استفسار عن تذكرة اركاب..

[معاني الامل]

:confused1:

السلام عليكم ورحمة الله وبركاته

اتنومت في مدينة الامير سلطان للخدمات الانسانيه وكان معاي جبيره اخذتها من عندهم في تنويم سابق فيها كسر ما عرفت امشي فيها
رحت قسم الجباير قالولي لازم نسويلك امر طلب جديد لأنها ماتنفع وجا موعد خروجي خرجت والامر لسا ماجا
كلمتهم قريب قالو الجبيره جات عندنا تعال اعمل القياسات وانا من سكان جده

يقولو يمديك تطلع تذكره من الهيئة الطبيه اللي عندكم

احاول ادق عليهم على 026554088 ما يردو

ابغا اعرف وش الطلبات عشان يصرفولي تذكرة اركاب

​

 

[معاني الامل]

رد: استفسار عن تذكرة اركاب..

[align=center]
أحد يرد على استفساري الله يعطيكم العافية

مو معقول 67مشاهده ولا رد...[/align]

 

[ضوء القمر]

رد: استفسار عن تذكرة اركاب..

ماعليك شر والله يعافيك عزيزي

مشكلة الرد على التلفون مشكله كبيره وكل الدوائر الحكوميه للأسف مايردون اﻻ ماندر ومدري قصدهم يعذبون المراجع علشان يتبهذل في الروحه والجيه علشان سؤال

انا بصراحه مدري عن جده

أعرف واحد من الشرقيه يراجع التخصصي بالرياض واذا بغا يصرفون له تذكره يروح ويودي معاه كل الأوراق من مواعيد وتحويﻻت واثباتاته الشخصيه علشان يصورونها ويرسلونها وبعد كم اسبوع وتالي يراجعهم ويعطونه


إن شاء الله بقيه الأعضاء يفيدونك أكثر

ماتشوف شر والله يساعدك

مع السﻻمه

 

[سامي]

رد: استفسار عن تذكرة اركاب..

ماعندي خلفية يالغالي ولكن املك الدعاء لك بالشفاء العاجل ....~

 

[ابولجين ولطيفه ونوره]

رد: استفسار عن تذكرة اركاب..

[align=justify]عزيزي بامكاني افادتك وذلك حسب ما مريت فيه من قبلك في مثل هذا الموضوع

اول شي لازم يكون عندك تقرير طبي حديث من المستشفي اللي تراجع فيع وتاخذ صوره بطاقة الاحوال او كرت العايله وتاخذ الموعد معك اهم شي الموعد مايكون راح لازم موعد قدام وتروح بعدها الي قسم اللجنه الطبيه وذلك في الشوون الصحيه في المنطقه اللي انت فيها وتقدمها عليهم وهم يعرضونها علي الاطباء ومن ثم يتم اصدار قرار طبي للمريض مدته سنتين وبموجبه بامكانك الحصول علي تذاكر للمريض والمرافق وبعد كم زياره وقبل ينتهي قرارا اللجنه الطبيه تاخذ لك مذكره من المستشفي اللي تراجع فيه يوضح فيه عدد الزيارات او المراجعات ومن ثم يصرف للمريض والمرافق عن كل زياره مبلغ 300 ريال لكل شخص وفي حالة التنويم يصرف مبلغ 300 ريال عن كل يوم للمرافق فقط ولها اجراءات تقوم بعملها لديهم وبعدها ينزل المبلغ في حسابك

اتمني اني اكون افدتك


ودمت بود[/align]