استفسار عن مركز الامير سلطان بالدمام

[يتيمه ياأمي]

السلام عليكم ورحمه الله وبركاته
عندي استفسار عن الدراسه بمركز الامير سلطان اللي بالدمام وشو الشروط عشان يقبلوا فيها
اللي سمعته انهم يقبلوا بس اللي عندهم اعاقه حركيه صحيح او لا
انا ابني عنده صرع ولله الحمد بس ما يعتمد على نفسه في الحمام وفي اشياء ثانيه
وادراكه اقل من اللي بسنه وعنده تشتت
هل ينفع اسجله هناك لان اريد مركز تأهيل وتعليم بنفس الوقت
وعمره الحين 8 سنين
اتمنى ادا احد عنده معلومه عن المركز او اي مكان يناسب ابني يدليني رحم الله والديكم

 

[يتيمه ياأمي]

رد: استفسار عن مركز الامير سلطان بالدمام

معقوله ماحد عنده معلومه عالاقل دعوه لابني بالشفاء
على العموم مشكورين:icon_eh:

 

[الرهيبه]

رد: استفسار عن مركز الامير سلطان بالدمام

[align=center]
والله يااختي ماعندي ادنى فكره

اكيد الاخوان مشغولين بس صدقيني ماراح يخلونك لوحدك اكيد راح يرشدوكي اذا لديهم اي فكره

الله يوفقك بالشخص المناسب اللي يدلك

ويشفي ابنك بالشفاء العاجل

ويحقق له جميع مايتمناه وويرزقك القوة والصبرعلى تربيته

حياتي خوذي رقمة من السنترال وانتي استفسري بنفسك ربي يوفقك

تقبلي خالص شكري وتقديري
[/align]

 

[ابن طيبه الطيبه]

رد: استفسار عن مركز الامير سلطان بالدمام

الله يشفي ابنك يارب اشفه انت الشافي
والله يا اختي ماعندي اي اجابه ياليت اقدر اساعك
بس انا ابنصحك تروحين لتاهيل الشامل الي بمنطقتكم وتسالين عن الخدمات الى يقدمونها لى ابنك من تعليم ومن كل الخدمات
وانشاء الله يفيدونك اكثر منا
والاخوان يفيدونك انشاء الله

تـــحـــــيـاتـي

 

[يتيمه ياأمي]

رد: استفسار عن مركز الامير سلطان بالدمام

مشكورين على ردودكم ودعواتكم
رحت مركز الامير سلطان وللاسف ماقبلوه لانهم يقبلوا اللي عندهم اعاقه حركيه