سؤال للمشرفين او لمن يعرف عن التسجيل في النظام المطور

[محب الجميع]

السلام عليكم
في التسجيل في الضمان المطور توجد خانة وهي ( مايملك من المركبات)
انا امتلك واحدة فقط هل المطلوب تسجيل هذه المركبة او يقصدون ما يزيد عليها
سؤال ثاني
بالنسبة للقدامى ماهو الافضل بالنسبة للتسجيل هل الانتظار او المبادرة في التسجيل عطونا رايكم الله يعطيكم العافية

 

[الرضى]

رد: سؤال للمشرفين او لمن يعرف عن التسجيل في النظام المطور

وعليكم السلام
نعم يقصدون اي مركبه تملكهاوتكون باسمك وملكك والتسجيل يفضل الانتظارلحين ينقلون هم بياناتك وتكمل الناقص منهااذانقلوها

 

[ضوء القمر]

رد: سؤال للمشرفين او لمن يعرف عن التسجيل في النظام المطور

نعم يقصد كل سيارة لك بأسمك شرط او لأبنك بأسمه او بنتك بأسمها التابعين لك حتى لو توك رازقك الله بطفل جديد لازم تعبي بيانات كل شي وكذلك الزوجة اذا عندها سيارة بأسمها اذا كنت متزوج

بالتوفيق

 

[دمعه السعودية]

رد: سؤال للمشرفين او لمن يعرف عن التسجيل في النظام المطور

[align=center]نعم انتظار ان شاء الله[/align][align=center][/align]

 

[ابو مهند.]

رد: سؤال للمشرفين او لمن يعرف عن التسجيل في النظام المطور

والله ياخوك رفضوني عندي ظ¤ تابعين وانا الخامس وراتبي مطابق للشروط ولايوجد دخل ثاني وولد كفيف بعد رفضوه بحجة انه ساكن معي وليس مستقل

 

[ضوء القمر]

رد: سؤال للمشرفين او لمن يعرف عن التسجيل في النظام المطور

والله ياخوك رفضوني عندي 4 تابعين وانا الخامس وراتبي مطابق للشروط ولايوجد دخل ثاني وولد كفيف بعد رفضوه بحجة انه ساكن معي وليس مستقل

افاااا ليه رفضوك

هل عندك بيت بأسمك او عندك عمالة او سجل تجاري هذي اللي يأثر في القبول

طيب ماذكروا لك ايش السبب

حاول تسحب الطلب وتقدم من جديد وإن شاء الله يقبلونك

انت كم راتبك ؟

هم يحسبون الراتب وإعانة التأهيل وحساب المواطن واي دخل يجيك محسوب ويقسمونه على أثنين واذا طلع اكثر من النص تعديت الحد المانع

اول ماصرحوا قالوا حساب المواطن والتأهيل غير محسوبين لأنهم إعانات حكومية

الى الآن في غموض في طريقة قبول الناس يعني مثلا واحد ماعنده راتب ولاوظيفة ومتزوج وعنده عيال وبس عنده حساب المواطن وعطوه قليل أقل من 800 مع أنه مايشتغل ولا عنده مصدر دخل يعني مايندرى كيف طريقة القبول والرفض

 

[ابو مهند.]

رد: سؤال للمشرفين او لمن يعرف عن التسجيل في النظام المطور

افاااا ليه رفضوك

هل عندك بيت بأسمك او عندك عمالة او سجل تجاري هذي اللي يأثر في القبول

طيب ماذكروا لك ايش السبب

حاول تسحب الطلب وتقدم من جديد وإن شاء الله يقبلونك

انت كم راتبك ؟

هم يحسبون الراتب وإعانة التأهيل وحساب المواطن واي دخل يجيك محسوب ويقسمونه على أثنين واذا طلع اكثر من النص تعديت الحد المانع

اول ماصرحوا قالوا حساب المواطن والتأهيل غير محسوبين لأنهم إعانات حكومية

الى الآن في غموض في طريقة قبول الناس يعني مثلا واحد ماعنده راتب ولاوظيفة ومتزوج وعنده عيال وبس عنده حساب المواطن وعطوه قليل أقل من 800 مع أنه مايشتغل ولا عنده مصدر دخل يعني مايندرى كيف طريقة القبول والرفض

راتبي حول5000 لاسجل تجاري ولا عماله ولا غيره والمشكله حتى ولدي كفيف رفضوه

 

[الرضى]

