استفسار عن الصندوق الخيري لمعالجة المرضى.ومدينة سلطان.

[جورية]

بسم الله الرحمن الرحيم
السلام عليكم ورحمة الله وبركاتة
بصراحه ما ادري وشلون ابدا موضوعي لان هذا أول موضوع لي وبصراحه بحثت كثير وما لقيت اجابة فقلت مالي الا اخواني واخواتي في المنتدى اسألهم يمكن عندهم خلفية عن الصندوق الخيري لمعالجة المرضى طريقة التقديم وكيفة الاستفادة منه لعلاج مريض مصاب بجلطة دماغية ومصاب بشلل نصفي في الجهه اليسرى في مدينة الامير سلطان بن عبدالعزيز وابغى اعرف كم تكلفة العلاج في المدينة عسى الله ما يوريكم مكروه في عزيز عليكم ادري طولت بس والله ما ادري وش اسوي.

 

[سفير قحطان]

رد: استفسار عن الصندوق الخيري لمعالجة المرضى.ومدينة سلطان.

هلا بك اختنا جورية اول خطوه يتصل المريض على المدينه 015620000 تحويله 6 وبعدين يحدد موعد مع دكتور الاعصاب وبعد مايراجع العياده يطلبون منه مبلغ 150 ريال للكشف وبعد ذلك اذا شاف الدكتور المريض يقرر هل يحتاج تنويم او لا واذا قال يحتاج تنويم ياخذ التقرير الطبي الذي كتب فيه الدكتور التنويم ويذهب الى مبنى رقم 4 الصندوق الخيري ويقدم عليهم والاستفاده من العلاج حسب حالت المريض اما التكاليف فلا اعلم عنها وان شاء الله الاخوان يفيدونك اكثر تمنياتي للجميع بدوام الصحه والعافيه

 

[جورية]

رد: استفسار عن الصندوق الخيري لمعالجة المرضى.ومدينة سلطان.

جزاك الله خير سفير قحطان ما قصرت وان شاء الله الباقين ما يقصرون.

 

[عيسى محمد]

رد: استفسار عن الصندوق الخيري لمعالجة المرضى.ومدينة سلطان.

هلا بك اختي جوريه

مثل ماقال سفير قحطان والتكلفه ماهي زي بعض
تقريبآ انزل سعر700 ريال باليوم لاني قابلت
شخص يتعالج على حسابه الخاص وقال يأخذون
منه بالشهر 21ألف ريال هذا مالدي والله اعلم

تقبلي مروري وتحيييييييييييياتي الحاره لكي

 

[بنت مكة]

رد: استفسار عن الصندوق الخيري لمعالجة المرضى.ومدينة سلطان.

أختي الغاليه أنا كنت أتعالج على حساب الامير
سلطان أطال الله في عمره علاج طبيعي 3شهور
وعمليه بسيطه في العمود الفقري للتخفيف من ضغط الاعصاب على اليد اليمنى كلفت اقامتي مع الخادمه حوالي100الف
ربنا يعيينك وتلاقي من أهل الخير مين يساعدك
على فكره التكلفه تعرفيها بعد كشف الدكتور
[grade="008080 ff6347 b22222 4169e1"]
عندهم
[/grade]

 

[صقرشمال]

رد: استفسار عن الصندوق الخيري لمعالجة المرضى.ومدينة سلطان.

كماذكرأخوي سفيرقحطان وفى وكافى بس ازيدمن شعربيت طريقى اخرعن طريق مؤسسة سلطان الخيرية بارياض موجودإدارة الصندوق الخيري ,

 

[نواف البكر]

رد: استفسار عن الصندوق الخيري لمعالجة المرضى.ومدينة سلطان.

الله يعين.......

 

[جورية]

رد: استفسار عن الصندوق الخيري لمعالجة المرضى.ومدينة سلطان.

جزاكم الله خير ما قصرتوا عسى الله يديم الصحه والعافية على جميع مرضى المسلمين.انا راح اتصل عليهم واحجز موعد والله يعين.