاهمه ليه لازم الوالد اخووي رجال بس معقدينها الله يهديهم
وان شاءلله تتييسسر .. وبخليه يروح الاحد لان العالم اجزوا وراح ابلغكم وش يصير معه
وجزاكم الله خير عالردود
شكرا من اعماق قلبي