رد: سؤال للمشرفين او لمن يعرف عن التسجيل في النظام المطور

راتبي حول5000 لاسجل تجاري ولا عماله ولا غيره والمشكله حتى ولدي كفيف رفضوه

طبيعي يرفضونك لان الحدالمانع ل5حددوه ب3300وراتبك مثل ماتقول حول ال5000متجاوزالحدالمانع

 

[الرضى]

رد: سؤال للمشرفين او لمن يعرف عن التسجيل في النظام المطور

اسفه اخطيت هم يحسبون نصف الراتب يعني نصف5000يكون2500يعني يشملك ان شاءالله

 

[ضوء القمر]

رد: سؤال للمشرفين او لمن يعرف عن التسجيل في النظام المطور

راتبي حول5000 لاسجل تجاري ولا عماله ولا غيره والمشكله حتى ولدي كفيف رفضوه

كم عدد أفراد الأسرة او عدد التابعين عندك

شف هذا الرابط يبين لك كم الحد المانع

https://w10w.net/hsabaty/secu/

 

[ابو مهند.]

رد: سؤال للمشرفين او لمن يعرف عن التسجيل في النظام المطور

كم عدد أفراد الأسرة او عدد التابعين عندك

شف هذا الرابط يبين لك كم الحد المانع

https://w10w.net/hsabaty/secu/

والله اقل من الحد المانع لكن مدري كيف حسبوها

 

[ضوء القمر]

رد: سؤال للمشرفين او لمن يعرف عن التسجيل في النظام المطور

والله اقل من الحد المانع لكن مدري كيف حسبوها

أنت حسبت بس الراتب والله أعلم

هم يحسبون حتى حساب المواطن والإعانة حتى إعانة الطفل الكفيف الله يشافيه ويعافية

ولو زوجتك عندها حافز مثلا لازم تدخل في الحد المانع للضمان المطور

هم صحيح لم يعلنوا عن حساب المواطن والإعانة وقالوا مو من تبع الدخل المكتسب ولكن في الحقيقة وعن واقع تجربة أعرف واحد جامعي حسب كل شي اول شي حسب الراتب فقط والمفروض يعطونه اكثر ولما حسب كل المداخيل بالضبط طلع نفس المبلغ اللي نزل له

واذا كلمتهم وأستفسرت منهم اكيد بيقولون مو من تبع الدخل المكتسب بس واضحة الشغله

الله يرزقك من واسع فضله وإن شاء الله يغنيك عن حاجة الناس ..اللهم آمين

 

[مريكلز]

رد: سؤال للمشرفين او لمن يعرف عن التسجيل في النظام المطور

أنت حسبت بس الراتب والله أعلم

هم يحسبون حتى حساب المواطن والإعانة حتى إعانة الطفل الكفيف الله يشافيه ويعافية

ولو زوجتك عندها حافز مثلا لازم تدخل في الحد المانع للضمان المطور

هم صحيح لم يعلنوا عن حساب المواطن والإعانة وقالوا مو من تبع الدخل المكتسب ولكن في الحقيقة وعن واقع تجربة أعرف واحد جامعي حسب كل شي اول شي حسب الراتب فقط والمفروض يعطونه اكثر ولما حسب كل المداخيل بالضبط طلع نفس المبلغ اللي نزل له

واذا كلمتهم وأستفسرت منهم اكيد بيقولون مو من تبع الدخل المكتسب بس واضحة الشغله

الله يرزقك من واسع فضله وإن شاء الله يغنيك عن حاجة الناس ..اللهم آمين

يعني إعانه التأهيل حتى وأنا تابع لأمي راح تنحسب من الدخل المكتسب لما ننتقل للضمان للمطور؟

 

[الرضى]

رد: سؤال للمشرفين او لمن يعرف عن التسجيل في النظام المطور

يعني إعانه التأهيل حتى وأنا تابع لأمي راح تنحسب من الدخل المكتسب لما ننتقل للضمان للمطور؟

لاماراح تحسب حسب ماصرحوا

 

[ناديه عمر]

رد: سؤال للمشرفين او لمن يعرف عن التسجيل في النظام المطور

لاماراح تحسب حسب ماصرحوا

السلام عليكم

اخيتي الرضى يقولون لازم نسجل في المطور والي مايسجل رآح ينقطع عليه في شوال وفي تويتر ارسلو صوره وماقدرت ارسلها هنا وانا من القديمين وساكنه مع اهلي ، هل فيه اثبات استقلاليه ورفع عقد ايجار ، اذا فيه هذي الخانه مثل حساب المواطن الله يعوضني بأخير منه .


