استفسار عن موقع جهة من وزارة الشؤون الاجتماعية في الرياض

[السندباد]

السلام عليكم
أنا قدمت قبل كم شهر على اعانة معاق في "مركة التاهيل الشامل بالرياض الموجود في الملز خلف الجوازات"
وناوي اروح لهم الاسبوع الجاي عشان استلم البطاقة
لكن تفاجات ان شخص اتصل على الهاتف الثابت وقال انه من وزارة الشؤون الاجتماعية من "مركز رعاية المعاقين" (لكنني لم اجد اي جهة تابعة للوزارة بهالاسم)
وقال : " لازم تجينا عشان تستلم بطاقة الصراف وموقعنا مقابل الرياض جاليري ومقايل هيئة المواصفات والمقاييس على طريق الملك فهد"

المشكلة انا ما كلمتهم ... اخوي اللي رد عليهم .. لاني كنت مو في البيت
ابي جواب لاسئلتي التالية:
- ما هي الجهة الموجودة في الوصف السابق ؟ (اقصد المقابل هيئة المواصفات والمقاييس)
- هل هذه الجهة من الوزارة ام هي جمعية خيرية او ما شابه .. وارادو ان يعطوني مساعدة مالية؟
- ما الجهة اللذي يجب ان اذهب لها لاستلام البطاقة ؟ (التاهيل في الملز أم الجهة المذكورة)

شكرا

 

[طارق]

رد: استفسار عن موقع جهة من وزارة الشؤون الاجتماعية في الرياض

اقصد هيئة المواصفات والمقاييس

تتبع وزار التجاره

وضع واعتماد المواصفات القياسية الوطنية لكافة السلع والمنتجات، وكذلك المواصفات المتعلقة بالقياس والمعايرة والرموز وتعاريف المنتجات والسلع وأساليب اخذ العينات، وطرق الفحص والاختبار وغير ذلك مما يصدر به قرار من مجلس إدارة الهيئة.

ولا تصرف اعانات

وانما يقصد بان موقع التاهيل الذي فيه بطاقة الصراف الخاصه بك مقابل مبنى هئية المواصفات والمقاييس والجوده



مراكز التأهيل الشامل
الرياض

1 - مركز التأهيل الشامل
4703475 -4703497 - 01

2 - مركز التأهيل الشامل للإناث
2483694 - 2492956 -01

 

[مناوي]

رد: استفسار عن موقع جهة من وزارة الشؤون الاجتماعية في الرياض

يعطيك العافية
بارك الله فيك
يسلمو على موضوعك

 

[السندباد]

رد: استفسار عن موقع جهة من وزارة الشؤون الاجتماعية في الرياض

اقصد هيئة المواصفات والمقاييس

تتبع وزار التجاره

وضع واعتماد المواصفات القياسية الوطنية لكافة السلع والمنتجات، وكذلك المواصفات المتعلقة بالقياس والمعايرة والرموز وتعاريف المنتجات والسلع وأساليب اخذ العينات، وطرق الفحص والاختبار وغير ذلك مما يصدر به قرار من مجلس إدارة الهيئة.

ولا تصرف اعانات

وانما يقصد بان موقع التاهيل الذي فيه بطاقة الصراف الخاصه بك مقابل مبنى هئية المواصفات والمقاييس والجوده



مراكز التأهيل الشامل
الرياض

1 - مركز التأهيل الشامل
4703475 -4703497 - 01

2 - مركز التأهيل الشامل للإناث
2483694 - 2492956 -01

هلا اخوي طارق

طيب وشو هالمبنى اللي مقابل هيئة المواصفات والمقاييس الي يبوني اجيهم هناك؟
لان مركز التاهيل الشامل موجود في الملز مو في الشمال !

 

[الامل لا يموت]

رد: استفسار عن موقع جهة من وزارة الشؤون الاجتماعية في الرياض

هلا اخوي طارق

طيب وشو هالمبنى اللي مقابل هيئة المواصفات والمقاييس الي يبوني اجيهم هناك؟
لان مركز التاهيل الشامل موجود في الملز مو في الشمال !

طيب اخوي ليش ما تخطف رجلك لهذا المكان وتشوف بنفسك
يمكن يكون هذا المكان اهو اللي بطاقتك موجوده فيه
وتكون راحتك فيها الخير
توكل على الله وروح

 

[السندباد]

رد: استفسار عن موقع جهة من وزارة الشؤون الاجتماعية في الرياض

طيب اخوي ليش ما تخطف رجلك لهذا المكان وتشوف بنفسك
يمكن يكون هذا المكان اهو اللي بطاقتك موجوده فيه
وتكون راحتك فيها الخير
توكل على الله وروح

يعني معقولة ما احد يعرف هالمكان !!

