استفسار عن استقدام سائق الرجاء الدخول والرد

[ابن السعوديه]

ـ""""""""""""""""""""((من يعرف فقط))""""""""""""""""""""""


ماهو المطلوب وماهي الطريقة والخطوات بالترتيب التي اقوم بها كي احصل ع التأشيره


اتمنى كل من يعرف يرد علي وبالتفصيل واتمنى من جرب يشرح لي ماذا عمل من البداية الى النهايه


طلب اخير اتمنى اشوف اكثر من رد للفائده


لكل من يرد علي

أسأل الله ان يبشرك بما يسرك ويبعد عنك مايضرك ويثبت يقينك ويرزقك حلالا يكفيك ويرد عنك كل شئ يؤذيك ويسترك فوق الأرض ويرحمك تحت الأرض ويغفر لك ولوالديك يوم العرض

 

[مطنوووخ]

رد: استفسار عن استقدام سائق الرجاء الدخول والرد

اخوي ابن السعودية

الاجراءت بسيطة

رح لأقرب مركز تأهيل قريب منك وقل ابي تأشيرة وراح يعطونك ع حسب الحالة

وبعدين تروح لوزارة الداخلية القديمة بالرياض وتعطيهم رقم البطاقة مع تعريف بالراتب لك او ولي امرك

وبعد ماتخذ التأشيرة تروح لمكتب استقدام

والله يوفقك لكل امر يحبه ويرضاه

 

[فارس الخبر]

رد: استفسار عن استقدام سائق الرجاء الدخول والرد

الله يعطكم العافية يا شباب والله يشفينا

طيب لو راتب ضعيف .. وانا استحق 3. فيز

يعطوني 3 فيز او لا

 

[ابن السعوديه]

رد: استفسار عن استقدام سائق الرجاء الدخول والرد

اخوي ابن السعودية

الاجراءت بسيطة

رح لأقرب مركز تأهيل قريب منك وقل ابي تأشيرة وراح يعطونك ع حسب الحالة

وبعدين تروح لوزارة الداخلية القديمة بالرياض وتعطيهم رقم البطاقة مع تعريف بالراتب لك او ولي امرك

وبعد ماتخذ التأشيرة تروح لمكتب استقدام

والله يوفقك لكل امر يحبه ويرضاه

اولا: انا قريب من جده

ثانيا: لا يوجد لي دخل غير الضمان 1400 والتأهيل 833

يعطوني او لا

 

[ابن السعوديه]

رد: استفسار عن استقدام سائق الرجاء الدخول والرد

لا زال عندي امل في ان يتكرم احدكم ويجاوب ع سؤالي

 

[مناوي]

رد: استفسار عن استقدام سائق الرجاء الدخول والرد

الله يسهل امرك
يسلمووووووووو

 

[ابو يزيد]

رد: استفسار عن استقدام سائق الرجاء الدخول والرد

بالنسبة لتأشيرة سائق تذهب لمكتب التأهيل الشامل التابع لك وبما ان لك نلف عندهم اطلب منهم تأشيرة ويعطوك نموذج تعبيه واعتقد تذهب به إلى الطبيب ليقوم بتعبئة الجزء الخاص به ويقوم بالتوقيع وبعد ذلك انتظر شهر او اقل وراجعهم وخذ منهم رقم الطلب وهذا الرقم تذهب به إلى مكتب الاستقدام وتعطيهم الرقم مع هويتك وإذذا التأشيرة جاهزة على طول يطبعوها لك ويعطوك إياها بس هذه هي الطريقة والله اعلم

 

[ابو غلا]

رد: استفسار عن استقدام سائق الرجاء الدخول والرد

السلام عليكم ورحمة الله وبركاته
في البدايه اخي الغالي تروح لمركز التاهيل الشامل معك صورة من بطاقة الاحوال المدنيه للمعاق او كرت العائله وصورة من بطاقة الصراف
راح ياخذون الاوراق منك وياخذون رقم جوالك ويقولون لك راجعنا بعد اسبوعين اما تراجعهم على رقمهم او تروحلهم شخصيا بالنسبه لي انا اتصلت عليهم بعد اسبوعين واعطوني رقم المعامله
ثانيا: بعد ماتاخذ رقم المعامله تتوجه مباشره لمكتب العمل ومعك برنت لك من التامينات الاجتماعيه ولاوصلت مكتب العمل استفسر وهم يدلونك على المكتب الخاص لذوي الاحتياجات الخاصه يعني لاتصف طابور
بعد ماتروح للمكتب المختص داخل مكتب العمل راح يطلب رقم المعامله اللي اعطوك اياه مركز التاهيل بعدها راح يطلعلك المعامله ويطلب اثباتك وبرنت التامينات الاجتماعيه ويوقعك على ورقه ويطلب منك تحدد الجنسيات بعدها راح يطبعلك التاشيره
بالنسبه للي حصل معي مكتب التاهيل الشامل اعطوني ثلاث تاشيرات خادمه وسائق وممرضه ولكن مكتب العمل رفض يعطوني ثلاث تاشيرات وما اخذت الا سائق وخادمه ولما سئلتهم ليه قالو لازم راتبك فوق العشره الاف علما بان راتبي سته الاف فقط
ثالثا : بعد ماتاخذ ورقة التاشيره تروح لاي مكتب استقدام وقدم على اللي تبي
اخيرا: بعد ماتوصل العماله وهذه اهم نقطه لاني تبهذلت فيها عشان تستخرج للعماله اللي معك اقامات من غير رسوم
تروح في البداية لمركز التاهيل الشامل وتاخذ منهم خطاب اعفاء للجوازات مايطول خمس دقايق ويعطونك اياه وبعدها تروح للجوازات قسم الاقامات راح يدلونك على كاونتر خاص لشغله هذي تعطيه اوراق الفحص وصورة من بطاقتك وورقة الاعفاء وراح يعطونك موعد بعدها تجي وتستلم الاقامات كامله
اتمنى اني اكون وفقت في توصيل المعلومه
والمعذره على الاطاله
تحياتي للجميع