iPhone السعودية لذوي الاعاقة

 

[الرضى]

رد: سؤال للمشرفين او لمن يعرف عن التسجيل في النظام المطور

السلام عليكم

اخيتي الرضى يقولون لازم نسجل في المطور والي مايسجل رآح ينقطع عليه في شوال وفي تويتر ارسلو صوره وماقدرت ارسلها هنا وانا من القديمين وساكنه مع اهلي ، هل فيه اثبات استقلاليه ورفع عقد ايجار ، اذا فيه هذي الخانه مثل حساب المواطن الله يعوضني بأخير منه .


Iphone السعودية لذوي الاعاقة

وعليكم السلام
لاتسجلين الااذاارسلوالك رساله اووقفوه لان المطورلازم اثبات استقلاليه فالافضل ماتسجلين فيه الااذاوقف عنك الضمان القديم وان شاءالله انهم يغيرون هالشرط ويقبلون المستفيدين مثل النظام القديم والله يعوضك خيروتاكدي اختى ان الله مايغلق باب رزق الايفتح ابواب اخرى والله يرزقك من واسع فضله

 

[ناديه عمر]

رد: سؤال للمشرفين او لمن يعرف عن التسجيل في النظام المطور

وعليكم السلام

لاتسجلين الااذاارسلوالك رساله اووقفوه لان المطورلازم اثبات استقلاليه فالافضل ماتسجلين فيه الااذاوقف عنك الضمان القديم وان شاءالله انهم يغيرون هالشرط ويقبلون المستفيدين مثل النظام القديم والله يعوضك خيروتاكدي اختى ان الله مايغلق باب رزق الايفتح ابواب اخرى والله يرزقك من واسع فضله

الله يجزآك خير اخيتي وحبيبتي الرضآ ، وحسبي الله ونعم الوكيل ، حطو عينهم ع الضعوف ، ربنآ موجود وبيآخذ حقنا ، والحمدالله ع كل حال .


iPhone السعودية لذوي الاعاقة

 

[ضوء القمر]

رد: سؤال للمشرفين او لمن يعرف عن التسجيل في النظام المطور

يعني إعانه التأهيل حتى وأنا تابع لأمي راح تنحسب من الدخل المكتسب لما ننتقل للضمان للمطور؟

اي نعم وانا جاني رفض بسبب تجاوز الحد المانع ويوم حسبت الراتب وإعانة التأهيل وحساب المواطن طلعوا محسوبين ضمن الدخل المكتسب وهم للأسف صرحوا أن إعانة المعاقين مومحسوبة ولكن في أرض الواقع محسوبة ويوم كلمتهم قالوا وعطيتهم بالضبط اللي استلم باقي على الحد المانع فوق 500ريال ويوم حطيت الإعانة طلعت متجاوز الحد المانع ب200 ريال ....يعني نصدق مين اذا تقولون مو محسوبة خلاص أهلوني ووافقوا علي

 

[مريكلز]

رد: سؤال للمشرفين او لمن يعرف عن التسجيل في النظام المطور

اي نعم وانا جاني رفض بسبب تجاوز الحد المانع ويوم حسبت الراتب وإعانة التأهيل وحساب المواطن طلعوا محسوبين ضمن الدخل المكتسب وهم للأسف صرحوا أن إعانة المعاقين مومحسوبة ولكن في أرض الواقع محسوبة ويوم كلمتهم قالوا وعطيتهم بالضبط اللي استلم باقي على الحد المانع فوق 500ريال ويوم حطيت الإعانة طلعت متجاوز الحد المانع ب200 ريال ....يعني نصدق مين اذا تقولون مو محسوبة خلاص أهلوني ووافقوا علي

يعني إذا نقلوني على المطور راح ينحسب من الدخل المكتسب؟
بس الأخت الكريمه الرضى تقول لا

 

[الرضى]

رد: سؤال للمشرفين او لمن يعرف عن التسجيل في النظام المطور

يعني إذا نقلوني على المطور راح ينحسب من الدخل المكتسب؟
بس الأخت الكريمه الرضى تقول لا

انااقول حسب ماقالواهم انه ماينحسب واذاكان مثل ماقال ضوءالقمرانه حسبوه عنده الافضل انه مايسجل من الاساس بالدخل