 

[ابوعبادي]

رد: استفسار عن موقع جهة من وزارة الشؤون الاجتماعية في الرياض

اخووي انا اعرف مركز التاهيل اللي عند الجوازات اذا تبي الوصف خل الجوازات على يدك اليمين وانت جاي من عند الرئاسة العامة حق البنات بعدها مركز الهيئة المربع خله على يمناك بعد ثم الجوازات تعدها الين الاشارة خش معها يمين وبعدين ثاني ملف يمين 20 متر تلقاها على يمناك .. ومن طريق الملك فهد قبل الجوازات فيه خشه يمين ابتل شووي تلقاها على ايدك الشمال اتمنى اكوون افدتك وما هبلت فيك ..:scared:

 

[السندباد]

رد: استفسار عن موقع جهة من وزارة الشؤون الاجتماعية في الرياض

اخووي انا اعرف مركز التاهيل اللي عند الجوازات اذا تبي الوصف خل الجوازات على يدك اليمين وانت جاي من عند الرئاسة العامة حق البنات بعدها مركز الهيئة المربع خله على يمناك بعد ثم الجوازات تعدها الين الاشارة خش معها يمين وبعدين ثاني ملف يمين 20 متر تلقاها على يمناك .. ومن طريق الملك فهد قبل الجوازات فيه خشه يمين ابتل شووي تلقاها على ايدك الشمال اتمنى اكوون افدتك وما هبلت فيك ..:scared:

ايه اخوي هذا اعرفه .. وهذا اللي قدمت فيه

بس اللي في الشمال اللي مقابل هيئة المواصفات والمقاييس وشو ؟

 

[أبوفهد]

رد: استفسار عن موقع جهة من وزارة الشؤون الاجتماعية في الرياض

اخوي السندباد

المكان الي قلت لي عنة هو نفسة الي انا رحت استلمت منه الرقم السري

على فكرة هو مركز كبير اكثر من 4 مباني بس والله انا ما لفيت فيه

انا اول مارحت هناك سالوني معك البطاقة قلت ايه معي

قالوا روح المكتب هذا صور البطاقة وكرت العائلة وخذ الصورة وقدمها للشباك وبعدها اعطوني الرقم السري

هم اتوقع عندهم بطاقات صراف لاني سمعت واحد كان واقف يقول اخوي هناك يستلم البطاقة

انا كنت مقدم عن طريق مركز التأهيل الشامل بالدرعية واخذت البطاقة من المبني الي خلف الجوازات

على العموم روح لهم واكيد بتحصل بطاقتك دامهم اتصلوا فيك

وصفهم وانت على الملك فهد وقف في اشارة الرياض قالاري (ليكزس) ولف يسار باتجاه الغرب

امش وتعدى التخصصي بعده بيجيك مبنى يشتغلون فيه تابع للنقل الجماعي هو بعدة مباشرة فيه شارع 30 ادخل معة تحصل البوابة على اليمين

بس تبي النصيحة قبل تروح هناك مر المركز الي خلف الجوازات لاني شفت بطاقات كثيرة وبالارقام المتسلسلة لارقام المستفيد

واي خدمة انا تحت امرك اخوي

 

[السندباد]

رد: استفسار عن موقع جهة من وزارة الشؤون الاجتماعية في الرياض

اخوي السندباد

المكان الي قلت لي عنة هو نفسة الي انا رحت استلمت منه الرقم السري

على فكرة هو مركز كبير اكثر من 4 مباني بس والله انا ما لفيت فيه

انا اول مارحت هناك سالوني معك البطاقة قلت ايه معي

قالوا روح المكتب هذا صور البطاقة وكرت العائلة وخذ الصورة وقدمها للشباك وبعدها اعطوني الرقم السري

هم اتوقع عندهم بطاقات صراف لاني سمعت واحد كان واقف يقول اخوي هناك يستلم البطاقة

انا كنت مقدم عن طريق مركز التأهيل الشامل بالدرعية واخذت البطاقة من المبني الي خلف الجوازات

على العموم روح لهم واكيد بتحصل بطاقتك دامهم اتصلوا فيك

وصفهم وانت على الملك فهد وقف في اشارة الرياض قالاري (ليكزس) ولف يسار باتجاه الغرب

امش وتعدى التخصصي بعده بيجيك مبنى يشتغلون فيه تابع للنقل الجماعي هو بعدة مباشرة فيه شارع 30 ادخل معة تحصل البوابة على اليمين

بس تبي النصيحة قبل تروح هناك مر المركز الي خلف الجوازات لاني شفت بطاقات كثيرة وبالارقام المتسلسلة لارقام المستفيد

واي خدمة انا تحت امرك اخوي

مشكور وما قصرت يا ابو فهد
انا اشهد ما يجيبها الا رجالها
بس سؤال : هالمبنى وش اسمه؟ هل فيه لوحة او شي على المبنى ؟

 

[أبوفهد]

رد: استفسار عن موقع جهة من وزارة الشؤون الاجتماعية في الرياض

مشكور وما قصرت يا ابو فهد
انا اشهد ما يجيبها الا رجالها
بس سؤال : هالمبنى وش اسمه؟ هل فيه لوحة او شي على المبنى ؟

ما سوينا غير الواجب وانا اخوك

اسمة مركز التأهيل الشامل - وزارة الشؤون الاجتماعية

وفيها لوحه انت روح وبتشوفها وانت على الشارع من تتعدى مبنى النقل الجماعي

تحياتي

 

[صديق المعوقين]

رد: استفسار عن موقع جهة من وزارة الشؤون الاجتماعية في الرياض

السلام عليكم ورحمة الله وبركاته يسرني الإنظمام للموقع
وأحب أن أشيد بمراكز التأهيل فهي الإدارة الوحيدة ربما التي تتصل بالمواطن لإكمال إجراءات معاملته أو إستلام مايخصه أما بقية الإدارات فتقول الحاجة لك تعال أنت عقب على معاملتك0تحياتي لجميع إخواني بالموقع والمتصفحون
ونقول لهم بمناسبة قرب حلول شهر رمضان المبارك 1432هـ كل عا وأنتم بألف خير وصحة وعافية جعلنا الله وإياكم من صوامه وقوامه وتقبل من الجميع صالح الأعمال
:thumbup:26/8/1432هـ:thumbup1: