سوال محيرني عن تحديث البيانات

[النشميه]

السلام عليكم ورحمة الله وبركاته
اخواني اخواتي اسعد الله مساكم انا عندي سوال محيرني تحديث
البيانات كل شخص يحدث بياناته لوحده او جميع المعاقين يحدثون
في شهر معين في التاهيل سمعت انه التحديث يبدا بشهر ربيع
اول ( شهر 3 ) انا جديده على الاعاته صرفت مره وحده بس
ولكم تحياتي

 

[بنت قحطان]

رد: سوال محيرني عن تحديث البيانات

الله يـسـعـد مـسـاك يـالـغالـيـة
تـحـديـث الـبـيـنـات مـن مـركـز الـتـأهـيـل الـشـامـــــــل
أنـــــــا الـعــــــام قـــالــــوا لـــــــي طـبـعـاً الـلـي عـنـدنـا بـالـريــاااض
يـبـدأ الـتــجــديــد مـن شـهــر واحــد يـعـنـي مـحـرم
إلـــــــــى نـهــايــة شــــهــــــــر ثـــــلاثــــــة ربـيـع أول
وتـأخـذيـن مـعـك الـكـرت حـقـت الـتـأهــيــل وبـطـاقـة أحـوال والـصـرافــه حـقـت الـتأهـيــل

الله يـرزقـك أخـتـي الـنـشـمـيـة وجـمـيـع أخـوانـي وأخـواتــي يــــــارب

 

[النشميه]

رد: سوال محيرني عن تحديث البيانات

تسلمين ياقلبي على ردك الوافي طيب يابنت قحطان ياالغاليه بدا التسجيل الان او متى يبدا

 

[شروق]

رد: سوال محيرني عن تحديث البيانات

الله يعينك كل سنه تحديث بيانات من مركز التاهيل الشامل بمنطقتك تحضري معك كرت العائلة وبطاقة التاهيل وفي بعض الحين يطلبوا منك تقرير طبي عن حالتك لكن نادرا...وبعد شهركذا يتم الصرف مثل احنا عندنا يبداء بشهر 3 ويصرفوا لانا شهر5

موفقه بإذن الله ... لك مني أجمل تحية .

 

[النشميه]

رد: سوال محيرني عن تحديث البيانات

هلا وغلا بشروقه الله يجزاك خير يعني يختلف التحديث من مدينه الى
مدينه انا باتاهيل الرياض انتي وينك فيه انا فهموني مايصرفون الاعانات
الا في شهر 7 و8 والله مدري ويش السالفه

 

[فالح عبدالله الهاجري]

رد: سوال محيرني عن تحديث البيانات

مش معقول بشهر 7 او 8 هذولا يستهبلون
التحديث بشهر صفر او ربيع اول والاستلام بشهر 5 او 6

 

[ماجد 5995]

رد: سوال محيرني عن تحديث البيانات

السلام عليكم
سوال ...............................................................
لماذا هذا التحديث في كل عام هل بيجدد جديد في جسدي و انا اعاقتي معي من زمان طويل جدا
الله الهادي

 

[النشميه]

رد: سوال محيرني عن تحديث البيانات

هلا فيك اخوي ماجد هذا التحديث عشان يثبت لهم انك على قيد الحياة
المريض كل سته اشهر يحدث بيناته الي يستلمون اعانه بس والله المستعان

 

[فالح عبدالله الهاجري]

رد: سوال محيرني عن تحديث البيانات

لاخير فيهم كلهم بس وش نسوي لازم نتبع التعليمات
واصبرو والله يعين الصابرينا

 

[أسير الشوق]

رد: سوال محيرني عن تحديث البيانات

التحديث بشهر صفر او ربيع اول والاستلام بشهر 5 او 6

كلام سلم تحديث في شهر صفر ينزل على طريق صرافه الحين يمكن بشهر 6
تحياتي لكم

 

[فالح عبدالله الهاجري]

رد: سوال محيرني عن تحديث البيانات

التأكيد جابته المراقبه لعامه الاخت آهه وصمت
يالله ادعولي انهم يسلموني يالله ياكريم
شكرا للجميع

 

[نور]

رد: سوال محيرني عن تحديث البيانات

الله كريم

بس بالنسبة للزيادة اكيد لاني اسمع شاعات بانها يمكن ان تكون لعام واحد فقط

نرجو ممن لديه معلومة موثقة يفيدنا