اشعارات

********سواليف قصيمية *******

الحنان كله

الحنان كله

عضو لامع
امساكم الله بالخير
وش اخباركن يابنات
عساكن بخير تصدقن عاد والله اني احببببببببببكن قوة قوة
ماادري وراه شكلي منحوته<<<<<ماله داعي بالسالفه
-----------------------------------------------------------------------------
عاد ما اطول عليكن ...... عندي سوااليف وقصص عساه تجوووووووز لكن ..

هذا واحد يقاله سعد الخويطر من اهل عنيزة ..

كان معروف الله يرحمه بخفه دمه ..

وكان يشتغل بالبلدية .. بلدية عنيزة

جاه واحد جذع قاله .. يا اخوي ذبحنا البق ( الناموس )

رشيناه بفليت وما نفع وإن صكينا الدرايش ( النوافذ ) متنا حر ..

قال سعد وش تبينا نزين لكم.؟

قال ابيي البلدية تجي ترشه بالمبيد وترش شوارع الحاااره ..

قاله والله يا وليدي هالحين شمس وحر وما بنا حيل نطلع نرشه

إلا إن كان تجيب لنا البق ( الناموس ) نرشه بذا ..

ــــــــــــــــــــــــــــــ ــــــــــــ

وله قصه ثانيه تسد اشتغل فتره بالعقااار .. وفتح له مكتب

ومير يجيه واحد قال ابي حوش بحي الاشرفية ( وهو حي معروف بعنيزة )

قال يا وليدي ما عندي ارض بالاشرفية

قال دبر لنا يمين يسار

قال قضن أراضي الاشرفيه ما هنا شئ

الرجال نشب بحلقه وقال شف لي انت بالعقار واكيد تعرف ؟

قال / اصبر يومين يبي يجي لنا قطع اراضي من الرياض غدينا نلقاك شئ منهن

=-=-=-=-=-=-=-=-=-=-=-=-=-=-=

وهذي سااالفة وش زينه


السالفه ان به رجل عجزت مرته ( ام عياله ) وطاااحت وصارت ما غير تشكى ..

وصارت المره ما هنا نفع ... ما غير تشكى وريحه فقص وحلتيته .. ..

والرجال .. يبي يجدد شبابه .. ويبي يستانس وينبسط ..

وبدا ينووي على العرس

يعني يبي يطق الثااانية .. يونس عمره قبل لا يطيح وينهد حيله ..

والرجال لقاة المره الزينه اللي تناااسبه .. وتسعده وخطب ووافقوا له ..

لكن يوم جت الدخله وجاااء العرس

بللللللللش بام العيال

عجز يصاااارحه .. ويقوله اني ابعرس عليتس ..

لان الرجل رهيف .. وقلبه لين .. ويخاف انه تزعل .. ( ما اظنه صدتس بس مشنه )

وفكر .. بحيله لقاه زينه ...

قال لام العياال تراي وظفووون بالعسه ..

قالت وشي العسه ..

قال العسه ناس تبع الدووولة يبدون اذا جاء الليل يطلعون ويعسوون بالشوارع علشان يحمون الديره والبيوت ..

قالت افاااااا وهي وشلون طريقته كل يوم او مرتين بالاسبوع

قال / لا كل يوووم على مدار الاسبوع ومابه إجازات بعد

الرجال ناااوي يخربها مرررره

وجاء يوم ودخل على الزوجه الجديدة

ومشت اموووره تمااام

صار النهار عند ام العيال .. والليل عند الجديدة...

وجـاه من الجديدة عيااال

والعيااال كبروا

والشااايب خويّـنا .. كبر بالحيل

وجته ( قله الصحه ) وبدا يحس ان اموووره ما هناش

وحس انه منيته قربت ..وبدا يأنبه ضميره

وشلون ام عياله ما تدري عن عرسه ..

وعياله ما يعرفوون بعض ..

