سؤال عن بنك التسليف

[قصيمية]

السلام عليكم

لدي أستفسار الله يجزاكم خير

من لدية فكرة عن الموضوع يفيدني

معلومة سمعتها أن المعاق له الحق أن يأخذ قرض من بنك التسليف

ومن ثم يرفع برقية للملك ويسقط عنه القرض

هل الكلام هذا صحيح

ووش الشروط والمطلوب والأجراءت

شاكرة لكم مقدماً

 

[عمر المالكي]

رد: سؤال عن بنك التسليف

صحيح

 

[بحر العنا]

رد: سؤال عن بنك التسليف

من جد صح اول مرا ادري طيب افيدونا طيب وش الشروط والاجراءت بالله عليكم افيدوني

 

[ريتاج تبوك]

رد: سؤال عن بنك التسليف

ياليت الي عنده خلفيه الله يزاه الخير يبلغنا في امس الحاجه

 

[عمر المالكي]

رد: سؤال عن بنك التسليف

انا كان عندي قرض علي ايام الملك عبدالله الله يرحمه وقدمت علي الديوان وحولو المعامله علي وزاره الماليه الاي في البطحاء وجاني اعفاء كامل بلمبلغ انا مسدد الاي ثلاث الف من خمس وربعين الف

 

[ريتاج تبوك]

رد: سؤال عن بنك التسليف

طيب يعطون الي في التاهيل وهل خاص بالرجال ولا النساء

 

[عمر المالكي]

رد: سؤال عن بنك التسليف

اخت ريتاج ترين يعني ماهو تقديم عام او اعلنوه بس اي شخص يقدم ويتابع المعامله والاي يكتبه ربك بياخذه

 

[ريتاج تبوك]

رد: سؤال عن بنك التسليف

طيب كيف طريقه التقديم والشروط لو سمحت

 

[ضوء القمر]

رد: سؤال عن بنك التسليف

التقديم تكتبين معروض باسم الملك وتكتبين ظروفك وان عندك آجار ومستلزمات وهكذا

انا رسلتها عن طريق البريد الممتاز ب50 ريال عاد انت اذا في الرياض أو منطقه ثانيه دبر عمرك

المهم صورة من كرت العايله او البطاقه والمعروض واي شي يثبت كلامك مثل أجار أو كهرب وهكذا

وتالي يحولونك الى الماليه وهناك تجيب طلباتهم برنت من التأمينات اذا عندك أطفال يدرسون تجيب تعريف لهم

أهم شي اذا رسلت لهم تقول انك معاق ومريض وغير قادر على السداد وبعدين تابع المعاملة بعد اسبوعين

وبالتوفيق

ملاحظه : هذي اللي أعرفه قبل ثلاث سنوات تقريبا ولا أعلم اذا استجد جديد وتعرفون الأنظمه كل فتره تتغير

 

[حموده]

رد: سؤال عن بنك التسليف

انا سويت معروض لديوان وجات الموافقة ولكن شغلة وتعب لازم من متابعة بإستمرار


---

 

[ابو اليزيد]

رد: سؤال عن بنك التسليف

طيب القرض أقدمه بأي صفة ...
قرض عائلي.....ولا قرض شخصي....ولا قرض معاق....ولا قرض إيش بالضبط
وما هي المستندات المطلوبة للقرض ....وعن طريق النت التقديم ...ولا أروح شخصياً
الي أخذ قرض يا ليت يدلنا على الطريقة ومشكور...وحب لأخيك المسلم كما تحب لنفسك

 

[ريتاج تبوك]

رد: سؤال عن بنك التسليف

انا متزوجه هل ينفع لي ولا لا

 

[ضوء القمر]

رد: سؤال عن بنك التسليف

قرض الزواج يعطون 40 ألف

قرض الأسره يعطون 60 ألف وطبعا لازم يكون عندك عيال

قرض الترميم ماعندي فكره عنه

طبعا اذا قدمت على سلفه ووافقوا على شروطك وجبت كفيل وقمت تسدد شهر او شهرين تاااااالي قدم الخطاب للديوان

 

[ضوء القمر]

رد: سؤال عن بنك التسليف

انا متزوجه هل ينفع لي ولا لا

ماعندي علم :icon_rolleyes:

 

[عمر المالكي]

رد: سؤال عن بنك التسليف

لازم تكون عدد افراد الاسرة اربعه انفار للقرض الاسره وقرض الزواج يعطوان ستين الف مش خمس واربعين

 

[ابو اليزيد]

رد: سؤال عن بنك التسليف

جزاك الله خير....أخي ضوء القمر فضلاً لا أمراً
والله ما عرفت أقرأ ردودك حروف متقطعة
يا ليت تغير نمط الخط علشان نقدر نقرأ ردودك

 

[صاحب اراده]

رد: سؤال عن بنك التسليف

انا اللي اعرفه ان الكل يقدر يقدم لبنك التسليف لزواج بس العزاب كيف يقدم ارجو الا فاده وكيف يعني منت قادر اتسدد

 

[ضوء القمر]

رد: سؤال عن بنك التسليف

جزاك الله خير....أخي ضوء القمر فضلاً لا أمراً
والله ما عرفت أقرأ ردودك حروف متقطعة
يا ليت تغير نمط الخط علشان نقدر نقرأ ردودك

ولا يهمك ..

تم التغييير وان شاء الله يكون واضح

 

[ضوء القمر]

رد: سؤال عن بنك التسليف

انا اللي اعرفه ان الكل يقدر يقدم لبنك التسليف لزواج بس العزاب كيف يقدم ارجو الا فاده وكيف يعني منت قادر اتسدد

بنك التسليف مايعتمد على اسم المقترض وأهم شي عندهم الكفيل يكون عمله حكومي
بس ماعندي فكره للأعزب وسلامتك

 

[صالح العوامي]

رد: سؤال عن بنك التسليف

موضوع مهم جدا مشكورين