استفسار عشان الضمان

[مسسساعد]

[align=center]

السلام عليكم
أولاَ ...

اختي الان عمرها 17 سنه ونص ومن الولاده وهي في المستشفى المانع مستشفى خاص والعلاج على حساب ارامكوا بحكم عمل ابوي

وعندها اعاقه حركيه وضمور في العضلات ومشاكل في الكلى والتنفس على جهاز بس تتكلم وتعرف اخوانها واهلها وطبيعي وماعندها مشاكل في العقل نهائيا الحمدالله

ودي اقدم لها على الضمان الاجتماعي هل بيعطونها ولا لا ولا وش شروطهم الله يجزاكم خير

وثانياَ ....

لازم بطاقه احول مدنيه هل هو صحيح المشكله انا من الاحساء واختي منومه في الخبر كيف اطلع لها بطاقه
هل يطلعون الاحوال للمستشفى ويصورونها ​

وهل يتوجب حضور امها عند مراجعه الاحوال ولا انا اروح لهم وخلاص [/align]

 

[مسسساعد]

رد: استفسار عشان الضمان

44 مشاهده ولا احد رد .. :confused1:​

 

[معاند الضيم]

رد: استفسار عشان الضمان

وعليكم السلام ورحمة الله وبركاته

إسال الله لاختك ولمرضى المسلمين الشفاء و الصحة والعافية
وان يصبرها ويصبركم على ما بلاكم

في البداية
هل قدمتوا لها على اعانة التأهيل الشامل ؟

وبخصوص بطاقة الاحوال ما اظن ضروري يكفي بطاقة سجل الاسرة ( كرت العائلة )

والضمان اذا ماني غلطان يقبل من سن 18 سنة

وما يمنع تاخذوا اعانة من التأهيل الشامل + اعانة من الضمان الاجتماعي
لكن يبغى لكم تراجعونهم وتستفسرون كيف تجيبون تقارير طبية من مستشفى حكومي والبنت منومة في مستشفى المانع
وهم راح يفيدونكم بناء على حالتكم


موفقين يارب

 

[مسسساعد]

رد: استفسار عشان الضمان

وعليكم السلام ورحمة الله وبركاته

إسال الله لاختك ولمرضى المسلمين الشفاء و الصحة والعافية
وان يصبرها ويصبركم على ما بلاكم

في البداية
هل قدمتوا لها على اعانة التأهيل الشامل ؟

وبخصوص بطاقة الاحوال ما اظن ضروري يكفي بطاقة سجل الاسرة ( كرت العائلة )

والضمان اذا ماني غلطان يقبل من سن 18 سنة

وما يمنع تاخذوا اعانة من التأهيل الشامل + اعانة من الضمان الاجتماعي
لكن يبغى لكم تراجعونهم وتستفسرون كيف تجيبون تقارير طبية من مستشفى حكومي والبنت منومة في مستشفى المانع
وهم راح يفيدونكم بناء على حالتكم


موفقين يارب

لاهنت على الرد يامعاند الضيم رحنا للتأهيل الشامل ورفضوا يعطونها بحكم انها مازالت المستشفى وعلى حساب ارامكوا ..!!!​

 

[معاند الضيم]

رد: استفسار عشان الضمان

لاهنت على الرد يامعاند الضيم رحنا للتأهيل الشامل ورفضوا يعطونها بحكم انها مازالت المستشفى وعلى حساب ارامكوا ..!!!​

ما يرفضون لانها تتعالج على حساب ارامكوا

لكن هم شرطهم تقرير من مستشفى حكومي
وهالتقرير يعرض على اللجنة الطبية وبنفس الوقت اللجنة الطبية تشوف المريض ااذا ينطبق عليه الكلام الي بالتقرير او لا


المشكلة ان مريضكم منوم ويمكن ما يقدر يروح معكم للتأهيل حتى يقابل اللجنة الطبية
والحقيقة ما ادري في هذه الحالة كيف يتم التصرف
هل هناك لجنة مثلاً تعاين المريض في المستشفى الي منوم فيه ؟

يحتاج يا مساعد تسأل الدكتور بنفسك الي باللجنة الطبية وتشرح له الوضع وهو اكيد راح يفيدك
وايضاً الاخصائي الاجتماعي الي بالمركز برضه اسئلة اغلبهم متعاونين
ومدير المركز لا تخلي احد

يعني روح لهم واطلع منهم بنتيجة
واعانة التأهيل هاذي من وزارة الشؤون وماهو من حق اي احد يمنعها عن اي مواطن يستحقها
لكن المسأله مسألة اجراءات و انظمة لا غير


وبالتوفيق يارب