امر يجي ويمسك عياله الصغار .. اللي من المره الجديدة

واخذهم لخالتهم .. ام العيال .. ودخل عليه

ام عيااااله يوم فتحت البااااااااااب وتناظر رجله ..

ومعه كووومه بزااارين

طاااااااااارت عيووووووونه

قالت منهم ذولا ؟

قال :

ذولاء عيال العسه
==========================
معاني المفرادات :

فقص : دهن ذو ريحه كريهه علبته خضراء متوفر لدى كل عجوز قصي 100.

حلتيته : غير قابله للشرح !

قله الصحه : ضعف المناعه وكثره الامراض .. وهو داء يصيب الشيبان.

العسه : الدوران والتجوال بين المنازل في الليل .​
 
رد: ********سواليف قصيمية *******

ههههههههههههههههههههههههههههه​

اعجبتني سالفة العسة تهقين تمشي هاليومين؟ ماضنيت
لحظه !! اشوى ماعندي احد يشوف وش كتبت
ههههههههههههههههههههههههه
لاهنتي اختي الحنان كله
تقبلي مروري​
 
رد: ********سواليف قصيمية *******






قالت منهم ذولا ؟​


قال : ​

ذولاء عيال العسه ​
​




هههههههه
أي والله عيال العسه


أحلى تحيه لأهل القصيم
فديتك حنون​
 
رد: ********سواليف قصيمية *******

يسلمو معاند وغاردينيا


معاند ايه تمشي سالفه العسه ههههههههه
 
رد: ********سواليف قصيمية *******

امساكم الله بالخير
وش اخباركن يابنات

يعني الموضوع لايخص الرجال بس البنات يالله مالنا حض

وعلى العموم مشكوره اختي وبارك الله فيكي
 
رد: ********سواليف قصيمية *******

ههههههههههههههههههههه

ابو الحسن منوووووووووووووووور اخوي
 
رد: ********سواليف قصيمية *******

[align=center][table1="width:95%;"][cell="filter:;"][align=center]
ههههههههههههههههههههههههههههههههههه

عجبتى السولف وايد خيتو

الله يعطيكِ العافيه

[/align][/cell][/table1][/align]
 
رد: ********سواليف قصيمية *******

ههههههه يسلموا حبيبتي
 
رد: ********سواليف قصيمية *******

ياحبيل القصمان وسواليفهم

بصراحة انا انبسط على سوالف الشيبان الأولين
 
رد: ********سواليف قصيمية *******

[align=center]
يعطيكِ ألف عافيه يالغلا
دمتي في حفظ الله
إحتراآأآامي لكِ ..
[/align]
 
رد: ********سواليف قصيمية *******


[align=center]
انا اشك ان هاذي السواليف لقصيميه بس
لان مافيه لا وين به ولا يحبيله ولا دوس
طبعا مع نطق الكلمات بالضمه
ترى امزح يالغاليه وانتي تعرفيني زين--- مع احترامي لكل القصمان
تقبلي مروري يااعز صديقه
[/align]

 
رد: ********سواليف قصيمية *******

شاكره مروركم العطر

الفجر المضئ عارفه فديتك منوره صفحتي :3:
 
رد: ********سواليف قصيمية *******

[align=center]فديت القصيم ومن سكن فيها
فديت من زارها و وداس اترابها
ولاهان الجميع
كل الشكر بنت القصيم[/align]
 
رد: ********سواليف قصيمية *******

فداك الكون قلبو الكنز الثمين منوررره صفحتي
 
رد: ********سواليف قصيمية *******

حلووووووووووووووه
اما عيال العسه
هههههههههههههههههههههههه
 
رد: ********سواليف قصيمية *******

دوووووووووم الضحكه قلبو زهرتي منورررررررره صفحتي فديتك
 
يجب تسجيل الدخول أو التسجيل كي تتمكن من الرد هنا.

عودة
أعلى